2014-08-27
Today from Hiiraan Online:  _
Wararka Maanta- Arbaco, Jan 23, 2013
Madaxweynaha Soomaaliya iyo Wafdigii uu hoggaaminayay oo saaka dib ugu soo laabtay Magaalada Muqdisho


Arbaco, Jannaayo 23, 2013 (HOL) — Madaxweynaha Soomaaliya iyo wafdi uu hoggaaminayo ayaa saakay aroortii hore kusoo laabtay Muqdisho, kaddib booqasho qaaday in ka badan hal toddobaad oo uu ku tagay Mareykanka iyo Sucuudi Carabiya oo uu kaga qaybgalay shir looga hadlayay horumarinta iyo kobcinta dhaqaalaha dalalka Carabta.

Wafdiga madaxweynaha ayaa waxaa kusoo dhaweeyay garoonka diyaaradaha xubno ka tirsan xukuumadda iyo baarlamaanka, balse ma jirto wax war ah oo ay siiyeen saxaafadda.

Xasan Sheekh ayaa dalka Mareykanka kula kumay madaxweynaha dalkaas iyo xoghayaha arrimaha dibadda, iyadoo mas’uuliyiin dalka Mareykanka ay isla xilligaas ku dhawaaqeen inay aqoonsadeen dowladda Soomaaliya, taas oo ka farxisay xukuumadda rasmi ah ee Soomaaliya iyo maamullada taageersan.

Madaxweynaha ayaa wuxuu kula kulmay magaalooyinka Washington iyo Minneapolis jaaliyadaha Soomaalida, isagoo sharraxaad ka siiyay xaaladda uu dalk ku sugan yahay, wixii u qabsoomay iyo howlaha horyaalla.

Khudbooyin uu madaxweynuhu u jeediyay Soomaalida ayuu sheegay inay ku rajo weyn yihiin in dalka uu ammaan noqdo muddo gaaban gudaheed, ayna ka doonayaan qurbo-joogta Soomaalida inay gacan ka geystaan dib u dhiska dalka iyo xasilintiisa.

Dhanka kale, madaxweynaha Soomaaliya ayaa soo gaaray toddobaadkan magaalada Riyaad ee dalka Saudi Arabia, halkaasoo uu uga qaybgalay shir looga hadlayay horumarinta dhaqaalaha iyo bulshada dalalka Carabta, kaas oo ay kasoo baxeen qodobbo ay ka mid tahay in dalalka Carabtu ay sameeyaan suuqyo xor ah iyo maal-gashi.

Madaxweyne Xasan Sheekh ayaa tan iyo markii loo doortay xilka madaxnimo ee Soomaaliya bishii September ee sannadkii hore wuxuu ku jiray safarro uu ku marayo dalalka gobolka iyo kuwa calaamka, si ay uga helaan tageero ku aadan wax ka qabashada xaaladda Soomaaliya ee dhinacyada dib u dhiska, amniga iyo kobcinta dhaqaalaha.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-01-23 2:28 PM EST
Arbaco, January 23, 2013(HOL): Ciyaar aad u xiiso badneyd oo ay Xulalka Kubbadda Kolayga Soomaaliya iyo Burundi isaga horyimaadeen ayaa gunaanadkeedii waxay natiijadu noqotay 98—80 dhibcood, taasi oo uu ku badiyay xulka qaranka Kubadda Kolayga Soomaaliya.

2013-01-23 1:16 PM EST
Arbaco, Jannaayo 23, 2013 (HOL) —Dowladda Soomaaliya iyo hay’adaha deeqaha bixiya ayaa ku heshiiyay in la sameeyo hay’ad la socota deeqaha la siiyo dowladda Soomaaliya, kaddib markii uu kulan madaxweynaha Somalia, Xasan Sheekh Maxamuud iyo safiirro ka socda dalalka deeq-bixiyeyaasha ah ku dhexmaray garoonka diyaaradaha ee Muqdisho.

