2014-11-24
Today from Hiiraan Online:  _
Wararka Maanta- Khamiis, Jan 24, 2013
Madaxweyne ku-xigeenka Somaliland oo ka Qayb-galay Xus Ballaaran oo loo sameeyey dhalashadii Nebi Muxamed (NNKH)


Khamiis, Jannaayo 24, 2013 (HOL) — Magaalada Hargeysa ayaa maanta si weyn looga xusay dhalashadii Nebigeenii Maxamed (NNKHA) oo ku began taariikhdda Hijriyadda 12-ka Rabiicul Awal 1434.

Munaasibadan oo si weyn loo soo agaasimay waxa ka soo qaybgalay madaxweyne ku xigeenka Somaliland, Md: Cabdiraxmaan Saylici, gudoomiyaha golaha Wakiiladda Md:Cabdiraxmaan Cirro, madaxweyne ku xigeenkii hore Somaliland, Md: Axmed Yuusuf Yaasiin, culima udiin, xildhibaano labadda gole baarlamaan ka tirsan, Wariyaha caanka ah ee Axmed Xasan Cawke iyo dadweyne aad u faro badan.

Xafladan ayaa si qurux badan uga dhacday hoolka weyn ee hoteelka Maansoor ee magaladda Hargeysa, waxaana halkasi laga soo jeediyay muxaadarooyin ku saabsan taariikhdii nebiga iyo muxabaddii nabigeeni suubaanaa, sidoo kale waxa halkaasi qasiidooyin nabiga lagu amaanayo ka qaaday caruur aad u yaryar oo loo tobabaray amaanta nabigeena (NNKHA), Waxa kale oo maansooyin amaana iyo Siiraddii Nabigu ku kooban tahay ka soo jeediyey Awbaano ay ka mid yihiin Abwaan Weedhsame, Abwaan Maqaloocshe iyo Abwaan Dhako, kuwaas oo si weyn usoo jeediyey quluubta dadweynihii munaasibada joogtay.

Madaxweyne ku xigeenka Somaliland Md: Cabdiraxmaan Ismaaciil Saylici ayaa dadweynaha muslimka ah gaar ahaaan dadweynaha Reer Somaliland ku bogaadiyey farxada xuska maalinta uu dhashay Rasuulkeennii aynu jecleyn ee Maxamed Binu Cabdilaahi,waxaanay ilaahay  u baryey inuu inaga dhigo kuwa raacay jidkii suubanaa ee uu inoo jideeyey.

Xafladan ayaa qabsoomideeda waxa door weyn ka qaatay sanad walba soo qabanqaabiya xubno uu ka mid yahay Xildhibaan Axmed Yaasiin Sheekh Cali Ayaanle oo ka mid ah golaha Wakiiladda Somaliland, kaas oo wacdi iyo jacaylka Rasuulka in la qabatimo sida loogu baahan yahay ka so jeediyey halkaasi, sidoo kale waxa iyaguna halkaasi ka soo jeediyey siiradii nabiga Wasiirkii hore Diinta iyo Aw qaafta Sheekh Maxamuud Suufi iyo culimo kale oo badan.

Sidooo kale, Wasaaradda shaqada iyo arrimaha bulshada ee Somaliland ayaa fasaxday shaqaalihii dawladda munaasibadda dhalashadda Nabigeeniii (NNKHA) oo ku beegan maanta.

Wasiirka Shaqadda iyo Arrimaha bulshadda Mr; Maxamuud Axmed Barre (Garaad) ayaa war-saxaafadeed ka soo saaray fasaxa shaqaalaha munaasibadda dhalashadda nabigeeni kaas oo sheegay inay ku began tahay  khamiista oo taariikhda Hijriyadu tahay 12-ka Rabiicul Awal 1434 kuna beegan taariikhda miilaadiga 24.jan.2013.

Si kastaba ha ahaatee, sanadkan ayaa xuska dhalashadda Nabigeena waxa hal-ku-dheg looga dhigay Baro Nasabka Nabigeena (SCW).

