2014-09-23
Today from Hiiraan Online:  _
Wararka Maanta- Jimco, Jan 18, 2013
Dableey hubeysan oo Wariye ka tirsan Idaacadda Shabelle ku toogtay Maanta Degmada Wadajir ee Gobolka Banaadir


Jimco, January 18, 2013 (HOL) - Kooxo hubeysan oo aan la heybtooda la aqoon ayaa saaka weeraray wariye Cabdi Xareed Cismaan Aadan oo u shaqeyn jiray idaacadda Shabelle xilli uu ku sugnaa suuqa weyn ee degmada Wadajir.

Kooxahani oo la sheegay in ay baastoolado ku heybnaayeen ayaa wariyaha ku dhuftay dhowr xabadood, kuwaasoo ay kasoo gaareen dhaawacyo halis ah, waxaana wariye Cabdi xareed loola cararay isbitalka Madina halkaasoo uu ku geeriyooday.

Idaacadda Shabelle ee uu  ushaqeyn jiray marxuumka la dilay ayaa hawada ka maqan, waxaana wariyahani uu qeyb ka noqonayaa wariyeyaal dhowr ah oo u shaqeyn jiray idaacadda shabelle oo sanadii aynu soo dhaafnay lagu dilay gudaha dalka Soomaaliya.

Kooxaha dilka geeystay ayaa la sheegay in ay goobta isaga baxsadaan, ilaa imikana ma cadda cidda geysatay dilka iyo weliba sababta ka  danbeeysay.

Dilka Allaha u naxariistii wariye Cabdi xareed ayaa noqonaya kii ugu horeeyay oo sanadkan wariye loogu geeysto dalka Soomaaliya, iyadoona ay xusid mudantahay in isla bishan magaalada Muqdisho lagu xiray wariye C/casiis koronto, kaasoo ay xireen ciidamada nabadsugidda dowladda Soomaaliya kadib markii lagu eedeeyay in uu baahiyay war been abuur ah.

Xasan Nuur, Hiiraan Online
hnur@hiiraan.com
Muqdisho, Soomaaliya





Post your comments

2013-01-18 12:10 PM EST
Jimco, January 18, 2013 (HOL) - Ergeyga gaarka ah ee xoghayaha guud ee Qaramada Midoobay u qaabilsan arrimaha Soomaaliya Dr. Augustine P. Mahiga ayaa si kulul u cambaareeyay dilka wariye Cabdi Hareed Cismaan Aadan kaasoo ay kooxo hubeysan ku dileen magaalada Muqdisho ee caasimadda dalka Soomaaliya.

2013-01-18 12:04 PM EST
Jimco, Jannaayo 18, 2013 (HOL) — Madaxweynaha Soomaaliya iyo wafdi uu hoggaaminayo oo dhawaanahan booqasho ku joogay dalka Mareykanka ayaa gaaray maanta oo Jimco ah magaalada Minneapolis ee gobolka Minnesota maalin kaddib markii dowladda Mareykanka ay si rasmi ah u aqoonsatay dowladda Soomaaliya kaddib labaatan sano oo colaado ah.

2013-01-18 11:40 AM EST
Jimco, January 18, 2013 (HOL) -Xukuumadda Soomaaliya ayaa sheegtay ina y wado qorshe ay ku dooneyso sidii barakacayaasha ku dhaqan Muqdisho looga rari lahaa xerooyinka ay imika ku jiraan islamarkaasina loo dajin lahaa goobo ka baxsan magaalada.

2013-01-18 9:07 AM EST
Jimco, Jannaayo 18, 2013 (HOL)- Ardayda jaamacadda Hargeysa gaar ahaana kuuliyadda cilmiga deegaanka, ayaa xalay soo agaasimay xaflad lagaga hadlayey qaabka ugu haboon ee loo dhimi karo qashinka iyo sida looga faa’iidaysan karo,kuwaas oo ku qabsaday hoolka jaamacadaasi.

2013-01-18 9:00 AM EST
Jimco, January 18, 2013(HOL): Madaxweynaha Soomaaliya Xasan Shiikh Maxamuud oo maalmahan ku mashquulsanaa kulamo uu la leeyahay madaxda sare ee dalka Mareykanka iyo deeq-bixiyayaal caalami ah ayaa waxaa uu xalay la hadlay Jaaliyadda Soomaaliyeed ee ku dhaqan magaalada Washington, iyadoo ay xusid mudan tahay in ay munaasabadda ka qeybgaleen dad Soomaali ah oo ka kala tegay gobollada dalka Mareykanka iyo dalka Canada.

2013-01-18 2:36 AM EST
Jimco, January 18, 2013 (HOL) -Taliyaha ciidamada nabadsugidda Soomaaliya ayaa ka warbixiyay howlgallo maalmihii ugu danbeeyay ciidamada booliska iyo kuwa nabadsugidda ay ka wadeen degmooyinka kala duwan ee gobolka Banaadir.

2013-01-18 1:58 AM EST
Jimco, January 18, 2013 (HOL) - Ra’isul wasaaraha xukuumadda federaalka Soomaaliya Mudane Cabdi Faarax Shirdoon (Saacid) ayaa xalay kulan casho sharaf ah oo looga hadlayay sidii loo adkeyn lahaa ammaanka dalka isugu yeeray saraakiisha ciidamada kala duwan ee dowladda Soomaaliya.