2014-10-25
Today from Hiiraan Online:  _
Wararka Maanta- Arbaco, Jan 2 , 2013
Tirada iyo Dhaqaalaha Soomaalida ku nool Gobolka Minnesota ee Mareykanka oo Korortay 12-kii sano ee lasoo dhaafay


Arbaco, Jannaayo 02, 2013 (HOL) — Soomaalida ku nool gobolka Minnesota ee dalka Mareykanka ayaa la sheegay inay laba jibaarmeen 12-kii sano ee lasoo dhaafay, sida ay shaacisay hay’ad lagu magacaabo Minnesota 2020 oo baaritaan ku sameysay tirada iyo dhaqaalaha Soomaalida ku nool gobolkaas.

C/raxmaan Kaahin oo ka mid ah Soomaalida ku nool gobolka Minnesota ayaa BBC-da u sheegay in qiyaasta la sameeyay lagu sheegay in Soomaalida ku nool gobolka Minnesota ay hadda tiradoodu ka badan tahay 50,000 oo qof, halka sannadkii 2000 ay ka ahaayeen 18,596-qof, waxaana tani ay caddeyn u tahay inay laba jibaarantay tirada Soomaalida ku nool Minnesota.

“Warbixinta  waxaa lagu sheegay in 40% ay Soomaalida soo galootiga ah leeyihiin ganacsiyada yaryar ee ka furan Minnesota, dhaqaalaha ay sannadkii gobolka soo geliyaanna uu gaarayo 12-bilyan oo doollar,” ayuu yiri Kaahin.

Gobolka Minnesota ayaa la sheegay inuu noqday gobolka ugu dhaqaalaha badan dalka Mareykanka oo xiligan ay ka jiraan xaalado dhaqaale oo aad u daran, waxaana Soomaalida ku nool gobolkaas ay u badan yihiin kuwo ku shaqeysta dukaamo, qaarkoodna ka shaqeeya warshado ku yaalla gobolkaas.

“Dadka Soomaaliyeed ee ku nool gobolka Minnesota ayaa waxay noqdeen qowmiyadda saddexaad ee ku nool Minnesota, iyadoo ay ka horreeyaan oo keliya Meksikaanka iyo dadka loo yaqaan Mow oo ka yimid Aasiya,” ayuu yiri Kaahin oo intaas ku daray in arrintan ay layaab ka dhigtay in Soomaalida oo wax ka yar 20-sano ku nool dalka Mareykanka ay noqdaan qowmiyadda saddexaad ee gobolkaas ku nool.

Dhanka kale, Kaahin oo isaguba ah ganacsade ayaa sheegay in tani ay u soo jiidday Soomaalida ku nool gobolkaas ammaan weyn, wuxuu xusay in afar suuq oo waaweyn ay Soomaalidu ku leeyihiin magaalada Minneapoli, kuwaas oo ay dadka Soomaalida ka iibsadaan wixii ay u baahan yihiin.

Gobolka Minnesota ayaa noqonaya gobolka ay ku nool yihiin Soomaalida ugu badan ee ku nool dalka oo tiradoodu ay ka badan tahay boqolaalka kun ee qof, kuwaasoo xilliyo kala duwan tagay dalkaas.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-01-02 11:51 AM EST
Arbaco, Jannaayo 02, 2013 (HOL) — Madaxweynaha Soomaaliya, Xasan Sheekh Maxamuud ayaa maanta kula kulmay magaalada Khartuum ee xarunta dalka Suudaan madaxweynaha Suudaan, Cumar Xasan Al-Bashiir, iyagoo kawada hadlay arrimo ay ka mid yihiin lacago ay dowladda Suudaan u daabacday Soomaaliya iyo arrimo ay ka mid yihiin waxbarashada.

2013-01-02 11:17 AM EST
Arbaco, Jannaayo 02, 2013 (HOL) — Madaxweynihii hore ee Puntland Jen. Maxamuud Muuse Xirsi (Cadde) oo dhowaan dalka dib ugu soo laabtay, dhowrkii maalmood ee ugu danbeeyeyna booqasho ku marayey qaar kamid ah magaalooyinka waaweyn ee Puntland, ayaa maanta gaarey magaalada Gaalkacayo ee xarunta gobolka Mudug.

