2014-04-24
Today from Hiiraan Online:  _
Wararka Maanta- Arbaco, Jan 23, 2013
Danjire Kenya ay u soo Magacowday Soomaaliya oo Warqadihiisii Danjirenimo ku wareejiyay Madaxweynaha Soomaaliya


Arbaco, Jannaayo 23, 2013 (HOL) — Danjiraha Kenya ay u soo magacowday Soomaaliya, Josphat Maikara ayaa maanta soo gaaray magaalada Muqdisho ee xarunta Soomaaliya, isagoo warqadihiisa danjirenimo ku wareejiyay madaxweynaha Soomaaliya.

Safiirka Kenya ay u soo magacowday Soomaaliya ayaa waxaa safarkiisa ku wehlinayay danijraha Soomaaliya ee Kenya, Maxamed Cali Ameerika iyo wafdi ka socday wasaaradda arrimaha dibadda Soomaaliya.

Madaxweynaha Soomaaliya ayaa danjiraha Kenya u fariisanaya Soomaaliya ka guddoomay aqoonsigiisa danjiranimo; iyadoo imaanshaha safiirkan ay ku soo beegmayso xilli dowladda Kenya ay amar ku bixisay in Soomaali badan oo dalkeeda ku nool ay ku laabtaan xeryaha qoxootiga oo xilligan ammaan ahaan aad u xun.

Danjiraha Ameerika oo saxaafada kula hadlayey garoonka diyaaradaha ayaa ka hadlay arrimo ay ka mid yihiin qaxootiga ku nool xarunta dalka Kenya ee Nairobi iyo dadaallo ay samaysay safaaradda Soomaaliya oo ku aaddan sidii qaxootigaas ay u heli lahaayeen xuquuqda ay helaan dadka Kenyanka ah.


“Waxaan dadaal u galnay sidii aan dowladda Kenya uga dhaadhicin lahayn inay ka dayso qasab ku rarida dadka Qaxootiga ah ee ku nool magaalada Nairobi, waxaana arrinkaas nagala shaqeeyey hay’ada Qaxootiga ee (UNHCR) waana nalaga aqbaly arrinkaas, waxaana dadka Soomaaliyeed ku boorinaynaa inay ilaaliyaan sharciga iyo amniga Kenya, kalana shaqeeyaan dowladda sidii ay isaga dhex-qaban lahaayeen kuwa carqaladaynaya nabad ku wada-noolanshaha bulshooyinka ku dhaqan Kenya,” ayuu yiri Ameerika.

Dhanka kale, danjiraha Soomaaliya ee Kenya ayaa sheegay in Soomaaliya iyo Kenya uu u blilaabanayo xiriir siyaasadeed, mid dhaqaale iyo mid lagu xaqiijinayo ammaanka gobolka madaama maanta danjiraha cusub ee Kenya uu waraaqihiisa aqoonsiga u gudbinayo madaxweynaha Soomaaliya.

Ugu dambeyn, danjiraha cusub ee dowladda Kenya ay u soo magacowday dalka Soomaaliya, Josphat Maikara ayaa isaguna sheegay in mar walba uu xiriir wanaagsan ka dhexeeyo labada waddan, haddana lasii xoojin doono xiriirkaas markii si rasmi ah safaaraddeennu dhawaan uga howlgasho magaalada Moqdisho, iyadoo labada dal uu sidoo kale ka dhexeeyo xiriir ganacsi oo ballaaran.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-01-23 2:28 PM EST
Arbaco, January 23, 2013(HOL): Ciyaar aad u xiiso badneyd oo ay Xulalka Kubbadda Kolayga Soomaaliya iyo Burundi isaga horyimaadeen ayaa gunaanadkeedii waxay natiijadu noqotay 98—80 dhibcood, taasi oo uu ku badiyay xulka qaranka Kubadda Kolayga Soomaaliya.

2013-01-23 1:16 PM EST
Arbaco, Jannaayo 23, 2013 (HOL) —Dowladda Soomaaliya iyo hay’adaha deeqaha bixiya ayaa ku heshiiyay in la sameeyo hay’ad la socota deeqaha la siiyo dowladda Soomaaliya, kaddib markii uu kulan madaxweynaha Somalia, Xasan Sheekh Maxamuud iyo safiirro ka socda dalalka deeq-bixiyeyaasha ah ku dhexmaray garoonka diyaaradaha ee Muqdisho.

