12/19/2014
Today from Hiiraan Online:  _
Wararka Maanta- Isniin, Jan 21, 2013
Wasiirka Arrimaha Gudaha Somaliland: Aqoonsiga Mareykanka ee Soomaaliya wuxuu Dharbaaxo ku yahay Somaliland


Isniin, Jannaayo 21, 2013 (HOL) — Wasiirka arrimaha gudaha Somaliland, Maxamed Nuur Carraale (Duur) ayaa ictiraafay uu Mareykanku siiyay dowladda Soomaaliya ku tilmaamay dharbaaxo indhaha looga riday Somaliland, waxaanu Mareykanka ugu baaqay inuu qiimeeyo Somaliland iyo maamul-goboleedyada kale oo nabad kusoo dabbaalay deegaannadooda intii ay Koonfurta Soomaaliya qasnayd.

Wasiirka ayaa sidoo kale ka hadlay dadaallo nabadeed oo maalmahan ka socday degmada Saylac oo ay rabshado ka dhaceen, kuwaasoo aan weli lagu guuleysan in xal waara laga gaaro.

“Dowladda Soomaaliya si khaldan ayay u turjumatay aqoonsiga la siiyay; ictiraafkana waxaa u baahnayd Somaliland, mana jirto wax aqoosnigaas uu i noo soo kordhinayo Somaliland ahaan,” ayuu yiri wasiirka arrimaha gudaha ee Somalia.

Wasiirka oo ka hadlay arrinta Saylac ayaa sheegay in beesha Ciise ay diiday inay qaado guddoomiye ku-xigeenka degmadda oo ay kusoo qanciyeen inay bixiso beesha Samarooon iyo sidoo kale xilal madaxweynaha Somaliland ugu ballanqaaday oo ka mid ah dowladda dhexe iyo deegaanka intaba.

“Weli kama rajo dhigin inay beesha ciise aqbasho go’aannada la gaaray, hase yeeshee uma dulqaadan doonno ciddii ka hortimaadda nidaamka maamul ee dalka u yaalla, waxaana ka qaadaynaa tallaabo ammaanka adag haddii ay isku daydo inay ammaanka dalka waxyeelleyso,” ayuu wasiirku ku yiri warbixin uu saxaafadda siiyay.

Dhinaca kale, wararka aanu ka helayno degmada Saylac ayaa sheegaya inay beesha Ciise u diyaar-garoobayso inay iska caabiso haddii ay timaaddo hanjbaadda Duur.

Wararku waxay intaas ku darayaan in koox dabley ah oo ka tiran ciidan beeleedka beesha Ciise ay gallinnkii dambe ee shalay ka baxsadeen magaalada, isla markaana laga cabsi qabo xaalad dagaal.

Ugu dambeyn, wararku waxay sheegayaan inay socdaal dadaallo lagu doonayo sidii beesha Ciise loo qancin lahaa, waxaana magaaladaas shalay tagay wafdi ka socda sirdoonka Jabuuti iyo saraakiil horay uga tirsanaa ciidamada dalkaas; kuwaasoo ka dalbaday wasiirka arrimaha gudaha ee Sonmaliland inuu maamulka degmada kusoo celiyo gacanta beesha Ciise, iyadoo Duur uu ku gacan-sayray arrintaas, wuxuuna sheegay in beesha Ciise ay u hayaan jagada ay diideen oo keliya.

Khadra Xasan Maax, Hiiraan Online
khadra783@hotmail.com
Boorame, Somaliland





Post your comments

1/21/2013 11:51 AM EST
Isniin, Jannaayo 21, 2013 (HOL) — Madaxweynaha maamul-goboleedka Khaatumo, Maxamed Jaamac Yuusuf (Indha-sheel) ayaa shir jaraa`id oo uu maanta ku qabtay magaalada Buuhoodle wuxuu ku taageeray aqoonsiga buuxa ee dowladda Mareykanku ay siisay dowladda federaalka Soomaaliya.

1/21/2013 11:35 AM EST
Isniin, Jannaayo 21, 2013 (HOL) —Golaha wasiiradda dowladda Soomaaliya ayaa maanta shir ay isugu yimaadeen waxay uga hadleen dhowr qodob oo ay ka mid yihiin: maamul u sameynta gobollada, xaslinta dalka iyo sidii loo soo celin lahaa dhulka iyo hantida dowladda ee gacanta ugu jira shacabka.

