2014-10-20
Today from Hiiraan Online:  _
Wararka Maanta- Talaado, Jan 15, 2013
Faahfaahin ku saabsan Howgallo lagu qabqabtay in ka badan 15,000 oo qof oo Ciidamada Dowladdu ay ka sameeyeen Degmada Wadajir


Talaado, Jannaayo 15, 2013 (HOL) — Ciidamada dowladda Soomaaliya ayaa howgallo lagu qabqbatay dad gaaraya 1,714 qof ka sameeyay maanta xaafado ka tirsan demada wadajir ee gobolka Banaadir, iyadoo saraakiishii hoggaaminayay ay sheegeen in inta badan dadkaas ay dib xorriyadooda u siiyeen.

Taliyaha hay’adda nabadsugidda gobolka Banaadir, Khaliif Axmed Ereg ayaa sheegay in howgalkan uu qayb ka yahay howgallo lagu xoojinayo ammaanka magaalada Muqdisho, ayna socon doonaan inta magaalada oo dhan ay ka noqonayso nabad.

“Howlgalka maanta waxaa laga fuliyay xaafadaha Buulo-xuubeey, Nasteexo, Xaawo-Taako iyo suuqa weyn ee Muqdisho, waxaana lagu soo qabqabtay 1,714 qof, waxaana la fasaxay 1600 oo dadkaas mid ka mid ah kaddib markii lagu waayay dabiyo, waxaase la hayaa 114 qof oo lagu tuhmayo inay Al-shabaab xiriir la leeyihiin,” ayuu yiri Ereg.

Sidoo kale, taliyuhu wuxuu sheegay in howlgalladan oo kale ka sameyn doonaan maalmaha soo socda degmooyinka gobolka Banaadir, gaar ahaan degmooyinka la tuhunsan yahay inay ku sugan yihiin kooxahaas.

Baaritaankan ayaa billowday xalay gellinkii dambe, iyadoo baaritaannada noocan oo kale ah ay ku cusub yihiin magaalada Muqdisho, wuxuuna kusoo beegmayaa baaritaankan iyadoo shalay ay baaritaanno noocan oo kale ah ka sameeyeen ciidamada dowladda degmooyinka Huriwaa iyo Yaaqshiid.

Goobjoogayaal ku sugan xaafadahaas ayaa waxay sheegen in ciidamadu ay baaritaanno ku sameynayeemn guryaha, ayna dadka intooda badan kasoo saareen guryihii ay ku sugnaayeen xilli ay qaarkood hurdayeen.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-01-15 4:52 PM EST
Talaado, Janaayo 15, 2012 (HOL)- Taliska ciidamada Daraawiishta Puntland ee ku sugan aagga deegaanka Gal-Gala ayaa sheegay in ay maanta qabsadeen goob fariisin u ahayd xoogagga Al-shabaab ee uu fadhigoodu yahay buuraleyda Golis.

2013-01-15 12:50 PM EST
Talaado, Jannaayo 15, 2013 (HOL) — Ururada bulshada gobolka Shabeellada Hoose oo in muddo ah aan gobolkaas ka shaqeynayn ayaa maalmahan waxay dar-dar-galiyeen howlihii ay bulshada u hayeen waxayna soo xero-geliyeen dhallinyaro ama dagaalyahanno ka tirsanaa Al-Shabaab, kuwaasoo gaaraya 15 qof, iyadoo wajiyadooda ay ka muuqdeen duruuf aad u xoogan.

2013-01-15 12:22 PM EST
Talaado, Jannaayo 15, 2013 (HOL) — Waddada halbowlaha u ah magaalada Boorama ee gobolka Awdal oo isku xiri doonta jaamacadda Camuud iyo garoonka diyaaradaha Boorama ayaa maanta si rasmi ah loo billaabay iyadoo mashruucan uu ka mid yahay mashaarciidii uu ka tagay maayarkii hore ee degmada Boorame.

2013-01-15 12:21 PM EST
Talaado, Jannaayo 15, 2013 (HOL) —Wasiirka arrimaha gudaha Somaliland, Maxamed Nuur Caraale (Duur) ayaa maanta guda-galay xallinta khilaafyo daba-dheeraaday ka dhashay doorashadii golaha deegaanka ee degmada Saylac.