2013-01-23 1:15 PM EST
Arbaco, Jannaayo 23, 2013 (HOL) — Wafdigii wasiirrada ahaa ee Somaliland oo ku sugnaa degmada Saylac ee gobolka Selel ayaa maanta u ambabaxay dalka Jabuuti oo lagu tuhunsan yahay inay ka dhaqaaqi la’ayd arrinta Saylac ee laba wajiilaha noqotay waxayna socdaal dhulka ah kaga gudbeen wafdiga magaalada Lawya-caddo ee ku tuulla xuduudka kala qaybiya maamulka Somaliland iyo Jabuuti.

2013-01-23 1:12 PM EST
Arbaco, Jannaayo 23, 2013 (HOL) — Maamulka Khaatumo ayaa ka hadlay dagaallo khasaare nafeed geystay oo shalay ka dhacay deegaanka Xuddun oo dhinaca waqooyi 83-km kaga beegan magaalada Laascaanood ee gobolka Sool, waxayna labada dhinac dagaalkaas ka sheegteen guulo.

2013-01-23 6:56 AM EST
Arbaco, Jannaayo 23, 2013 (HOL) — Xildhibaanno ka mid ah guddi hoosaadka ilaalinta hantidda Qaranka ee golaha Wakiiladda Somaliland ayaa guddigaas iska casiley, isla markaana shir-gudoonka ku eedeeyey inay soo farog-eliyeen howlihii ay Qaranka u hayeen.

2013-01-23 6:47 AM EST
Arbaco, Jannaayo 23, 2013 (HOL) — Wafdi uu horkacayay madaxweynaha Puntland oo maalmihii lasoo dhaafay booqasho ku joogey dalka Jabuuti ayaa maanta dalka dib ugu soo laabtay, waxayna kasoo degeen garoonka diyaaradaha ee magaalada Boosaaso.

2013-01-23 6:46 AM EST
Arbaco, Jannaayo 23, 2013 (HOL) — Xubno ka tirsan urur-siyaasadeedka Horseed ayaa gelinkii danbe ee shalay xarunta gobolka Bari ee Boosaaso kulan kula qaatay, in ka badan boqol dhalinyaro ah oo ka kala socdey ururada bulshada iyo ardayda jaamacadaha.

2013-01-23 3:36 AM EST
Arbaco, Jannaayo 23, 2013 (HOL) — Ciidanka Milatariga Somaliland iyo ciidamadda khaatumo ayaa shalay galab dagaal muddo kooban socday iskaga hor yimid duleedka degmadda Xudun ee gobolka Sool.

2013-01-23 3:26 AM EST
Arbaco, Jannaayo 23, 2013 (HOL) — Wasiirka wasaaradda Khayraadka dalka ee xukuumadda Soomaaliya, C/risaaq Cumar Maxamed ayaa uga qaybgalay dalka Turkiga shir looga hadlayay deegaanka, isagoo halkaas ka jeediyay khudbad dhinacyo badan taabanaysa.

2013-01-23 12:22 AM EST
Arbaco, Jannaayo 23, 2013 (HOL) — Madaxweynaha Soomaaliya iyo wafdi uu hoggaaminayo ayaa saakay aroortii hore kusoo laabtay Muqdisho, kaddib booqasho qaaday in ka badan hal toddobaad oo uu ku tagay Mareykanka iyo Sucuudi Carabiya oo uu kaga qaybgalay shir looga hadlayay horumarinta iyo kobcinta dhaqaalaha dalalka Carabta.

2013-01-22 11:57 PM EST
Arbaco, Jannaayo 23, 2013 (HOL) — Wararka laga helayo degmada Saylac ayaa sheegaya in wafdiga wasiirrada ka kooban ee ka socda Somailland ay shaaca ka qaadeen in arrinta ka aloosan degmada Saylac ay faraha kula jirto dowladda Jabuuti.

2013-01-22 11:31 PM EST
Arbaco, Jannaayo 23, 2013 (HOL) — Dagaal xooggan ayaa ciidamada maamullada Somaliland iyo Khaatumo ku dhexmaray shalay gellinkii dambe Bariga deegaanka Xudun oo 83-km dhinaca waqooyi ka xiga magaalada Laas-caanood ee xarunta gobolka Sool.