2014-09-17
Today from Hiiraan Online:  _
Wararka Maanta- Khamiis, Jan 24, 2013
Askar ka tirsan Ciidamada Dowladda Somalia oo lagu dilay Degmada Afgooye ee Gobolka Shabeellada Dhexe


Khamiis, Jannaayo 24, 2013 (HOL) —Laba askari oo ka mid h ciidamada dowladda Soomaaliya ayaa shalay lagu dilay degmada Afgooye ee gobolka Shabeellada Hoose sida ay saxaafadda u sheegeen saraakiisha ammaanka ee degmadaas, iyadoo mid kalena lagu dhaawacay isla weerarkaas.

Sarkaal u hadlay ciidamada ammaanka ee Afgooye ayaa saxaafadda u sheegay maanta in labada askari ee la dilay ay ahaayeen booliis iyo askariga kale ee la dhaawacay laga qaatay saddexdii qori ee ay haysteen.

“Weerarkan waxaa geystay kooxo Al-shabaab ka tirsan, waxaana laga soo abaabulay tuulo 30-km dhinaca koonfureed kaga beegan degmada Afgooye,” ayuu yiri sarkaalka u hadlay ciidamada ammaanka degmadaas, isagoo intaa ku daray inay socdaan baaritaanno lagu raadinayo kooxahaas.

Goobjooge ayaa HOL u sheegay in askarta la dilay ay ku sugnaayen suuqa xoolaha ee degmada Afgooye, xilliga la dilayayna ay qaliyayeen, isagoo xusay in kooxaha dilay oo gaari TOYOTA ah watay ay markiiba goobta ka baxsadeen.

“Shan ruux oo watay gaari ayaa toogashada sameeyay, waxay si toos ah u toogteen saddexda askari, mid ayaa goobta ku dhintay, mid kalena wuxuu u dhintay dhaawac soo gaaray, kooxaha weerarka geysta oo hory u sii qaatay qoryihii askarta ayaa goobta ka baxsaday,” ayuu yiri goobjoogaha oo sababo dhinaca ammaanka ah u qariyay magaciisa.

Xarakada Al-shabaab ayaan ka hadlin toogashadaas, iyadoo goobjoogaha la hadlay HOL uu sheegay in kooxihii weerarka geystay ay sidoo kale horay u sii qaateen lacag ay ciidamadaas ka ururiyeen suuqa xoolaha Afgooye.

Degmada Afgooye oo 30-km ka xigta Muqdisho dhinaca Koonfur-galbeed ayaa waxay ka mid tahay degmooyinkiii ay cidamada dowladda iyo kuwa AMISOM ay kala wareegeen Al-shabaab.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-01-24 3:49 PM EST
Khamiis, January 24, 2013(HOL): Ururka Adal Unity & Development ee Gobolada Awdal/Selel Iyo Gabiley ayaa maanta deeq raashina soo gaadhsiiyay Dhakhtarka dhimirka Boorama, deeqdaas oo ahayd lacag dhan $550 oo Dollarka maraykanka ah, taasoo loogu badaly raashin dhan 34 Kiish oo Bariis ah oo ay kiishkiiba ku jiraan 25Kg.

2013-01-24 3:45 PM EST
Khamiis, January 24, 2013(HOL): Olole Nadaafadeed oo ay soo qaban-qaabiyeen fulinayeena dawladda Hoose ee degmada Laascaanood ayaa laga fuliyay Isbitaalka dhexe iyo qaybo kale oo ka mid ah degaannada dadka ka dhexeeya ee ku yaalla magaaladda Laascaanood ee xarunta Gobolka Sool.

2013-01-24 12:42 PM EST
Khamiis, Jannaayo 24, 2013 (HOL) — Saraakiisha dalka Kenya ayaa sheegay Khamiista maanta ah inaysan Al-shabaab kala xaajoon doonin la-haystayaal dalkeeda u dhashay oo ay Al-shabaab ku goodisay inay dili doonaan muddo saddex toddobaad gudahood ah, haddii aanay xukuumadda Kenya sii-dayn muslimiin ku eedeysan argagaxisonimo oo ku xir-xiran xabsiyada dalkaas.

2013-01-24 7:52 AM EST
Khamiis, Jannaayo 24, 2013 (HOL) — Ugu yaraan shan qof oo dhinacyadii dagaalamay ka tirsan ayaa ku dhintay dagaal xalay ciidamada dowladda Soomaaliya iyo Al-shabaab ku dhexmaray demada Jowhar ee xarunta gobolka Shabeellada Dhexe.

2013-01-24 7:25 AM EST
Khamiis, Jannaayo 24, 2013 (HOL) — Madaxweynaha Soomaaliya, Xasan Sheekh Maxamuud, ra’iisul wasaare Cabdi Faarax Shirdoon Saacid iyo xubno wasiirro ah ayaa ka qaybgalay maanta Khamiis ah xaflad ballaaran oo lagu soo dhaweynayay aqoonsigii Mareykanku siiyay dowladda Soomaaliya oo lagu qabtay hoteel ku yaalla Muqdisho.

2013-01-24 7:04 AM EST
Khamiis, Jannaayo 24, 2013 (HOL) — Saraakiisha ciidamada maamulka degmada Baladweyne iyo kuwa Jabuuti ee howlgalka midowgga Africa AMISOM ayaa tababar uga furay magaalada Baladweyne ilaa 1000 maleeshiyaad ah oo marka danbe la doonayo in ay ka mid noqdaan ciidamada maamulka dowladda ee gobollka Hiiraan.

2013-01-24 7:04 AM EST
Khamiis, Jannaayo 24, 2013 (HOL) — Magaalada Hargeysa ayaa maanta si weyn looga xusay dhalashadii Nebigeenii Maxamed (NNKHA) oo ku began taariikhdda Hijriyadda 12-ka Rabiicul Awal 1434.

2013-01-24 2:25 AM EST
Khamiis, Jannaayo 24, 2013 (HOL) —Xarakada Al-shabaab ayaa war ay soo saartay Arbacadii shalay ku sheegtay inay dilayso la haystayaasha Kenyanka ah ee ay gacanta ku hayso, haddi dowladd Kenya aysan xabsiyadeeda kasii dayn dhammaan dadka u xirxiran eedeymaha argagaxisonimada ee ku jira xabsiyadooda.

2013-01-24 2:24 AM EST
Khamiis, Jannaayo 24, 2013 (HOL) — Dowladda federaalka Soomaaliya ayaa loogu baaqay inay si dhaqso ah kusii dayso wariye Cabdicasiis Cabdinuur Ibraahim iyo saddex qof oo kale kuwaasoo u xiran arrin la xiriirta haweeney sheegtay inay kufsi u geysteen ciidamada dowladda Soomaaliya.