2014-08-01
Today from Hiiraan Online:  _
Wararka Maanta- Talaado, Jan 22, 2013
Hay’adda UNHCR oo sheegtay in Dowladda Kenya ay aqbashay in Qoxootiga aan is khasab ah looga saarin Magaalooyinka


Talaado, Jannaayo 22, 2013 (HOL) — Hay’adda qoxootiga adduunka ee UNHCR ayaa sheegtay inay dowladda Kenya ka ogolaatay inay joojiso in qoxootiga ay si khasab ah uga saarto magaalooyinka waaweyn ee dalka Kenya.

Afhayweenka UNHCR, Emmanuel Nyanbera oo la hadlay BBC-da ayaa sheegay in kulammo ay la yeeseen wasaaradaha ammaanka iyo socdaalka ee Kenya ay isku afgarteen in daabulidda qoxootiga ay u dhacdo si aanu ku jirin khasab, balse ay iyagu si iskood uga baxaan iyadoo aan xoog loo adeegsan.

“Qoxootiga ku nool magaalada Nairobi waxaa toddobaadka soo socda looga baahan doonaa inay iska diiwaangeliyaan xarumaha booliiska ee Sharimooy oo ku dhow xaafadda Islii ee magaalada Nairobi, halkaasoo si nabadgalyo ah looga daabuli doono,” ayuu yiri Nyambera.

Wasaaradda ammaanka Kenya ayaa war ay soo saartay toddobaadkii hore waxay ku sheegtay inay si khasab ah uga saarayso qoxootiga ku nool magaalada Nairobi. Iyadoo qoraalkaas lagu sheegay inay dowladdu bar-tilmaameesanayso 50,000 oo qoxooti ah inay si khasab ah uga saarto magaalooyinka waaweyn, balse qorshahaas ayaa u muuqda mid ay dowladdu ka laabtay.

Arrintan ayaa waxaa soo dhaweeyay Soomaalida ku nool magaalada Nairobi gaar ahaan xaafadda Islii halkaasoo ay ku leeyihiin ganacsi fara badan, waxaana mas’uuliyiinta ganacsatada ay dalbadeen in dowladda ula dhaqanto si ka duwan sida ay hadda ula dhaqanto.

“Dadku baqdin ayay ku jiraan, waxayna ka baqdin qabaa in guryaha loogu soo dhaco, waxaan dowladda ka dalbanaynaa inay si bani’aadamnimo ay ku jirto ay noola dhaqanto, ayna ka fiirsato arrintaas waxaa wanaagsan inay qiyaar na-siiso,” ayuu yiri guddoomiyaha ganacsatada xaafadda Islii, Xasan Guuleed.

Dowladda Kenya bishii December ee lasoo dhaafay soo saartay war qoraal ah oo ay kaga dalbatay qoxootiga inay ku laabtaan xeryaha qoxootiga, kaddib falal ammaan-darro ah oo ka dhacay magaalada Nairobi, kuwasaoo ay ku tuhuntay qoxootiga ku nool magaalooyinka waaweyn.

Mudane Yuusuf Xasan oo ka mid ahaa mudanayaashii hore ee Kenya lagana soo doorto degmada Kamakuunyi ee xaafadda islii ay ka tirsan tahay, ayaa sheegay in qoxootiga dalka Kenya ku nool ay sharci ku joogaan dowladduna ay bixiso sharcigaas, iyaguna aysan ka ogolaanayn dowladda inay qoxootiga ka saarto magaalooyinka waaweyn.

Ugu dambeyn, hay’adda xuquuqul insaanka ee Human Rights Watch ayaa iyaduna ku sheegtay go’aanka Kenya mid ka horimaanaya sharciyada caalamiga ah ee qoxootiga, waxayna dalalka deeqaha bixiya ugu baaqday inay cadaadis ku saaraan Kenya inay joojiso go’aanka ay qoxootiga ugu rarayso xeryaha Dhadhaab oo aan ammaan ahaan wanaagsanayn.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-01-22 1:33 PM EST
Talaado, January 22, 2013(HOL): Kooxaha Kubadda Kolayga dalalka Soomaaliya iyo Kenya oo dalka Tanzania ayaa uga qeybgelaya tartanka Fiba Zone V ayaa ciyaar labada kooxood maanta dhexmartay waxaa ku adkaaday xulka Kubadda Kolayga dalka Soomaaliya.

