2014-11-26
Today from Hiiraan Online:  _
Wararka Maanta- Sabti, Jan 26, 2013
Xukuumadda Soomaaliya oo shaacisay inay wax ka Qabanayso hoos u dhaca ku yimid shillin Soomaaliga


Sabti, Jannaayo 26, 2013 (HOL) —Xukuumadda Soomaaliya ayaa sheegtay inay wax ka qabanayso hoos u dhaca ku yimid shillinka Soomaalga iyo sirir bararka raashinka, iyadoo wasiirka maaliyadda uu sheegay inay qaadi doonnaan tallaabo ay wax uga qabanayaan arrinaas.

Maxamuud Xasan Suleymaan oo la hadlayay idaacadda dowladda ee Radio Muqdisho ayaa sheegay in qorshahoodu uu yahay mid ay ku doonayaan inay ku xakameeyaan isbedelka ku imaanaya sarifka lacagaha oo aan sal lahayn tan iyo markii ay dhacday dowladdii dhexe ee Soomaaliya.

“Waxaan la soconnaa in safirka doollarka uu hoos u dhacay, maciishaduna ay weli kacsan tahay, waxaana sababay arrintaan lacagta doollarka oo si aad u soo gashay suuqyada iyo lacag shillin Soomaali ah oo dhawaan ku gubatay Boosaaso,” ayuu yiri wasiirka maaliyadda.

Hoos u dhaca ku yimid sarifka lacagta doollarka ah ayaa wuxuu saameyn  xooggan ku yeeshay dadka danta yar iyo kuwa lacagaha ka hela dibadda, iyadoo aanay jirin wax hoos u dhac ah oo ku yimid qiimaha lagu iibsado raashinka.

“Xukuumaddu waxay dadaal u galaysaa sidii ay isbedelka lacagta wax uga qaban lahayd, innagoo la kaashanayna arrintaas hay’adaha maaliyadda ee dowladda,” ayuu yiri wasiirka maaliyadda dowladda Soomaaliya.

Wasiirku wuxuu hadalkiisa ku daray inay lacag keenayaan si ay wax uga qabtaan fadhi la’aanta sarifka lacagta adage e doollarka, isagoo qiray inay ka tabaabusheysanayaan in sidaan oo kale aysan dhicin.

Sarifka doollar ayaa waxaa maalmo ka hor lagu sarrifayay halkii doollar doollar - 22,000 oo shillin Soomaali ah, halka uu maanta ka yahay 19000 oo shillin Soomaali ah, iyadoo suuqyada safirka lacagaha ay maamulaan shirkado gaar ah loo leeyahay iyo ganacsato.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-01-26 12:29 PM EST
Sabti, Jannaayo 26, 2013 (HOL) —Wasiiradda wasaaradda horumarinta adeegga bulshada, Maryan Qaasim ayaa sheetay in xukuumadda Soomaaliya ay xabsiga dhigtay saddex sarkaal lala xiriiriyay arrimo ku saabsan musuqmaasuq lagu sameeyay deeqo waxbarasho oo Soomaaliya ay ka heshay dalka Turkiga.

2013-01-26 12:05 PM EST
Sabti, Jannaayo 26, 2013 (HOL) — Booliiska Midowga Afrika ee AMISOM ayaa tababar u soo gabgabeeyay saraakii ka tirsan booliiska Soomaaliya tababarkii saddexaad oo ku saabsan baarista dambiyada, iyadoo saaakiishan lagu guddoonsiiyay shahaadooyin dugsiga tababarka booliiska ee Jen. Kaahiye.

2013-01-26 10:27 AM EST
Sabti, Jannaayo 26, 2013 (HOL) —Munaasabadda furitaanka idaacaddan cusub ayaa maanta ka dhacday xaruntii hore ee Gobolka ee loo yaqaan (K2) iyadoona ay kasoo qeybgaleen madax katirsan dowladda federaalka Soomaaliya iyo masuuliyiin ka socotay maamulka KMG magaalada Kismaayo.

2013-01-26 8:12 AM EST
Sabti, January 26, 2013(HOL): Waxaa mar kale ka dhacay garoonka kubbadda cagta Cawaale ee magaalada Gaalkacyo munaasabad ballaaran oo ay isku arkayeen boqoolal dhalinyaro ah kuwaasi oo u kala ciyaara kooxaha da' yarta ah ee Koonfurta iyo Waqoyinga Gaalkacyo iyadoona dhawaan tartamo kala gadisan oo dhanka cayaaraha ah ay u furmi doonan.

2013-01-26 4:55 AM EST
Sabti, Jannaayo 26, 2013 (HOL) —Ciidamada dowladda Soomaaliya ayaa saaka waabarigii howlgallo ballaaran ka bilaabay qaar katirsan degmooyinka gobolka Banaadir, iyadoona ay ciidamadu howlgalladaasi kusoo qabqabteen dad badan oo looga shakisanyahay in ay xiriir la leeyihiin Dhaq-dhaqaaqa Al-shabaab.

2013-01-26 4:21 AM EST
Sabti, Jannaayo 26, 2013 (HOL) — Ergayga xoghayaha guud ee Qaramada Midoobay u qaabilsan arrimaha Soomaaliya, Danijre Augustine Mahiga oo ku sugan magaalada Addis Ababa ayaa beesha caalamka ka dalbaday in dhaqaale ay ku bixiyaan dhismaha ciidamada Soomaaliya si ay awood ugu yeeshaan inay la wareegaan ammaanka guud ee dalka.

2013-01-26 4:02 AM EST
Sabti, Jannaayo 26, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo ayaa maanta oo Sabti ka dhoofay Muqdisho, iyagoo kusii jeeda dalka Itoobiya, halkaasoo ay uga qaybgalayaan shir-sannadeedka Midowga Afrika.