3/28/2024
Today from Hiiraan Online:  _
Wararka Maanta- Talaado, Jan 15, 2013
Howlgallo lagu baadi-goobayo xubnaha ka tirsan Al-shababa oo Ciidamadu ay ka sameynayaan Magaalada Muqdisho

Talaado, Jannaayo 15, 2013 (HOL) —Ciidamada dowladda Soomaaliya ayaa maanta howlgallo ballaaran ka bilaabay degmada Wadajir ee gobolka Banaadir, iyadoona howlgalladaasi ay ciiidamadu ku qab-qabteen dad u badan dhalinyaro, kuwaasoo looga shakisanyahay in ay xiriir la leeyihiin Al-shabaab.

Ciidamo isugu jira Boolis iyo nabad sugid ayaa saaka aroortii ku faafay xaafadaha Buulo-xuubeey iyo Nasteexo oo katirsan degmada Wadajir, waxaana ciidamadu ay qab-qabteen dad aad u badan oo la tuhunsanyahay in ay la shaqeeyaan xarakada  Al-shabaab.

"Saaka waabarigii ayaan aragnay ciidamo tiro badan oo soo buuxdhaafiyay xaafadda, waxayna qab-qabanayeen dadka ku dhaqan xaafadda gaar ahaan dhalinyarada, dad badan oo xir xiran ayay kaxeysteen welina howlgallada way socdaan," sidaa waxa yiri goobjooge ku sugan xaafadda Buuloxuubeey oo isagoo qarinaya magaciisa warbaahinta la hadlay.

Taliyaha qeybta ciidamada booliska ee gobolka Banaadir Jen Axmed Xasan Maalin oo warbaahinta la hadlay ayaa sheegay in howlgalladani ay yihiin kuwo ay ku baacsanayaaan kooxo uu sheegay in ay xiriir la leeyihiin Al-shabaab islamarkaasina ay ku dhuumaaleeysanayaan degmooyinka gobolka Banaadir.

“Howlgalkan aan wadno waa mid aan saacado keliya ahayn ee waa mid maalmo badan socon doona, inta shabaab aan ka sifeeyneyno in ay ku dhuumaaleystaan degmooyinka gobolka Banaadir,” ayuu taliyuhu hadalkiisii ku daray.

Masuulkani ayaa sheegay in dadka ay qabteen ay isugu jiraan sedex kooxood oo kala ah: kooxo la tuhunsanyahay in ay xiriir la leeyihiin Al-shabaab, kuwo uu sheegay in ay hubanti ku hayaan, iyo qaar kale oo aan danbi lahayn oo uu sheegay in ay hore ka deynayaan.

Sidoo kale wuxuu ugu baaqay shacabka ku dhaqan degmooyinka gobolka Banaadir in ay la shaqeeyaan ciidamada howlgallada wada islamarkaasina ay kusoo wargeliyaan ragga falalka amni darro ka geeysta degmooyinka gobolka Banaadir, isagoona sheegay in degmo walba oo katirsan gobolka Banaadir ay leedahay ciidamo u gaar ah oo ka shaqeeya sugidda amniga.

Howlgalladan ayaa kusoo beegmaya xilli ciidamada nabad sugidda iyo kuwa booliska baaritaanno kuwan la mid ah oo ay shalay ka sameeyeen degmada Huriwaa ee gobolka Banaadir ay kusoo qab-qabteen dad kor u dhaafaya ilaa 400 oo u badnaa dhalinyaro, waxaana la sii daayay 300 oo kamid ah oo la sheegay in danbi lagu waayay halka ay baaritanno ku socdaan in ka badan 100 qof oo la tuhunsanyahay in ay xiriir la leeyihiin dhaqdhaqaaqa Al-shabaab.

Xasan Nuur, Hiiraan Online
[email protected]
Muqdisho, Soomaaliya













Click here
1/15/2013 4:52 PM EST
Talaado, Janaayo 15, 2012 (HOL)- Taliska ciidamada Daraawiishta Puntland ee ku sugan aagga deegaanka Gal-Gala ayaa sheegay in ay maanta qabsadeen goob fariisin u ahayd xoogagga Al-shabaab ee uu fadhigoodu yahay buuraleyda Golis.

1/15/2013 12:50 PM EST
Talaado, Jannaayo 15, 2013 (HOL) — Ururada bulshada gobolka Shabeellada Hoose oo in muddo ah aan gobolkaas ka shaqeynayn ayaa maalmahan waxay dar-dar-galiyeen howlihii ay bulshada u hayeen waxayna soo xero-geliyeen dhallinyaro ama dagaalyahanno ka tirsanaa Al-Shabaab, kuwaasoo gaaraya 15 qof, iyadoo wajiyadooda ay ka muuqdeen duruuf aad u xoogan.

