2014-08-30
Today from Hiiraan Online:  _
Wararka Maanta- Arbaco, Jan 23, 2013
Madaxweynaha Puntland: "Ictiraafka Maraykanku siiyay Soomaaliya waa guul u soo hoyatay Soomaaliya oo dhan"


Arbaco, Jannaayo 23, 2013 (HOL) — Wafdi uu horkacayay madaxweynaha Puntland oo maalmihii lasoo dhaafay booqasho ku joogey dalka Jabuuti ayaa maanta dalka dib ugu soo laabtay, waxayna kasoo degeen garoonka diyaaradaha ee magaalada Boosaaso.

Wefdiga madaxweyne Faroole oo ay ku jiraan xubno ka tirsan golaha wasiirada ayaa waxaa garoonka si diiran ugu soo dhoweeyey mas'uuliyiin ka tirsan maamulka gobolka Bari kan degmada Boosaaso iyo dadweyne tira badan.

Madaxweyne Cabdiraxmaan Faroole oo garoonka dhexdiisa si kooban war-baahinta ugula hadlay, ayaa ka warbixiyey ujeedada socdaalka ay dalka Jabuuti ku tageen iyo waxa uga soo qabsoomay.

Wuxuuna sheegay in ujeedada ugu weyni ay ahayd sidii ay dowladda iyo dadka Jabuuti ugaga soo tacsiyeyn lahaayeen geerida AHN gudoomiyihii hore ee Bankiga dhexe ee dalka Jabuuti oo 12-kii bishan ku geeriyoodey xarunta dalka Kenya ee Nairobi.

Madaxweyne Faroole ayaa intaas raaciyey in muddadii ay dalka Jabuuti ku sugnaayeen ay u suurtagashay in ay la kulmaan, madaxda sare ee Jabuuti iyo qaar kamid ah wakillada beesha caalamka u jooga halkaas.

Mar uu ka hadlayey aqoonsiga uu dhowaan maraykanku siiyey dowladda Federaalka ah, wuxuu tilmaamay in ay tahay guul usoo hoyatey umadda Soomaaliyeed oo dhan, islamarkaana ay horseedi doonto in wadammo kale oo badani ay ku daydaan.

Ugu danbeyntii wuxuu madaxweynaha Puntland tacsi u diray eheladii iyo qaraabadii uu ifka kaga tegey AHN Xasan Daahir Maxamuud Af-qurac oo ahaa madaxweyne ku-xigeenki hore ee Puntland, kaasoo shalay ku geeriyoodey Isbitaal ku yaal magaalada Nairobi.

Waa safarkii ugu horeeyey ee uu madaxweynaha Puntland dalka dibaddiisa ugu baxo sanadka cusub ee 2013, wuxuuna kusooo aadayaa xilli weli xiisad siyaasadeed laga dareemayo gudaha Puntland; inkasta oo ay todobaadyadii ugu danbeeyey xaaladdu ahayd mid degen.

Maxamed Salaad Xaaji Dirir, Hiiraan Online
xaajidirir@hiiraan.com
Puntland, Soomaaliya





Post your comments

2013-01-23 2:28 PM EST
Arbaco, January 23, 2013(HOL): Ciyaar aad u xiiso badneyd oo ay Xulalka Kubbadda Kolayga Soomaaliya iyo Burundi isaga horyimaadeen ayaa gunaanadkeedii waxay natiijadu noqotay 98—80 dhibcood, taasi oo uu ku badiyay xulka qaranka Kubadda Kolayga Soomaaliya.

2013-01-23 1:16 PM EST
Arbaco, Jannaayo 23, 2013 (HOL) —Dowladda Soomaaliya iyo hay’adaha deeqaha bixiya ayaa ku heshiiyay in la sameeyo hay’ad la socota deeqaha la siiyo dowladda Soomaaliya, kaddib markii uu kulan madaxweynaha Somalia, Xasan Sheekh Maxamuud iyo safiirro ka socda dalalka deeq-bixiyeyaasha ah ku dhexmaray garoonka diyaaradaha ee Muqdisho.

