2014-04-20
Today from Hiiraan Online:  _
Wararka Maanta- Talaado, Jan 22, 2013
Madaxweynaha dalka Eritrea oo ka badbaaday Afgambi ay xukunka kaga tuuri lahaayeen boqolaal askari oo gadooday

Eritrea's President Isaias Afwerki - Reuters
Talaado, Jannaayo 22, 2013 (HOL) — Isku-day ciidamada dalka Eritrea ay ku doonayeen inay ku afgambiyaan madaxweynaha dalkaas, Isaisa Efwerki ayaa la sheegay inuu fashilmay, kaddib markii ciidamada dowladda ay la wareegeen shalay xarunta wasaaradda warfaafinta.

Sida ay sheegayaan wararka laga soo warinayo Asmara sheegay in 200 oo askari ay la wareegeen wasaaradda warfaafinta dalkaas, iyagoo ka sheegay warbaahinta dalkaas inay doonayaan in lasii daayo siyaasiyiinta xabsiga ku jira.

Ciidamadii la wareegay wasaaradda warfaafinta ayaa la rumeysan yahay in qaarkood la qabtay oo la xiray, iyadoo telefishinka dalkaas uu dib hawada ugu soo laabtay kaddib markii uu xalay hawada ka maqnaa.

Wargeyska New York Times ayaa kasoo xigtay dad ku sugan Asmara inuu fashilmay isku daygii lagu doonayay in lagu afgambiyo madaxweyne Isaisa oo la sheegay inuu yahay nin xukun adag. Balse xukuumadda Eritrea ayaan weli ka hadlin isku daygaas fashilmay.

Siyasiyiin ka hadlya afgambigan fashilmay ayaa waxay sheegeen inuu daaha ka rogayo in la nacay xukunka hoggaamiyaha kali-taliska ah ee Afwerki oo dalkaas maamulayay muddo 20-sano ku dhow.

“Tani waa su’aal caddeyn u ah xaaladda go’doonka ah ee ay Eritrea hadda ku jirto, waxaana hubaal ah in kacdoonnada noocan oo kale ay soo laaban doonaan,” ayuu yiri siyaasi magaciisa qariyay oo la hadlay Reuters isagoo ku sugan magaalada Asmar.

Gabar uu dhalay Afwerki ayaa sheegtay inay ku sugnayd gudaha dhismaha wasaaradda warfaafinta markii ciidammo gadoodsan ay hareereeyeen xaruntaas, iyadoo intaas ku dartay in xalaaddu ay ahayd mid walaac uu ka buuxo.

Dalka Eritrea ayaa waxaa ku xiran siyaasiyiin tiradoodu u dhexeyso 5,000 illaa 10,000 oo qof, iyadoo hay’adaha xuquuqda aadanaha ay cambaareyn dusha kaga tuureen xariga siyaasiyiintan, waxaana sidoo kale Mareykanka uu cunno-qabteyn kusoo rogay dalkan oo ka mid ah dalalka bariga Afrika, kaddib markii lagu eedeeyay inay taageerto Al-shabaab.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-01-22 1:33 PM EST
Talaado, January 22, 2013(HOL): Kooxaha Kubadda Kolayga dalalka Soomaaliya iyo Kenya oo dalka Tanzania ayaa uga qeybgelaya tartanka Fiba Zone V ayaa ciyaar labada kooxood maanta dhexmartay waxaa ku adkaaday xulka Kubadda Kolayga dalka Soomaaliya.

2013-01-22 12:47 PM EST
Talaado, Jannaayo 22, 2013 (HOL) — Guddoomiyaha maamulka KMG ah ee magaalada Kismaayo, ahna guddoomiyaha kooxda Raaskambooni, Sheekh Axmed Maxamed Islaam (Madoobe) ayaa sheegay in la joogo xilligii maamul loo sameyn lahaa gobollada Jubbooyinka.

2013-01-22 11:43 AM EST
Talaado, Jannaayo 22, 2013 (HOL) — Ra’iisal wasaaraha Soomaaliya, Cabdi Faarax Shirdoon (Saacid) ayaa maanta xafiiskiisa ku qaabilay wakiilka xoghayaha guud ee Qaramada Midoobay u qaabilsan arrimaha Soomaaliya danjie Augustine Phillip Mahiga.

2013-01-22 7:17 AM EST
Talaado, Jannaayo 22, 2013 (HOL) — Maxkamadda darajada koowaad ee ciiidamada qalabka sida ee dowladda Somalia ayaa maanta xukunno isugu jira dil iyo xabsi ku ridday askar ka tirsan ciidamada dowladda oo ku kala eedeysnaa dil iyo dhibaato ay shacabka u geysteen.

2013-01-22 7:14 AM EST
Talaado, Jannaayo 22, 2013 (HOL) — Jaamacadda Bariga Afrika faraceeda Buuhoodle ayaa imtixaankii ugu horreeyay u soo gabagabeysay ardayda wax ka dhigta, kuwaasoo tiradoodu ay ka badan boqol arday.

2013-01-22 6:23 AM EST
Talaado, Jannaayo 22, 2013 (HOL) — Waxaa xalay Isbitaal ku yaalla magaalada Nairobi ee xarunta dalka Kenya ku geeriyoodey AHN madaxweyne ku-xigeenkii hore ee Puntland Xasan Daahir Maxamuud Af-qurac. Marxuumka ayaa u geeriyoodey xanuun uu la jiifey 6-dii bilood ee ugu dambeysey.

2013-01-22 6:21 AM EST
Talaado, Jannaayo 22, 2013 (HOL) — Xildhibaan Cabdiraxmaan Maxamed Jaamac ( Cabdiraxmaan Xoog) oo ka mid ah golaha Wakiiladda Somaliland, ayaa sheegay in aanu la shaqayn dawladda Soomaaliya, balse ay jirtay inuu wasiirka Arrimaha dibadda Soomaaliya Foosiya Yuusuf uu madaarka Berbera kula kulmay sifiican usoo dhoweeyey.

2013-01-22 4:55 AM EST
Talaado, Jannaayo 22, 2013 (HOL) —Madaxweeyne Dalka Mareykanka Brack Obama ayaa xalay markale loo caleemo saaray xilka madaxtinimo ee dalka Mareeykanka, iyadoona xafladda caleemo-saarka ay kasoo qeybgaleen kumaannaan qof oo u dhalatay dalkaasi.

2013-01-22 3:03 AM EST
Talaado, Jannaayo 22, 2013 (HOL) — Hay’adda qoxootiga adduunka ee UNHCR ayaa sheegtay inay dowladda Kenya ka ogolaatay inay joojiso in qoxootiga ay si khasab ah uga saarto magaalooyinka waaweyn ee dalka Kenya.

2013-01-22 2:58 AM EST
Talaado, Jannaayo 22, 2013 (HOL) — Nin waxyaabaha qarxa ay ku xiran yihiin ayaa xalay ku qarxay degmada Jowhar ee xarunta gobolka Shabeellada dhexe, iyadoo qaraxaas uusan geysan wax khasaare nafeed ah oo dhaafsiisan ninkii qarxay.