2014-10-31
Today from Hiiraan Online:  _
Wararka Maanta- Jimco, Jan 18, 2013
Taliyaha Ciidamada Nabad-sugidda Gobolka Banaadir oo ka Warbixiyay Howl-gallada ay ka wadaan Magaalada Muqdisho


Jimco, January 18, 2013 (HOL) -Taliyaha ciidamada nabadsugidda Soomaaliya ayaa ka warbixiyay howlgallo maalmihii ugu danbeeyay ciidamada booliska iyo kuwa nabadsugidda ay ka wadeen degmooyinka kala duwan ee gobolka Banaadir.

Taliyaha ciidamada nabadsugidda Khaliif Axmed Ereg oo warbaahinta la hadlay ayaa sheegay in ay sii socon doonaan howlgallada lagu xdaqiijinayo ammaanka ee ka socda magaalada Muqdisho, wuxuuna xusay in dowladda Soomaaliya ay ka go’antahay soo celinta ammaanka magaalada Muqdisho iyo gobollada dalka Soomaaliya.

Masuulkani ayaa sheegay in ciidamadu ay qaban doonaan qof walba oo danbi gala, xitaa haduu dowladda katirsanyahay, wuxuuna sheegay in howlgalladan ay socon doonaan inta uu ammaanka  dalka ka noqonayo mid la isku haleyn karo.

“Dowladda waxaa diyaar ka ah oo ka go’an in ay amniga magaalada Muqdisho iyo gobollada dalka ay soo celiso, qofkasta oo dhibaato wada ama dowladda haku jiro ama shabaab ha ahaado cid kasta oo umadda dhibaato ku haysa waa la qabanayaa sharcigaana la horgeynayaa, qofwalbana wixii uu muteysto ayuu leeyahay,” ayuuyiri masuulkani oo warbaahinta la hadlayay.

Masuulkani ayaa ugu baaqay shacabka ku dhaqan magaalada Muqdisho in ay gacan ka siiyaan ciidamada ammaanka dadaallada ay ugu jiraan sugidda amniga, wuxuuna sheegay ina y ciidamada kusoo wargeliyaan wixii ammaanka lid ku ah ee ay arkaan.

“Waxaan idinka rabnaa in aad nagu saacidaan nabadgelyada, haduu dowladda ka tirsanyahay haduu qof kale yahay cidii dhibaato idin geeysata waad noo so sheegeysaan, kuwa miinada iyo bambooyinka dhigaya iyo waxwalba dhigaya waad noo soo sheegeysaan,” ayuu hadalkiisii raaciyay.

Maalmihii ugu danbeeyay degmooyinka kala duwan ee magaalada Muqdisho waxaa ka soconayay howlgallo ballaaran oo lagu xaqiijinayo ammaanka, iyadoona howlgalladaasi ay ciidamadu kusoo qabqabteen dad aad u tiro badan oo looga shakisanyahay in ay xiriir la leeyihiin dhaqdhaqaaqa Al-shabaab.

Xasan Nuur, Hiiraan Online
hnur@hiiraan.com
Muqdisho, Soomaaliya





Post your comments

2013-01-18 12:10 PM EST
Jimco, January 18, 2013 (HOL) - Ergeyga gaarka ah ee xoghayaha guud ee Qaramada Midoobay u qaabilsan arrimaha Soomaaliya Dr. Augustine P. Mahiga ayaa si kulul u cambaareeyay dilka wariye Cabdi Hareed Cismaan Aadan kaasoo ay kooxo hubeysan ku dileen magaalada Muqdisho ee caasimadda dalka Soomaaliya.

2013-01-18 12:04 PM EST
Jimco, Jannaayo 18, 2013 (HOL) — Madaxweynaha Soomaaliya iyo wafdi uu hoggaaminayo oo dhawaanahan booqasho ku joogay dalka Mareykanka ayaa gaaray maanta oo Jimco ah magaalada Minneapolis ee gobolka Minnesota maalin kaddib markii dowladda Mareykanka ay si rasmi ah u aqoonsatay dowladda Soomaaliya kaddib labaatan sano oo colaado ah.

2013-01-18 11:40 AM EST
Jimco, January 18, 2013 (HOL) -Xukuumadda Soomaaliya ayaa sheegtay ina y wado qorshe ay ku dooneyso sidii barakacayaasha ku dhaqan Muqdisho looga rari lahaa xerooyinka ay imika ku jiraan islamarkaasina loo dajin lahaa goobo ka baxsan magaalada.

2013-01-18 9:07 AM EST
Jimco, Jannaayo 18, 2013 (HOL)- Ardayda jaamacadda Hargeysa gaar ahaana kuuliyadda cilmiga deegaanka, ayaa xalay soo agaasimay xaflad lagaga hadlayey qaabka ugu haboon ee loo dhimi karo qashinka iyo sida looga faa’iidaysan karo,kuwaas oo ku qabsaday hoolka jaamacadaasi.

2013-01-18 9:00 AM EST
Jimco, January 18, 2013(HOL): Madaxweynaha Soomaaliya Xasan Shiikh Maxamuud oo maalmahan ku mashquulsanaa kulamo uu la leeyahay madaxda sare ee dalka Mareykanka iyo deeq-bixiyayaal caalami ah ayaa waxaa uu xalay la hadlay Jaaliyadda Soomaaliyeed ee ku dhaqan magaalada Washington, iyadoo ay xusid mudan tahay in ay munaasabadda ka qeybgaleen dad Soomaali ah oo ka kala tegay gobollada dalka Mareykanka iyo dalka Canada.

2013-01-18 2:09 AM EST
Jimco, January 18, 2013 (HOL) - Kooxo hubeysan oo aan la heybtooda la aqoon ayaa saaka weeraray wariye Cabdi Xareed Cismaan Aadan oo u shaqeyn jiray idaacadda Shabelle xilli uu ku sugnaa suuqa weyn ee degmada Wadajir.

2013-01-18 1:58 AM EST
Jimco, January 18, 2013 (HOL) - Ra’isul wasaaraha xukuumadda federaalka Soomaaliya Mudane Cabdi Faarax Shirdoon (Saacid) ayaa xalay kulan casho sharaf ah oo looga hadlayay sidii loo adkeyn lahaa ammaanka dalka isugu yeeray saraakiisha ciidamada kala duwan ee dowladda Soomaaliya.