2014-09-16
Today from Hiiraan Online:  _
Wararka Maanta- Khamiis, Jan 24, 2013
Iskahorimaad xalay ku dhexmaray Ciidamada Dowladda Soomaaliya iyo kuwa Al-shabaab Degmada Jowhar


Khamiis, Jannaayo 24, 2013 (HOL) — Ugu yaraan shan qof oo dhinacyadii dagaalamay ka tirsan ayaa ku dhintay dagaal xalay ciidamada dowladda Soomaaliya iyo Al-shabaab ku dhexmaray demada Jowhar ee xarunta gobolka Shabeellada Dhexe.

Taliyaha guutada labaad ee ciidamada xoogga dalka, Jeneraal Maxamed Maxamuud Saneey oo ku sugan degmada Jowhar ayaa sheegay inay xalay lasoo weeraray fariisimo ay ciidamada dowladdu ku lahaayeen afaafka hore ee degmadaas, ayna iska difaaceen.

“Xalay weerar ayaa waxaa soo qaaday Al-shabaab, waxay kasoo qaadeen tuulada Bay-xaaw oo ku dhow degmada Jowhar, balse waa la iska difaacay, waxaana kaga dilnay dagaalkaas hal ruux laba kalena waan kaga dhaawacnay,” ayuu yiri Jen. Saney.

Balse, goobjoogayaal ku sugan degmada Jowhar ayaa sheegay in dagaalku uu qadar saacad ku dhow socday, ayna arkeen saakay maydadka lix qof oo ku dhintay dagaalkaas.

Al-shabaab ayaan dhankooda ka hadlin dagaalkii xalay ka dhacay degmada Jowhar iyadoo dagaalkaas uu ka mid noqonayo kuwii ugu xoogganaa ee ka dhacay degmadaas tan iyo markii ciidamada dowladdu ay Al-shabaab kala wareegeen degmadaas dhammaadkii sannadkii hore.

Xaaladda degmada Jowhar ayaa saakay deggen, iyadoo goobihii uu dagaalku ka dhacay ay ku sugan yihiin ciidamada dowladda Soomaaliya iyo kuwa Midowga Afrika ee AMISOM.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-01-24 3:49 PM EST
Khamiis, January 24, 2013(HOL): Ururka Adal Unity & Development ee Gobolada Awdal/Selel Iyo Gabiley ayaa maanta deeq raashina soo gaadhsiiyay Dhakhtarka dhimirka Boorama, deeqdaas oo ahayd lacag dhan $550 oo Dollarka maraykanka ah, taasoo loogu badaly raashin dhan 34 Kiish oo Bariis ah oo ay kiishkiiba ku jiraan 25Kg.

2013-01-24 3:45 PM EST
Khamiis, January 24, 2013(HOL): Olole Nadaafadeed oo ay soo qaban-qaabiyeen fulinayeena dawladda Hoose ee degmada Laascaanood ayaa laga fuliyay Isbitaalka dhexe iyo qaybo kale oo ka mid ah degaannada dadka ka dhexeeya ee ku yaalla magaaladda Laascaanood ee xarunta Gobolka Sool.

2013-01-24 12:42 PM EST
Khamiis, Jannaayo 24, 2013 (HOL) — Saraakiisha dalka Kenya ayaa sheegay Khamiista maanta ah inaysan Al-shabaab kala xaajoon doonin la-haystayaal dalkeeda u dhashay oo ay Al-shabaab ku goodisay inay dili doonaan muddo saddex toddobaad gudahood ah, haddii aanay xukuumadda Kenya sii-dayn muslimiin ku eedeysan argagaxisonimo oo ku xir-xiran xabsiyada dalkaas.

2013-01-24 7:25 AM EST
Khamiis, Jannaayo 24, 2013 (HOL) — Madaxweynaha Soomaaliya, Xasan Sheekh Maxamuud, ra’iisul wasaare Cabdi Faarax Shirdoon Saacid iyo xubno wasiirro ah ayaa ka qaybgalay maanta Khamiis ah xaflad ballaaran oo lagu soo dhaweynayay aqoonsigii Mareykanku siiyay dowladda Soomaaliya oo lagu qabtay hoteel ku yaalla Muqdisho.

2013-01-24 7:12 AM EST
Khamiis, Jannaayo 24, 2013 (HOL) —Laba askari oo ka mid h ciidamada dowladda Soomaaliya ayaa shalay lagu dilay degmada Afgooye ee gobolka Shabeellada Hoose sida ay saxaafadda u sheegeen saraakiisha ammaanka ee degmadaas, iyadoo mid kalena lagu dhaawacay isla weerarkaas.

2013-01-24 7:04 AM EST
Khamiis, Jannaayo 24, 2013 (HOL) — Saraakiisha ciidamada maamulka degmada Baladweyne iyo kuwa Jabuuti ee howlgalka midowgga Africa AMISOM ayaa tababar uga furay magaalada Baladweyne ilaa 1000 maleeshiyaad ah oo marka danbe la doonayo in ay ka mid noqdaan ciidamada maamulka dowladda ee gobollka Hiiraan.

2013-01-24 7:04 AM EST
Khamiis, Jannaayo 24, 2013 (HOL) — Magaalada Hargeysa ayaa maanta si weyn looga xusay dhalashadii Nebigeenii Maxamed (NNKHA) oo ku began taariikhdda Hijriyadda 12-ka Rabiicul Awal 1434.

2013-01-24 2:25 AM EST
Khamiis, Jannaayo 24, 2013 (HOL) —Xarakada Al-shabaab ayaa war ay soo saartay Arbacadii shalay ku sheegtay inay dilayso la haystayaasha Kenyanka ah ee ay gacanta ku hayso, haddi dowladd Kenya aysan xabsiyadeeda kasii dayn dhammaan dadka u xirxiran eedeymaha argagaxisonimada ee ku jira xabsiyadooda.

2013-01-24 2:24 AM EST
Khamiis, Jannaayo 24, 2013 (HOL) — Dowladda federaalka Soomaaliya ayaa loogu baaqay inay si dhaqso ah kusii dayso wariye Cabdicasiis Cabdinuur Ibraahim iyo saddex qof oo kale kuwaasoo u xiran arrin la xiriirta haweeney sheegtay inay kufsi u geysteen ciidamada dowladda Soomaaliya.