1/15/2013 12:22 PM EST
Talaado, Jannaayo 15, 2013 (HOL) — Waddada halbowlaha u ah magaalada Boorama ee gobolka Awdal oo isku xiri doonta jaamacadda Camuud iyo garoonka diyaaradaha Boorama ayaa maanta si rasmi ah loo billaabay iyadoo mashruucan uu ka mid yahay mashaarciidii uu ka tagay maayarkii hore ee degmada Boorame.

1/15/2013 12:21 PM EST
Talaado, Jannaayo 15, 2013 (HOL) —Wasiirka arrimaha gudaha Somaliland, Maxamed Nuur Caraale (Duur) ayaa maanta guda-galay xallinta khilaafyo daba-dheeraaday ka dhashay doorashadii golaha deegaanka ee degmada Saylac.

1/15/2013 9:22 AM EST
Talaado, Jannaayo 15, 2013 (HOL) — Ciidamada dowladda Soomaaliya ayaa howgallo lagu qabqbatay dad gaaraya 1,714 qof ka sameeyay maanta xaafado ka tirsan demada wadajir ee gobolka Banaadir, iyadoo saraakiishii hoggaaminayay ay sheegeen in inta badan dadkaas ay dib xorriyadooda u siiyeen.

1/15/2013 9:20 AM EST
Talaado, Jannaayo 15, 2013 (HOL) — Machadka islaamiga ah ee Khadiiga Bintu-Khuwaylid ee ku yaalla magaalada Laas-caanood ee gobolka Sool ayaa shalay u soo gabagabeeyay ardayda dhigata imtixaanaadkii la qaadi jiaray bartamaha sannadka iyadoo ay u fadhiisteen arday tiradoodu dhan tahay 1,335 arday.

1/15/2013 8:42 AM EST
Talaado, Jannaayo 15, 2013 (HOL) —Ololaha tallaalka cudurka dabeysha ayaa maanta ka bilowday xaafadaha kala duwan ee magaalada Kismaayo, iyadoona tallaalkani la siinayo caruurta ay da’dooda ka yartahay shan sano.

1/15/2013 8:18 AM EST
Talaado, Jannaayo 15, 2013 (HOL) — Machadka Heritage ayaa maanta xarun cusub oo cilmi-baariseed iyo feker-curin ah ka furatay magaalada Muqdisho, iyadoo munaasabadda furitaanka ay kasoo qaybgaleen xubno ka tirsan baarlamaanka Soomaaliya, wasiirro, siyaasiyiin, aqoonyahanno iyo dadweyne kale oo lagu casuumay.

1/15/2013 7:48 AM EST
Talaado, Jannaayo 15, 2013 (HOL) — Afhayeenka Xarakada Al-shabaab ayaa sheegay inay iska difaaceen weerar ay kusoo qaadeen ciidamada Faransiiska isagoo sheegay inay ka adkaadeen, isagoo sheegay inay horay u sheegeen in gaaladu ay isku soo bahaysteen inay la dagaalamaan xaqa.

1/15/2013 7:45 AM EST
Talaado, Jannaayo 15, 2013 (HOL) — Kulan ballaaran oo looga hadlayay qorshe-howleedka haya’dda wadahadalka bulshada ee CCD ee sannadkan 2013 iyo waxqabadka sanadkii hore ayaa maanta lagu qabtay Muqdisho, gaar ahaan xarunta hay’adda.

1/15/2013 7:44 AM EST
Talaado, Jannaayo 15, 2013 (HOL) — Shirkadda isgaarsiinta Nationlink ayaa waxay ka raalli-gelinaysaa macaamiisheeda sharafta, gaar ahaan cilladii farsamo ee ku timid GSM-ka shirkadda qaybta Koonfurta iyo Bartamaha Soomaaliya.

1/15/2013 7:16 AM EST
Talaado, Jannaayo, 15, 2013 (HOL) -- Iyadoo ay isa soo tarayaan baaqyada caalamiga ah ee loo jeedinayo dowladda Soomaaliya ee looga dalbanayo in sida ugu dhaqsiyaha badan ay u sii deeyso wariye C/casiis Cabdinuur Ibraahim Koronto iyo dad rayid ah oo la xiran, ayeey ururka isku-xirka suxufiyiinta Hiiraan oo loo soo gaabiyo HIJONET waxa ay cambaareyn dusha uga tuurayaan xariga wariyaha, iyaga oo dhinacooda dalbanaya in dib xuriyadiisa loo siiyo.

1/15/2013 4:03 AM EST
Talaado, Jannaayo 15, 2013 (HOL) —Maxkamadda ciidamada qalabka sida ee dowladda federaalka Soomaaliya ayaa xukunno ku riday dad ku eedeysnaa danbiyo kala duwan oo isugu jira dhac iyo kufsi.

1/15/2013 2:28 AM EST
Talaado, Jannaayo 15, 2013 (HOL) —Iska-horimaad ayaa xalay duleedka magaalada Kismaayo ku dhexmaray ciidamada dowladda Soomaaliya, kuwa Raaskaambooni iyo Militariga Kenya oo iskaashanaya iyo xoogag katirsan dhaqdhaqaaqa Al-shabaab.