2013-01-02 11:14 AM EST
Arbaco, Jannaayo 02, 2013 (HOL) — Xisbiga Nabadda iyo Dimuqraadiyadda oo ah xisbi mucaarad ah ayaa maanta ku qabtay Muqdisho kulan ay ka qayb-galeen xildihbaanno ka tirsan baalamaanka Soomaaliya, iyadoo ay ka qayb-galeen kulankaas madaxda xisbiyada kale ee dalka ka jira.

2013-01-02 8:15 AM EST
Arbaco, Jannaayo 02, 2013 (HOL) — Xukuumadda Kenya ayaa ku eedeysay askar horay uga tirsanaan jiray ciidamada dowladda Soomaaliya inay ka dambeeyaan falaka ammaan-darro ee ka taagan degmada Gaarisa ee xarunta gobolka Waqooyi-bari ee dalka Kenya.

2013-01-02 7:51 AM EST
Arbaco, Jannaayo 02, 2013 (HOL) — Maamulka gobolka Banaadir ayaa ka dalbaday ganacsatada Soomaaliyeed ee gudaha ku sugan iyo Qurbo-joogta Soomaalida ah ee dibadaha ku nool inay qayb ka qaataan dib u dhiska golaha murtida iyo madadaalada Muqdisho (National Theater).

2013-01-02 7:44 AM EST
Arbaco, Jannaayo 02, 2013 (HOL) — Qof rayid ah ayaa maanta lagu dilay suuqa weyn ee balcadka gaar ahaan nawaaxiga dahablaha oo ah goob aad u mashquul badan, iyadoona aan ilaa imika aan la garanayn cidda ka danbeeysay dilkaasi.

2013-01-02 7:32 AM EST
Arbaco, Jannaayo 02, 2013 (HOL) — Madaxweynaha Somaliland, Axmed Maxamed Maxamuud Siillaanyo iyo xubno golihiisa wasiiradda ah, ayaa saaka booqday askartii shalay dhaawacu ka soo gaadhay shilkii baabuur ee ka dhacay duleedka bari ee magaaladda Hargeysa.

2013-01-02 7:29 AM EST
Arbaco, Jannaayo 02, 2013 (HOL) — Maxkamad ku taalla dalka Itoobiya ayaa la horgeeyay 10-qof oo loo haysto argagaxisonimo iyo inay xiriir dhowr la leeyihiin Xarakada Al-shabaab ee ka dagaalanta gudaha Soomaaliya.

2013-01-02 7:21 AM EST
Arbaco, Jannaayo 02, 2013 (HOL) — Hay'adda wadaniga ah ee Horn for Relief and Development (HRD) oo kaashanaysa haya'daha ILO iyo IIDA ayaa Muqdisho ku qabtay maanta oo Arbaco ah dood-wadaag ku saabsan horumarinta ganacsiga haweenka Soomaaliyeed, iyadoo doodda goob-joog ka ahaayeen xubno ka kala socday ururrada bulshada rayidka ah, dowladda iyo shirkadaha gaarka loo leeyahay.

2013-01-02 6:23 AM EST
Arbaco, Jannaayo 02, 2013 (HOL) — Maamulka gobolka Banaadir ayaa maanta iska fogeeyay in ruux isku dayay inuu dilo guddoomiyaha gobolka Banaadir ahna duqa Muqdisho uu ka tirsanaa shaqaalahooda, iyadoo maamulku uu sheegay in ruuxaas uu ka mid ahaa darawallo la shaqeyn jiray agaasimaha guud ee dowladda hoose.

2013-01-02 6:02 AM EST
Arbaco, Jannaayo 02, 2013 (HOL) — Wasiirka gaashaandhigga Soomaaliya, C/xakiin Maxamuud Fiqi iyo wafdi uu hoggaaminayo ayaa gaaray maanta magaalada Baydhabo ee xarunta gobolka Bay, isagoo halkaas kulammo kula leh mas'uuliyiinta maamulka iyo saraakiisha ciidamada dowladda.