2013-01-15 9:20 AM EST
Talaado, Jannaayo 15, 2013 (HOL) — Machadka islaamiga ah ee Khadiiga Bintu-Khuwaylid ee ku yaalla magaalada Laas-caanood ee gobolka Sool ayaa shalay u soo gabagabeeyay ardayda dhigata imtixaanaadkii la qaadi jiaray bartamaha sannadka iyadoo ay u fadhiisteen arday tiradoodu dhan tahay 1,335 arday.

2013-01-15 8:42 AM EST
Talaado, Jannaayo 15, 2013 (HOL) —Ololaha tallaalka cudurka dabeysha ayaa maanta ka bilowday xaafadaha kala duwan ee magaalada Kismaayo, iyadoona tallaalkani la siinayo caruurta ay da’dooda ka yartahay shan sano.

2013-01-15 8:18 AM EST
Talaado, Jannaayo 15, 2013 (HOL) — Machadka Heritage ayaa maanta xarun cusub oo cilmi-baariseed iyo feker-curin ah ka furatay magaalada Muqdisho, iyadoo munaasabadda furitaanka ay kasoo qaybgaleen xubno ka tirsan baarlamaanka Soomaaliya, wasiirro, siyaasiyiin, aqoonyahanno iyo dadweyne kale oo lagu casuumay.

2013-01-15 7:48 AM EST
Talaado, Jannaayo 15, 2013 (HOL) — Afhayeenka Xarakada Al-shabaab ayaa sheegay inay iska difaaceen weerar ay kusoo qaadeen ciidamada Faransiiska isagoo sheegay inay ka adkaadeen, isagoo sheegay inay horay u sheegeen in gaaladu ay isku soo bahaysteen inay la dagaalamaan xaqa.

2013-01-15 7:45 AM EST
Talaado, Jannaayo 15, 2013 (HOL) — Kulan ballaaran oo looga hadlayay qorshe-howleedka haya’dda wadahadalka bulshada ee CCD ee sannadkan 2013 iyo waxqabadka sanadkii hore ayaa maanta lagu qabtay Muqdisho, gaar ahaan xarunta hay’adda.

2013-01-15 7:44 AM EST
Talaado, Jannaayo 15, 2013 (HOL) — Shirkadda isgaarsiinta Nationlink ayaa waxay ka raalli-gelinaysaa macaamiisheeda sharafta, gaar ahaan cilladii farsamo ee ku timid GSM-ka shirkadda qaybta Koonfurta iyo Bartamaha Soomaaliya.

2013-01-15 7:16 AM EST
Talaado, Jannaayo, 15, 2013 (HOL) -- Iyadoo ay isa soo tarayaan baaqyada caalamiga ah ee loo jeedinayo dowladda Soomaaliya ee looga dalbanayo in sida ugu dhaqsiyaha badan ay u sii deeyso wariye C/casiis Cabdinuur Ibraahim Koronto iyo dad rayid ah oo la xiran, ayeey ururka isku-xirka suxufiyiinta Hiiraan oo loo soo gaabiyo HIJONET waxa ay cambaareyn dusha uga tuurayaan xariga wariyaha, iyaga oo dhinacooda dalbanaya in dib xuriyadiisa loo siiyo.

2013-01-15 4:03 AM EST
Talaado, Jannaayo 15, 2013 (HOL) —Maxkamadda ciidamada qalabka sida ee dowladda federaalka Soomaaliya ayaa xukunno ku riday dad ku eedeysnaa danbiyo kala duwan oo isugu jira dhac iyo kufsi.

2013-01-15 3:02 AM EST
Talaado, Jannaayo 15, 2013 (HOL) —Ciidamada dowladda Soomaaliya ayaa maanta howlgallo ballaaran ka bilaabay degmada Wadajir ee gobolka Banaadir, iyadoona howlgalladaasi ay ciiidamadu ku qabqabteen dad u badan dhalinyaro, kuwaasoo looga shakisanyahay in ay xiriir la leeyihiin Al-shabaab.

2013-01-15 2:28 AM EST
Talaado, Jannaayo 15, 2013 (HOL) —Iska-horimaad ayaa xalay duleedka magaalada Kismaayo ku dhexmaray ciidamada dowladda Soomaaliya, kuwa Raaskaambooni iyo Militariga Kenya oo iskaashanaya iyo xoogag katirsan dhaqdhaqaaqa Al-shabaab.