Barkhad-Ladiif  M. Cumar, Hiiraan Online
barkhadladiif@hiiraan.com
Hargeysa, Somaliland





Post your comments

2013-01-24 3:49 PM EST
Khamiis, January 24, 2013(HOL): Ururka Adal Unity & Development ee Gobolada Awdal/Selel Iyo Gabiley ayaa maanta deeq raashina soo gaadhsiiyay Dhakhtarka dhimirka Boorama, deeqdaas oo ahayd lacag dhan $550 oo Dollarka maraykanka ah, taasoo loogu badaly raashin dhan 34 Kiish oo Bariis ah oo ay kiishkiiba ku jiraan 25Kg.

2013-01-24 3:45 PM EST
Khamiis, January 24, 2013(HOL): Olole Nadaafadeed oo ay soo qaban-qaabiyeen fulinayeena dawladda Hoose ee degmada Laascaanood ayaa laga fuliyay Isbitaalka dhexe iyo qaybo kale oo ka mid ah degaannada dadka ka dhexeeya ee ku yaalla magaaladda Laascaanood ee xarunta Gobolka Sool.

2013-01-24 12:42 PM EST
Khamiis, Jannaayo 24, 2013 (HOL) — Saraakiisha dalka Kenya ayaa sheegay Khamiista maanta ah inaysan Al-shabaab kala xaajoon doonin la-haystayaal dalkeeda u dhashay oo ay Al-shabaab ku goodisay inay dili doonaan muddo saddex toddobaad gudahood ah, haddii aanay xukuumadda Kenya sii-dayn muslimiin ku eedeysan argagaxisonimo oo ku xir-xiran xabsiyada dalkaas.

2013-01-24 7:52 AM EST
Khamiis, Jannaayo 24, 2013 (HOL) — Ugu yaraan shan qof oo dhinacyadii dagaalamay ka tirsan ayaa ku dhintay dagaal xalay ciidamada dowladda Soomaaliya iyo Al-shabaab ku dhexmaray demada Jowhar ee xarunta gobolka Shabeellada Dhexe.

2013-01-24 7:25 AM EST
Khamiis, Jannaayo 24, 2013 (HOL) — Madaxweynaha Soomaaliya, Xasan Sheekh Maxamuud, ra’iisul wasaare Cabdi Faarax Shirdoon Saacid iyo xubno wasiirro ah ayaa ka qaybgalay maanta Khamiis ah xaflad ballaaran oo lagu soo dhaweynayay aqoonsigii Mareykanku siiyay dowladda Soomaaliya oo lagu qabtay hoteel ku yaalla Muqdisho.

2013-01-24 7:12 AM EST
Khamiis, Jannaayo 24, 2013 (HOL) —Laba askari oo ka mid h ciidamada dowladda Soomaaliya ayaa shalay lagu dilay degmada Afgooye ee gobolka Shabeellada Hoose sida ay saxaafadda u sheegeen saraakiisha ammaanka ee degmadaas, iyadoo mid kalena lagu dhaawacay isla weerarkaas.

2013-01-24 7:04 AM EST
Khamiis, Jannaayo 24, 2013 (HOL) — Saraakiisha ciidamada maamulka degmada Baladweyne iyo kuwa Jabuuti ee howlgalka midowgga Africa AMISOM ayaa tababar uga furay magaalada Baladweyne ilaa 1000 maleeshiyaad ah oo marka danbe la doonayo in ay ka mid noqdaan ciidamada maamulka dowladda ee gobollka Hiiraan.

2013-01-24 2:25 AM EST
Khamiis, Jannaayo 24, 2013 (HOL) —Xarakada Al-shabaab ayaa war ay soo saartay Arbacadii shalay ku sheegtay inay dilayso la haystayaasha Kenyanka ah ee ay gacanta ku hayso, haddi dowladd Kenya aysan xabsiyadeeda kasii dayn dhammaan dadka u xirxiran eedeymaha argagaxisonimada ee ku jira xabsiyadooda.

2013-01-24 2:24 AM EST
Khamiis, Jannaayo 24, 2013 (HOL) — Dowladda federaalka Soomaaliya ayaa loogu baaqay inay si dhaqso ah kusii dayso wariye Cabdicasiis Cabdinuur Ibraahim iyo saddex qof oo kale kuwaasoo u xiran arrin la xiriirta haweeney sheegtay inay kufsi u geysteen ciidamada dowladda Soomaaliya.