2013-01-23 1:15 PM EST
Arbaco, Jannaayo 23, 2013 (HOL) — Wafdigii wasiirrada ahaa ee Somaliland oo ku sugnaa degmada Saylac ee gobolka Selel ayaa maanta u ambabaxay dalka Jabuuti oo lagu tuhunsan yahay inay ka dhaqaaqi la’ayd arrinta Saylac ee laba wajiilaha noqotay waxayna socdaal dhulka ah kaga gudbeen wafdiga magaalada Lawya-caddo ee ku tuulla xuduudka kala qaybiya maamulka Somaliland iyo Jabuuti.

2013-01-23 1:12 PM EST
Arbaco, Jannaayo 23, 2013 (HOL) — Maamulka Khaatumo ayaa ka hadlay dagaallo khasaare nafeed geystay oo shalay ka dhacay deegaanka Xuddun oo dhinaca waqooyi 83-km kaga beegan magaalada Laascaanood ee gobolka Sool, waxayna labada dhinac dagaalkaas ka sheegteen guulo.

2013-01-23 11:49 AM EST
Arbaco, Jannaayo 23, 2013 (HOL) — Danjiraha Kenya ay u soo magacowday Soomaaliya, Josphat Maikara ayaa maanta soo gaaray magaalada Muqdisho ee xarunta Soomaaliya, isagoo warqadihiisa danjirenimo ku wareejiyay madaxweynaha Soomaaliya.

2013-01-23 6:56 AM EST
Arbaco, Jannaayo 23, 2013 (HOL) — Xildhibaanno ka mid ah guddi hoosaadka ilaalinta hantidda Qaranka ee golaha Wakiiladda Somaliland ayaa guddigaas iska casiley, isla markaana shir-gudoonka ku eedeeyey inay soo farog-eliyeen howlihii ay Qaranka u hayeen.

2013-01-23 6:46 AM EST
Arbaco, Jannaayo 23, 2013 (HOL) — Xubno ka tirsan urur-siyaasadeedka Horseed ayaa gelinkii danbe ee shalay xarunta gobolka Bari ee Boosaaso kulan kula qaatay, in ka badan boqol dhalinyaro ah oo ka kala socdey ururada bulshada iyo ardayda jaamacadaha.

2013-01-23 3:36 AM EST
Arbaco, Jannaayo 23, 2013 (HOL) — Ciidanka Milatariga Somaliland iyo ciidamadda khaatumo ayaa shalay galab dagaal muddo kooban socday iskaga hor yimid duleedka degmadda Xudun ee gobolka Sool.

2013-01-23 3:26 AM EST
Arbaco, Jannaayo 23, 2013 (HOL) — Wasiirka wasaaradda Khayraadka dalka ee xukuumadda Soomaaliya, C/risaaq Cumar Maxamed ayaa uga qaybgalay dalka Turkiga shir looga hadlayay deegaanka, isagoo halkaas ka jeediyay khudbad dhinacyo badan taabanaysa.

2013-01-23 12:22 AM EST
Arbaco, Jannaayo 23, 2013 (HOL) — Madaxweynaha Soomaaliya iyo wafdi uu hoggaaminayo ayaa saakay aroortii hore kusoo laabtay Muqdisho, kaddib booqasho qaaday in ka badan hal toddobaad oo uu ku tagay Mareykanka iyo Sucuudi Carabiya oo uu kaga qaybgalay shir looga hadlayay horumarinta iyo kobcinta dhaqaalaha dalalka Carabta.

2013-01-22 11:57 PM EST
Arbaco, Jannaayo 23, 2013 (HOL) — Wararka laga helayo degmada Saylac ayaa sheegaya in wafdiga wasiirrada ka kooban ee ka socda Somailland ay shaaca ka qaadeen in arrinta ka aloosan degmada Saylac ay faraha kula jirto dowladda Jabuuti.

2013-01-22 11:31 PM EST
Arbaco, Jannaayo 23, 2013 (HOL) — Dagaal xooggan ayaa ciidamada maamullada Somaliland iyo Khaatumo ku dhexmaray shalay gellinkii dambe Bariga deegaanka Xudun oo 83-km dhinaca waqooyi ka xiga magaalada Laas-caanood ee xarunta gobolka Sool.