2013-01-23 1:15 PM EST
Arbaco, Jannaayo 23, 2013 (HOL) — Wafdigii wasiirrada ahaa ee Somaliland oo ku sugnaa degmada Saylac ee gobolka Selel ayaa maanta u ambabaxay dalka Jabuuti oo lagu tuhunsan yahay inay ka dhaqaaqi la’ayd arrinta Saylac ee laba wajiilaha noqotay waxayna socdaal dhulka ah kaga gudbeen wafdiga magaalada Lawya-caddo ee ku tuulla xuduudka kala qaybiya maamulka Somaliland iyo Jabuuti.

2013-01-23 1:12 PM EST
Arbaco, Jannaayo 23, 2013 (HOL) — Maamulka Khaatumo ayaa ka hadlay dagaallo khasaare nafeed geystay oo shalay ka dhacay deegaanka Xuddun oo dhinaca waqooyi 83-km kaga beegan magaalada Laascaanood ee gobolka Sool, waxayna labada dhinac dagaalkaas ka sheegteen guulo.

2013-01-23 11:49 AM EST
Arbaco, Jannaayo 23, 2013 (HOL) — Danjiraha Kenya ay u soo magacowday Soomaaliya, Josphat Maikara ayaa maanta soo gaaray magaalada Muqdisho ee xarunta Soomaaliya, isagoo warqadihiisa danjirenimo ku wareejiyay madaxweynaha Soomaaliya.

2013-01-23 6:56 AM EST
Arbaco, Jannaayo 23, 2013 (HOL) — Xildhibaanno ka mid ah guddi hoosaadka ilaalinta hantidda Qaranka ee golaha Wakiiladda Somaliland ayaa guddigaas iska casiley, isla markaana shir-gudoonka ku eedeeyey inay soo farog-eliyeen howlihii ay Qaranka u hayeen.

2013-01-23 6:47 AM EST
Arbaco, Jannaayo 23, 2013 (HOL) — Wafdi uu horkacayay madaxweynaha Puntland oo maalmihii lasoo dhaafay booqasho ku joogey dalka Jabuuti ayaa maanta dalka dib ugu soo laabtay, waxayna kasoo degeen garoonka diyaaradaha ee magaalada Boosaaso.

2013-01-23 6:46 AM EST
Arbaco, Jannaayo 23, 2013 (HOL) — Xubno ka tirsan urur-siyaasadeedka Horseed ayaa gelinkii danbe ee shalay xarunta gobolka Bari ee Boosaaso kulan kula qaatay, in ka badan boqol dhalinyaro ah oo ka kala socdey ururada bulshada iyo ardayda jaamacadaha.

2013-01-23 3:36 AM EST
Arbaco, Jannaayo 23, 2013 (HOL) — Ciidanka Milatariga Somaliland iyo ciidamadda khaatumo ayaa shalay galab dagaal muddo kooban socday iskaga hor yimid duleedka degmadda Xudun ee gobolka Sool.

2013-01-23 3:26 AM EST
Arbaco, Jannaayo 23, 2013 (HOL) — Wasiirka wasaaradda Khayraadka dalka ee xukuumadda Soomaaliya, C/risaaq Cumar Maxamed ayaa uga qaybgalay dalka Turkiga shir looga hadlayay deegaanka, isagoo halkaas ka jeediyay khudbad dhinacyo badan taabanaysa.

2013-01-22 11:57 PM EST
Arbaco, Jannaayo 23, 2013 (HOL) — Wararka laga helayo degmada Saylac ayaa sheegaya in wafdiga wasiirrada ka kooban ee ka socda Somailland ay shaaca ka qaadeen in arrinta ka aloosan degmada Saylac ay faraha kula jirto dowladda Jabuuti.

2013-01-22 11:31 PM EST
Arbaco, Jannaayo 23, 2013 (HOL) — Dagaal xooggan ayaa ciidamada maamullada Somaliland iyo Khaatumo ku dhexmaray shalay gellinkii dambe Bariga deegaanka Xudun oo 83-km dhinaca waqooyi ka xiga magaalada Laas-caanood ee xarunta gobolka Sool.