2014-04-23
Today from Hiiraan Online:  _
Wararka Maanta- Jimco, Jan 18, 2013
Ra’isul wasaaraha Soomaaliya oo kulan Casho sharaf ah la qaatay Saraakiisha ciidamada kala duwan ee Dowladda

Jimco, January 18, 2013 (HOL) - Ra’isul wasaaraha xukuumadda federaalka Soomaaliya Mudane Cabdi Faarax Shirdoon (Saacid) ayaa xalay kulan casho sharaf ah oo looga hadlayay sidii loo adkeyn lahaa ammaanka dalka isugu yeeray saraakiisha ciidamada kala duwan ee dowladda Soomaaliya.

Kulankan ayaa waxa kasoo qeygalay gudoomiyaha baarlamankaa ahna kusimaha madaxweeynaha mudane Max’ed Sheekh Cismaan Jawaari, wasiirka arimaha gudaha, gudoomiyaha maxkamadda sare, taliyeyaasha ciidamada booliska, nabadsugidda iyo Militariga, sidoo kale waxa kasoo qeybgalay saraakiil kala duwan oo katirsan ciidamada qalabka sida ee dowladda Soomaaliya.

Kulankani ayaa ahaa mid looga dooday xaaladda ammaan ee dalka iyo weliba sidii laamaha ammaanka ay u laba jibaari lahaayeen dadaallada ay ugu jiraan xaqiijinta ammaanka magaalada caasimadda ah ee Muqdisho iyo weliba gobollada kale ee dalka Soomaaliya.

Ra’isul wasaaraha xukuumadda federaalka Soomaaliya oo kulanka kadib warbaahinta la hadlay ayaa sheegay in kulankani uu mid lagu dardargelinayo howlgallada ammaanka lagu xaqiijinayo ee k a soconaya magaalada Muqdisho iyo gobollada dalka Soomaaliya.

“Caawa oo jimce ah waxaan kulan kooban ku yeelannay halkan, si aan u kulano ugana sheekeysanno umuuraha ammaanka oo runtii markasta mudnaan hore u leh xukuumaddayada, waxaan halkan kulannay  gudoomiyihii baarlamaanka, gudoomiyihii maxkamadda sare iyo dhamaan dadkii activeka ka ahaa umuuraha ammaanka,” ayuu yiri ra’isul wasaaraha.

Sidoo kale masuulkani ayaa sheegay in inta badan dadka ay isugu danbeeyaan xilliyada habeenkii oo waqtiga intiisa badan ay qaataan in ay yihiin ciidamada ku howlan sugidda amniga magaalada Muqdisho, isagoona sheegay in kulamadani looga gun leeyahay in lagu dhiirigeliyo laamaha ammaanka si ay u sii laba jibaaraan dadaalkooda dhanka sugidda amniga.

Maalmihii ugu danbeeyay ciidamada nabadsugidda, kuwa Booliska iyo militariga oo iskaashanaya ayaa degmooyinka kala duwan ee gobolka banaadir waxa ay ka wadeen howlgallado ballaran oo lagu xaqiijinayo ammaanka, iyadoona howlgalladaasi ay ciidamadu kusoo qabqabteen kumannaa qof oo qaar badan oo kamid ah looga shakisanyahay in ay xiriir la leeyihiin dhaqdhaqaaqa Al-shabaab.

 

Xasan Nuur, Hiiraan Online
hnur@hiiraan.com
Muqdisho, Soomaaliya

 





Post your comments

2013-01-18 12:10 PM EST
Jimco, January 18, 2013 (HOL) - Ergeyga gaarka ah ee xoghayaha guud ee Qaramada Midoobay u qaabilsan arrimaha Soomaaliya Dr. Augustine P. Mahiga ayaa si kulul u cambaareeyay dilka wariye Cabdi Hareed Cismaan Aadan kaasoo ay kooxo hubeysan ku dileen magaalada Muqdisho ee caasimadda dalka Soomaaliya.

2013-01-18 12:04 PM EST
Jimco, Jannaayo 18, 2013 (HOL) — Madaxweynaha Soomaaliya iyo wafdi uu hoggaaminayo oo dhawaanahan booqasho ku joogay dalka Mareykanka ayaa gaaray maanta oo Jimco ah magaalada Minneapolis ee gobolka Minnesota maalin kaddib markii dowladda Mareykanka ay si rasmi ah u aqoonsatay dowladda Soomaaliya kaddib labaatan sano oo colaado ah.

2013-01-18 11:40 AM EST
Jimco, January 18, 2013 (HOL) -Xukuumadda Soomaaliya ayaa sheegtay ina y wado qorshe ay ku dooneyso sidii barakacayaasha ku dhaqan Muqdisho looga rari lahaa xerooyinka ay imika ku jiraan islamarkaasina loo dajin lahaa goobo ka baxsan magaalada.

2013-01-18 9:07 AM EST
Jimco, Jannaayo 18, 2013 (HOL)- Ardayda jaamacadda Hargeysa gaar ahaana kuuliyadda cilmiga deegaanka, ayaa xalay soo agaasimay xaflad lagaga hadlayey qaabka ugu haboon ee loo dhimi karo qashinka iyo sida looga faa’iidaysan karo,kuwaas oo ku qabsaday hoolka jaamacadaasi.

2013-01-18 9:00 AM EST
Jimco, January 18, 2013(HOL): Madaxweynaha Soomaaliya Xasan Shiikh Maxamuud oo maalmahan ku mashquulsanaa kulamo uu la leeyahay madaxda sare ee dalka Mareykanka iyo deeq-bixiyayaal caalami ah ayaa waxaa uu xalay la hadlay Jaaliyadda Soomaaliyeed ee ku dhaqan magaalada Washington, iyadoo ay xusid mudan tahay in ay munaasabadda ka qeybgaleen dad Soomaali ah oo ka kala tegay gobollada dalka Mareykanka iyo dalka Canada.

2013-01-18 2:36 AM EST
Jimco, January 18, 2013 (HOL) -Taliyaha ciidamada nabadsugidda Soomaaliya ayaa ka warbixiyay howlgallo maalmihii ugu danbeeyay ciidamada booliska iyo kuwa nabadsugidda ay ka wadeen degmooyinka kala duwan ee gobolka Banaadir.

2013-01-18 2:09 AM EST
Jimco, January 18, 2013 (HOL) - Kooxo hubeysan oo aan la heybtooda la aqoon ayaa saaka weeraray wariye Cabdi Xareed Cismaan Aadan oo u shaqeyn jiray idaacadda Shabelle xilli uu ku sugnaa suuqa weyn ee degmada Wadajir.