2014-10-30
Today from Hiiraan Online:  _
Wararka Maanta- Sabti, Jan 26, 2013
Booliiska AMISOM oo Tababar ku saabsan barista dambiyada u soo xiray qaar ka mid ah saraakiisha Booliiska Soomaaliya


Sabti, Jannaayo 26, 2013 (HOL) — Booliiska Midowga Afrika ee AMISOM ayaa tababar u soo gabgabeeyay saraakii ka tirsan booliiska Soomaaliya tababarkii saddexaad oo ku saabsan baarista dambiyada, iyadoo saaakiishan lagu guddoonsiiyay shahaadooyin dugsiga tababarka booliiska ee Jen. Kaahiye.

Tababarkan oo la siiyay 60-sarkaal oo 16 ka mid ah ay ahaayeen haween ayaa socday muddo laba toddobaad ah, iyadoo la baray xirfado ku saabsan habka loo sameeyo baarista dambiyada.

Warsaxaafadeed ay AMISOM soo saartay ayaa waxaa lagu sheegay dhowrka toddobaad ee soo socda sidoo kale loo qaban doono tababar noocan oo kale ah 140 sarkaal oo booliiska Soomaaliya ka tirsan.

“Tababarkan wuxuu ahaa mid sare loogu qaadayay xirfadaha baarista dambiyada ee ciidamada booliiska Soomaaliya, kaddib sannado badan oo ay isku dhacyada kooxaha hubeysan ay ka jireen dalka,” ayaa lagu yiri war ay soo saartay AMISOM.

Dr. Charles Makono oo ah taliyaha booliiska AMISOM ayaa ku dhiirigeliyay saraakiisha tababarka loosoo gabagabeeyay in cilmiga ay barteen ay ku dabaqaan howlahooda ku aaddan baarista dambiyada ee ay ka sameynayaan dalka oo dhan.

“Nabad lama heli karo iyadoo aan sharciga la xoojin, sidoo kalena aan lagu sameyn baaris wanaagsan dambiyada dhaca. Sidaa daraadeed booliiska Soomaaliya waa inay qaybtooda ka qaataan sidii Soomaaliya nabad loogu soo celin lahaa. Saraakiishiinna maanta tababarka dhameystay waxaad gun-dhig u tihiin howsha nabadda iyo xasilloonia lagu gaarsiin lahaa Somaailya,
 ayuu yiri Dr. Makono.

Ugu dambeyn, Dr. Makono wuxuu u mahadceliyay taliyaha booliiska Soomaaliya, Jen. Shariif Sheekhunaa Maye iyo kooxdiisa oo soo xulay haween ka qaybqaata tababarkan.

Booliiska AMISOM oo sannadkii hore howshooda ka billaabay Soomaaliya ayaa waxay tababarro dhowr ah siiyeen booliiska Soomaaliya, waxaana sidoo kale ay booliiska AMISOM ka howlgalaan saldhigyo ku yaalla degmoooyinka gobolka Banaadir qaarkood.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-01-26 12:29 PM EST
Sabti, Jannaayo 26, 2013 (HOL) —Wasiiradda wasaaradda horumarinta adeegga bulshada, Maryan Qaasim ayaa sheetay in xukuumadda Soomaaliya ay xabsiga dhigtay saddex sarkaal lala xiriiriyay arrimo ku saabsan musuqmaasuq lagu sameeyay deeqo waxbarasho oo Soomaaliya ay ka heshay dalka Turkiga.

2013-01-26 10:27 AM EST
Sabti, Jannaayo 26, 2013 (HOL) —Munaasabadda furitaanka idaacaddan cusub ayaa maanta ka dhacday xaruntii hore ee Gobolka ee loo yaqaan (K2) iyadoona ay kasoo qeybgaleen madax katirsan dowladda federaalka Soomaaliya iyo masuuliyiin ka socotay maamulka KMG magaalada Kismaayo.

2013-01-26 8:12 AM EST
Sabti, January 26, 2013(HOL): Waxaa mar kale ka dhacay garoonka kubbadda cagta Cawaale ee magaalada Gaalkacyo munaasabad ballaaran oo ay isku arkayeen boqoolal dhalinyaro ah kuwaasi oo u kala ciyaara kooxaha da' yarta ah ee Koonfurta iyo Waqoyinga Gaalkacyo iyadoona dhawaan tartamo kala gadisan oo dhanka cayaaraha ah ay u furmi doonan.

2013-01-26 7:30 AM EST
Sabti, Jannaayo 26, 2013 (HOL) —Xukuumadda Soomaaliya ayaa sheegtay inay wax ka qabanayso hoos u dhaca ku yimid shillinka Soomaalga iyo sirir bararka raashinka, iyadoo wasiirka maaliyadda uu sheegay inay qaadi doonnaan tallaabo ay wax uga qabanayaan arrinaas.

2013-01-26 4:55 AM EST
Sabti, Jannaayo 26, 2013 (HOL) —Ciidamada dowladda Soomaaliya ayaa saaka waabarigii howlgallo ballaaran ka bilaabay qaar katirsan degmooyinka gobolka Banaadir, iyadoona ay ciidamadu howlgalladaasi kusoo qabqabteen dad badan oo looga shakisanyahay in ay xiriir la leeyihiin Dhaq-dhaqaaqa Al-shabaab.

2013-01-26 4:21 AM EST
Sabti, Jannaayo 26, 2013 (HOL) — Ergayga xoghayaha guud ee Qaramada Midoobay u qaabilsan arrimaha Soomaaliya, Danijre Augustine Mahiga oo ku sugan magaalada Addis Ababa ayaa beesha caalamka ka dalbaday in dhaqaale ay ku bixiyaan dhismaha ciidamada Soomaaliya si ay awood ugu yeeshaan inay la wareegaan ammaanka guud ee dalka.

2013-01-26 4:02 AM EST
Sabti, Jannaayo 26, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo ayaa maanta oo Sabti ka dhoofay Muqdisho, iyagoo kusii jeeda dalka Itoobiya, halkaasoo ay uga qaybgalayaan shir-sannadeedka Midowga Afrika.