2013-01-22 12:47 PM EST
Talaado, Jannaayo 22, 2013 (HOL) — Guddoomiyaha maamulka KMG ah ee magaalada Kismaayo, ahna guddoomiyaha kooxda Raaskambooni, Sheekh Axmed Maxamed Islaam (Madoobe) ayaa sheegay in la joogo xilligii maamul loo sameyn lahaa gobollada Jubbooyinka.

2013-01-22 12:19 PM EST
Talaado, Jannaayo 22, 2013 (HOL) — Isku-day ciidamada dalka Eritrea ay ku doonayeen inay ku afgambiyaan madaxweynaha dalkaas, Isaisa Efwerki ayaa la sheegay inuu fashilmay, kaddib markii ciidamada dowladda ay la wareegeen shalay xarunta wasaaradda warfaafinta.

2013-01-22 11:43 AM EST
Talaado, Jannaayo 22, 2013 (HOL) — Ra’iisal wasaaraha Soomaaliya, Cabdi Faarax Shirdoon (Saacid) ayaa maanta xafiiskiisa ku qaabilay wakiilka xoghayaha guud ee Qaramada Midoobay u qaabilsan arrimaha Soomaaliya danjie Augustine Phillip Mahiga.

2013-01-22 7:17 AM EST
Talaado, Jannaayo 22, 2013 (HOL) — Maxkamadda darajada koowaad ee ciiidamada qalabka sida ee dowladda Somalia ayaa maanta xukunno isugu jira dil iyo xabsi ku ridday askar ka tirsan ciidamada dowladda oo ku kala eedeysnaa dil iyo dhibaato ay shacabka u geysteen.

2013-01-22 7:14 AM EST
Talaado, Jannaayo 22, 2013 (HOL) — Jaamacadda Bariga Afrika faraceeda Buuhoodle ayaa imtixaankii ugu horreeyay u soo gabagabeysay ardayda wax ka dhigta, kuwaasoo tiradoodu ay ka badan boqol arday.

2013-01-22 6:23 AM EST
Talaado, Jannaayo 22, 2013 (HOL) — Waxaa xalay Isbitaal ku yaalla magaalada Nairobi ee xarunta dalka Kenya ku geeriyoodey AHN madaxweyne ku-xigeenkii hore ee Puntland Xasan Daahir Maxamuud Af-qurac. Marxuumka ayaa u geeriyoodey xanuun uu la jiifey 6-dii bilood ee ugu dambeysey.

2013-01-22 6:21 AM EST
Talaado, Jannaayo 22, 2013 (HOL) — Xildhibaan Cabdiraxmaan Maxamed Jaamac ( Cabdiraxmaan Xoog) oo ka mid ah golaha Wakiiladda Somaliland, ayaa sheegay in aanu la shaqayn dawladda Soomaaliya, balse ay jirtay inuu wasiirka Arrimaha dibadda Soomaaliya Foosiya Yuusuf uu madaarka Berbera kula kulmay sifiican usoo dhoweeyey.

2013-01-22 4:55 AM EST
Talaado, Jannaayo 22, 2013 (HOL) —Madaxweeyne Dalka Mareykanka Brack Obama ayaa xalay markale loo caleemo saaray xilka madaxtinimo ee dalka Mareeykanka, iyadoona xafladda caleemo-saarka ay kasoo qeybgaleen kumaannaan qof oo u dhalatay dalkaasi.

2013-01-22 2:58 AM EST
Talaado, Jannaayo 22, 2013 (HOL) — Nin waxyaabaha qarxa ay ku xiran yihiin ayaa xalay ku qarxay degmada Jowhar ee xarunta gobolka Shabeellada dhexe, iyadoo qaraxaas uusan geysan wax khasaare nafeed ah oo dhaafsiisan ninkii qarxay.