1/21/2013 11:33 AM EST
Isniin, Jannaayo 21, 2013 (HOL) —Xukuumadda Somaliland ayaa maalintii shalay ahayd ku xoojisay wafdi uu hoggaaminayo wasiirka arrimaha gudaha, Maxamed Carraale Duur ku xoojisay laba wasiir iyo guddoomiyaha xisbiga talada haya ee Kulmiye, iyadoo xukuumaddu ay wafdigan u dhiibtay fariin ka duwan fariintii ay beesha Ciise ka diidday wasiirka arrimaha gudaha.

1/21/2013 11:10 AM EST
Isniin, Jannaayo 21, 2013 (HOL) — Madaxweyne ku xigeenka Somaliland, Cabdiraxmaan Cabdilaahi Ismaaciil (Saylici), ayaa ka qaybgalay wejigii labaad ee mashruuc lagu horumarinayo dawladaha hoose ee degmooyinka Somaliland, kuwaas oo socday shantii sanno ee hore.

1/21/2013 8:50 AM EST
Isniin, Jannaayo, 21, 2013 (HOL) -- Wafdi ka tirsan hay’addaha samafalka QM ayaa maanta booqasho ku tagay magaalada Baladweyne, kuwaasoo kala hadllay mas’uuliyiinta maamulka gobollka xaaladaha amniga magaalada.

1/21/2013 8:43 AM EST
Isniin, Jannaayo, 21, 2013 (HOL) -- Jaamacada Plasma oo ka mid ah Jaamacadaha ugu waaweyn ee ka dhisan dalka Soomaaliya ayaa faraceeda magaalada Baladweyne waxaa maanta Imtixaan u fariisatay in ka badan 100 arday ah.

1/21/2013 7:33 AM EST
Isniin, Jannaayo 21, 2013 (HOL) — Golaha Wakiiladda ayaa loo qaybiyey xeerka takaalifta madaaradda oo si weyn uga qayliyeen xildhibaanadda golaha Wakiiladda.

1/21/2013 7:24 AM EST
Isniin, Jannaayo 21, 2013 (HOL) — Ra’iisal wasaaraha Soomaaliya, Cabdi Faarax Shirdoon (Saacid) ayaa maanta boqolaal ruux kala qaybgalay banaanbax ballaaran oo ay ku taageerayeen go’aankii dowladda Mareykanka ay ku aqoonsatay dowladnimada Soomaaliya muddo laga joogo 22-sano.

1/21/2013 3:16 AM EST
Isniin, Jannaayo 21, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo oo dhawaanahan safar ku joogay dalka Mareykanka ayaa xalay gaaray magaalada Riyaadh ee dalka Saudi Arabia, halkaasoo madaxweynuhu uu uga qaybgeli doono shir looga hadlayo dhaqaalaha dalalka Carabta.

1/21/2013 2:42 AM EST
Isniin, Jannaayo 21, 2013 (HOL) — Madaxweynaha Puntland, Cabdiraxmaan Maxamed (Faroole) iyo wefdi uu horkacayo oo maalntii 5aad booqasho ku jooga dalka Jabuuti ayaa la kulmay madaxweynaha dalkaas Ismaaciil Cumar Geelle iyo mas’uuliyiin kale oo ka tirsan madaxda Jabuuti.

1/21/2013 2:42 AM EST
Isniin, Jannaayo 21, 2013 (HOL) — Qaar ka mid ah haweenka kasoo jeeda gobollada Awdal, Selel iyo Gabiley ee ku noool magaalada Ottowa ee dalka Kanada ayaa deeq lacageed oo gaaraysa $2,260 doollar soo gaarsiiyay dadkii ku waxyeeloobay bannanbaxyadii ka kala dhacay degmooyinka Saylac, Boorama Iyo Lughaya.

1/20/2013 11:56 PM EST
Isniin, Jannaayo 21, 2013 (HOL) — Maamulka Puntland ayaa si weyn u soo dhaweeyay aqoonsigii ay dowladda Mareykanku siisay dowladda Soomaaliya, iyagoo ku tilmaamay aqoonsigan mid horay u sii riixi kara xiriirka ka dhexeeya Soomaaliya iyo Mareykanka.