2014-09-18
Today from Hiiraan Online:  _
Wararka Maanta- Talaado, Jan 22, 2013
Xulka K/Kolayga Soomaaliya oo 81—78 uga badiyay xulka dalka Kenya



Talaado, January 22, 2013(HOL): Kooxaha Kubadda Kolayga dalalka Soomaaliya iyo Kenya oo dalka Tanzania  uga qeybgelaya tartanka Fiba Zone V ayaa ciyaar labada kooxood maanta dhexmartay waxaa ku adkaaday xulka Kubadda Kolayga dalka Soomaaliya.

Ciyaar dhexmartay labada kooxood oo aad xiiso badneyd, isla markaana ay ka qeybgaleen daawashadeeda dadweyne aad u badan ayaa waxaa 81—78 ku adkaaday xulka dalka Soomaaliya oo ciyaar xirfaddeeda aad u heer sarreysa soo bandhigay.

 

Guddoomiyaha ku xigeenka Xiriirka Soomaaliyeed ee Kubadda Kolayga Inj. C/qaadir Cali Geedi oo markii ay ciyaarta soo gebagebowday la hadlay TV-ga Universal ayaa sheegay in aad ugu faraxsan yihiin guusha Isboorti ee uu soo hooyay xulka Kubadda Kolayga Soomaaliya.

 


Inj. C/qaadir Geedi waxaa uu sheegay in xulka Kubadda Kolayga Soomaaliya ay ka kooban yihiin ciyaartoy ka kala yimid dalalka Mareykanka, Canada, Australia iyo Soomaaliya, wuxuuna caddeeyay in tayada ciyaartoyda Soomaaliyeed darteed ay rumeysan yihiin in ay guushaas keentay.

 

Qurba-joogta Soomaaliyeed ayuu ugu baaqay Guddoomiyaha ku xigeenka Xiriirka Soomaaliyeed ee Kubadda Kolayga Inj. C/qaadir Cali Geedi in ay dhiirrigeliyaan Isboortiga iyo ciyaartoyda Soomaaliyeed, wuxuuna hoosta ka xarriiqay in Isboortiga Soomaaliya uu u baahan yahay taageero baaxad leh.

 

Xulka Qaranka Kubadda Cagta Soomaaliya ayaa waxay isku group yihiin Dalalka Kenya iyo Burundi, iyadoo ciyaarta tan xigtana uu xulka Soomaaliya la yeelan doono xulka Burundi.


 

 

Salaad Iidow Xasan (Xiis), Hiiraan Online

sxiis@hiiraan.com





Post your comments

2013-01-22 12:47 PM EST
Talaado, Jannaayo 22, 2013 (HOL) — Guddoomiyaha maamulka KMG ah ee magaalada Kismaayo, ahna guddoomiyaha kooxda Raaskambooni, Sheekh Axmed Maxamed Islaam (Madoobe) ayaa sheegay in la joogo xilligii maamul loo sameyn lahaa gobollada Jubbooyinka.

2013-01-22 12:19 PM EST
Talaado, Jannaayo 22, 2013 (HOL) — Isku-day ciidamada dalka Eritrea ay ku doonayeen inay ku afgambiyaan madaxweynaha dalkaas, Isaisa Efwerki ayaa la sheegay inuu fashilmay, kaddib markii ciidamada dowladda ay la wareegeen shalay xarunta wasaaradda warfaafinta.

2013-01-22 11:43 AM EST
Talaado, Jannaayo 22, 2013 (HOL) — Ra’iisal wasaaraha Soomaaliya, Cabdi Faarax Shirdoon (Saacid) ayaa maanta xafiiskiisa ku qaabilay wakiilka xoghayaha guud ee Qaramada Midoobay u qaabilsan arrimaha Soomaaliya danjie Augustine Phillip Mahiga.

2013-01-22 7:17 AM EST
Talaado, Jannaayo 22, 2013 (HOL) — Maxkamadda darajada koowaad ee ciiidamada qalabka sida ee dowladda Somalia ayaa maanta xukunno isugu jira dil iyo xabsi ku ridday askar ka tirsan ciidamada dowladda oo ku kala eedeysnaa dil iyo dhibaato ay shacabka u geysteen.

2013-01-22 7:14 AM EST
Talaado, Jannaayo 22, 2013 (HOL) — Jaamacadda Bariga Afrika faraceeda Buuhoodle ayaa imtixaankii ugu horreeyay u soo gabagabeysay ardayda wax ka dhigta, kuwaasoo tiradoodu ay ka badan boqol arday.

2013-01-22 6:23 AM EST
Talaado, Jannaayo 22, 2013 (HOL) — Waxaa xalay Isbitaal ku yaalla magaalada Nairobi ee xarunta dalka Kenya ku geeriyoodey AHN madaxweyne ku-xigeenkii hore ee Puntland Xasan Daahir Maxamuud Af-qurac. Marxuumka ayaa u geeriyoodey xanuun uu la jiifey 6-dii bilood ee ugu dambeysey.

2013-01-22 6:21 AM EST
Talaado, Jannaayo 22, 2013 (HOL) — Xildhibaan Cabdiraxmaan Maxamed Jaamac ( Cabdiraxmaan Xoog) oo ka mid ah golaha Wakiiladda Somaliland, ayaa sheegay in aanu la shaqayn dawladda Soomaaliya, balse ay jirtay inuu wasiirka Arrimaha dibadda Soomaaliya Foosiya Yuusuf uu madaarka Berbera kula kulmay sifiican usoo dhoweeyey.

2013-01-22 4:55 AM EST
Talaado, Jannaayo 22, 2013 (HOL) —Madaxweeyne Dalka Mareykanka Brack Obama ayaa xalay markale loo caleemo saaray xilka madaxtinimo ee dalka Mareeykanka, iyadoona xafladda caleemo-saarka ay kasoo qeybgaleen kumaannaan qof oo u dhalatay dalkaasi.

2013-01-22 3:03 AM EST
Talaado, Jannaayo 22, 2013 (HOL) — Hay’adda qoxootiga adduunka ee UNHCR ayaa sheegtay inay dowladda Kenya ka ogolaatay inay joojiso in qoxootiga ay si khasab ah uga saarto magaalooyinka waaweyn ee dalka Kenya.

2013-01-22 2:58 AM EST
Talaado, Jannaayo 22, 2013 (HOL) — Nin waxyaabaha qarxa ay ku xiran yihiin ayaa xalay ku qarxay degmada Jowhar ee xarunta gobolka Shabeellada dhexe, iyadoo qaraxaas uusan geysan wax khasaare nafeed ah oo dhaafsiisan ninkii qarxay.