2014-10-22
Today from Hiiraan Online:  _
Wararka Maanta- Talaado, Jan 22, 2013
Ardaydii u horreysay oo loosoo gabagabeeyay Imtixaanka Jaamacada Bariga Afrika Faraceeda Magaalada Buuhoodle


Talaado, Jannaayo 22, 2013 (HOL) — Jaamacadda Bariga Afrika faraceeda Buuhoodle ayaa imtixaankii ugu horreeyay u soo gabagabeysay ardayda wax ka dhigta, kuwaasoo tiradoodu ay ka badan boqol arday.

C/qaadir Maxamed Nuur oo ka mid ah barayaasha jaamacadda Bariga Afrika ayaa sheegay in ardayda imtixaanka uu u soo xirmay ay dhigtaan laba kulliyadood oo kala ah: kulliyadda shareecada Islaamka iyo PPA, ayna rajeynayaan in tirade ardaydu ay intaas ka badato sannadka soo socda.

Jaamacadda ayaa bartamihii sannadkii aan soo dhaafnay si rasmi ah loogu dhawaaqay iyadoo jaamacaddu ay ahaan jirtay machad lagu barto diinta Islaamka, balse waxay kor-u-kac samaysay markii jaamacadda Bariga Afrika ee xarunteedu tahay magaalada Boosaaso ay ogolaatay inay farac ka faafa noqoto.

Arday badan ayaa ku qanacsan inay wax ka bartaan jaamacaddan iyadoo ay awood u waayeen inay aadaan meelo ka fog deegaanka si ay u sii wataan waxbarashadooda heerka sare ah, inkastoo ay weli jiraan qaar kale oo kulliyadihii ay jeclaan lahaayeen aan weli ka helin jaamacadda Buuhoodle oo haatan jirsatay sannad barkiis.

Saynab Cabdi Warsame, Hiiraan Online
xidigtiidhiciweydey@hotmail.com
Laascaanood, Gobolka Sool





Post your comments

2013-01-22 1:33 PM EST
Talaado, January 22, 2013(HOL): Kooxaha Kubadda Kolayga dalalka Soomaaliya iyo Kenya oo dalka Tanzania ayaa uga qeybgelaya tartanka Fiba Zone V ayaa ciyaar labada kooxood maanta dhexmartay waxaa ku adkaaday xulka Kubadda Kolayga dalka Soomaaliya.

2013-01-22 12:47 PM EST
Talaado, Jannaayo 22, 2013 (HOL) — Guddoomiyaha maamulka KMG ah ee magaalada Kismaayo, ahna guddoomiyaha kooxda Raaskambooni, Sheekh Axmed Maxamed Islaam (Madoobe) ayaa sheegay in la joogo xilligii maamul loo sameyn lahaa gobollada Jubbooyinka.

2013-01-22 12:19 PM EST
Talaado, Jannaayo 22, 2013 (HOL) — Isku-day ciidamada dalka Eritrea ay ku doonayeen inay ku afgambiyaan madaxweynaha dalkaas, Isaisa Efwerki ayaa la sheegay inuu fashilmay, kaddib markii ciidamada dowladda ay la wareegeen shalay xarunta wasaaradda warfaafinta.

2013-01-22 11:43 AM EST
Talaado, Jannaayo 22, 2013 (HOL) — Ra’iisal wasaaraha Soomaaliya, Cabdi Faarax Shirdoon (Saacid) ayaa maanta xafiiskiisa ku qaabilay wakiilka xoghayaha guud ee Qaramada Midoobay u qaabilsan arrimaha Soomaaliya danjie Augustine Phillip Mahiga.

2013-01-22 7:17 AM EST
Talaado, Jannaayo 22, 2013 (HOL) — Maxkamadda darajada koowaad ee ciiidamada qalabka sida ee dowladda Somalia ayaa maanta xukunno isugu jira dil iyo xabsi ku ridday askar ka tirsan ciidamada dowladda oo ku kala eedeysnaa dil iyo dhibaato ay shacabka u geysteen.

2013-01-22 6:23 AM EST
Talaado, Jannaayo 22, 2013 (HOL) — Waxaa xalay Isbitaal ku yaalla magaalada Nairobi ee xarunta dalka Kenya ku geeriyoodey AHN madaxweyne ku-xigeenkii hore ee Puntland Xasan Daahir Maxamuud Af-qurac. Marxuumka ayaa u geeriyoodey xanuun uu la jiifey 6-dii bilood ee ugu dambeysey.

2013-01-22 6:21 AM EST
Talaado, Jannaayo 22, 2013 (HOL) — Xildhibaan Cabdiraxmaan Maxamed Jaamac ( Cabdiraxmaan Xoog) oo ka mid ah golaha Wakiiladda Somaliland, ayaa sheegay in aanu la shaqayn dawladda Soomaaliya, balse ay jirtay inuu wasiirka Arrimaha dibadda Soomaaliya Foosiya Yuusuf uu madaarka Berbera kula kulmay sifiican usoo dhoweeyey.

2013-01-22 4:55 AM EST
Talaado, Jannaayo 22, 2013 (HOL) —Madaxweeyne Dalka Mareykanka Brack Obama ayaa xalay markale loo caleemo saaray xilka madaxtinimo ee dalka Mareeykanka, iyadoona xafladda caleemo-saarka ay kasoo qeybgaleen kumaannaan qof oo u dhalatay dalkaasi.

2013-01-22 3:03 AM EST
Talaado, Jannaayo 22, 2013 (HOL) — Hay’adda qoxootiga adduunka ee UNHCR ayaa sheegtay inay dowladda Kenya ka ogolaatay inay joojiso in qoxootiga ay si khasab ah uga saarto magaalooyinka waaweyn ee dalka Kenya.

2013-01-22 2:58 AM EST
Talaado, Jannaayo 22, 2013 (HOL) — Nin waxyaabaha qarxa ay ku xiran yihiin ayaa xalay ku qarxay degmada Jowhar ee xarunta gobolka Shabeellada dhexe, iyadoo qaraxaas uusan geysan wax khasaare nafeed ah oo dhaafsiisan ninkii qarxay.