2014-11-28
Today from Hiiraan Online:  _
Wararka Maanta- Sabti, Jan 26, 2013
Xukuumadda Soomaaliya oo xabsiga dhigtay saddex Sarkaal oo ku eedeysan inay musuq-maasuqeen Deeqo waxbarasho



Sabti, Jannaayo 26, 2013 (HOL) —Wasiiradda wasaaradda horumarinta adeegga bulshada, Maryan Qaasim ayaa sheetay in xukuumadda Soomaaliya ay xabsiga dhigtay saddex sarkaal lala xiriiriyay arrimo ku saabsan musuqmaasuq lagu sameeyay deeqo waxbarasho oo Soomaaliya ay ka heshay dalka Turkiga.

Wasiiradda ayaa sheegtay in saraakiishan la xiray uu ku jiro agaasimihii guud ee wasaaraddii waxbarashada Soomaaliya, kaasoo la sheegay inuu lacago ka qaatay dadka uu deeqda waxbarsho siiyay.

“Waan la soconnaa xariga agaasimihii guud ee wasaaradda waxbarashada iyo laba ruux oo kale kuwaasoo lagu soo eedeeyay inay is-daba-marin ku sameeyeen deeqo waxbarasho oo la helay,” ayay tiri wasiiradda.

Sidoo kale, wasiirraddu waxay sheegtay inuu socdo baaris arrintan ku saabsan.

Dowladda Turkiga ayaa tan iyo sannadkii 2011 waxay deeqo waxbarsaho siiyeen arday Soomaaliyeed oo ka baxay dugsiyada sare ee dalka, iyadoo ay jireen tan iyo xilligaas in la musuqmaasuqo deeqaha waxbarasho ee uu Turkigu ugu deeqo ardayda Soomaaliyeed.

Madaxweynaha Soomaaliya, Xasan Sheekh Maxamuud ayaa ballanqaaday markii la doortay bishii September ee sannadkii hore inuu la dagaalamo doono musuqmaasuqa muuqda iyo midka qarsoon, ayna abuuri doonaan hab cadaaladeed shaqeynaya, kaasoo si simman ugu shaqeynaya shacabka Soomaaliyeed.

Garsoorayaal Soomaaliyeed ayaa lagu eedeeyay inay sii daayeen gacan-ku-diigley lagu magacaabi jiray Axmed Salaad Xasan oo Muqdisho ku dilay bishii Decmber ee sannadkii 2011 shaqale ajnabi ah oo u shaqeynayay hay’adda MSF, waxaana laga sii-daayay xabsiga dhexe.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-01-26 12:05 PM EST
Sabti, Jannaayo 26, 2013 (HOL) — Booliiska Midowga Afrika ee AMISOM ayaa tababar u soo gabgabeeyay saraakii ka tirsan booliiska Soomaaliya tababarkii saddexaad oo ku saabsan baarista dambiyada, iyadoo saaakiishan lagu guddoonsiiyay shahaadooyin dugsiga tababarka booliiska ee Jen. Kaahiye.

2013-01-26 10:27 AM EST
Sabti, Jannaayo 26, 2013 (HOL) —Munaasabadda furitaanka idaacaddan cusub ayaa maanta ka dhacday xaruntii hore ee Gobolka ee loo yaqaan (K2) iyadoona ay kasoo qeybgaleen madax katirsan dowladda federaalka Soomaaliya iyo masuuliyiin ka socotay maamulka KMG magaalada Kismaayo.

2013-01-26 8:12 AM EST
Sabti, January 26, 2013(HOL): Waxaa mar kale ka dhacay garoonka kubbadda cagta Cawaale ee magaalada Gaalkacyo munaasabad ballaaran oo ay isku arkayeen boqoolal dhalinyaro ah kuwaasi oo u kala ciyaara kooxaha da' yarta ah ee Koonfurta iyo Waqoyinga Gaalkacyo iyadoona dhawaan tartamo kala gadisan oo dhanka cayaaraha ah ay u furmi doonan.

2013-01-26 7:30 AM EST
Sabti, Jannaayo 26, 2013 (HOL) —Xukuumadda Soomaaliya ayaa sheegtay inay wax ka qabanayso hoos u dhaca ku yimid shillinka Soomaalga iyo sirir bararka raashinka, iyadoo wasiirka maaliyadda uu sheegay inay qaadi doonnaan tallaabo ay wax uga qabanayaan arrinaas.

2013-01-26 4:55 AM EST
Sabti, Jannaayo 26, 2013 (HOL) —Ciidamada dowladda Soomaaliya ayaa saaka waabarigii howlgallo ballaaran ka bilaabay qaar katirsan degmooyinka gobolka Banaadir, iyadoona ay ciidamadu howlgalladaasi kusoo qabqabteen dad badan oo looga shakisanyahay in ay xiriir la leeyihiin Dhaq-dhaqaaqa Al-shabaab.

2013-01-26 4:21 AM EST
Sabti, Jannaayo 26, 2013 (HOL) — Ergayga xoghayaha guud ee Qaramada Midoobay u qaabilsan arrimaha Soomaaliya, Danijre Augustine Mahiga oo ku sugan magaalada Addis Ababa ayaa beesha caalamka ka dalbaday in dhaqaale ay ku bixiyaan dhismaha ciidamada Soomaaliya si ay awood ugu yeeshaan inay la wareegaan ammaanka guud ee dalka.

2013-01-26 4:02 AM EST
Sabti, Jannaayo 26, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo ayaa maanta oo Sabti ka dhoofay Muqdisho, iyagoo kusii jeeda dalka Itoobiya, halkaasoo ay uga qaybgalayaan shir-sannadeedka Midowga Afrika.