3/29/2024
Today from Hiiraan Online:  _
Wararka Maanta- Isniin, Jan 14, 2013
Tababar uga furmay Magaalada Bujumbura ee Waddanka Burundi Shaqaalaha rayidka ah ee Dowladda Soomaaliya


Isniin, Jannaayo 14, 2013 (HOL) —Magaalada Bujumbura ee xarunta dalka Burundi ayaa waxaa maanta ka furmay tababar dhowr casho soconaya oo la siinayo 120 ka mid ah shaqaalaha rayidka ah ee dowaldda Soomaaliya, kaas oo uu soo qabanqaabiyay ururka Midowga Afrika, iyadoo shaqaalahaas ay baran doonaan maamulka dowladnimo iyo hab-maamuuska shaqada.

Xafladda furitaanka ayaa waxaa ka qaybgalay wafuud ka kala socday qaar ka mid ah safiiradda safaaradaha dalalka deeqha bixiya ee ku sugan dalka Burundi iyo safiirka Soomaaliya ee Burundi, Abshir Xasan Abshir.

Ugu horreyn waxaa xafladda furitaanka ka hadlay wakiilka Midowga Afrika ee Soomaaliya Maxamed Saalax Anaadiif oo sheegay in maanta ay tahay maalin weyn maadaama tababar aqoontooda sare loogu qaadayo loo furay 120 shaqaalaha rayidka ah ee dowladd Soomaaliya.

Mas’uul ka tirsan madaxtooyada Soomaaliya oo lagu magacaabo Cali Ma’xed Xuseen oo ka mid ah 120-ka shaqaale ee maanta loo furay tababarka ayaa uga maahdceliyay dowladda Burundi tababarka dalkeeda looga furay, sidoo kale wuxuu mahad taas la mid ah u jeediyay ururka Midowga Afrika iyo intii soo qabanqaabisay tababarkan oo ah kii ugu horreeyay noociisa oo shaqaale ka mid ah kuwa rayidka ah ee dowladda loogu qabto dalka dibaddiisa.

“Shaqaalaha tababarka loo furayo waxaan kula dardaarmayaa inay si dhab ah uga faa’iideystaan aqoonta halkan ay ku qaadanayaan si ay walaalahooda kale ee aan nasiibka ku yeellay ugu faa’iideeyaan, sidoo kalena ay aqoonta ay barteen ugu adeegaan shacabka Soomaaliyeed,” ayuu yiri Cali Ata moo ah mas’uulkii ka socday madaxtooyada Soomaaliya.


Wasiirka dhallinyaradda, isboortiga & dhaqanka dalka Burundi, Jean Jacques Nyenimigabo  oo furay tababarka ayaa sheegay isagoo ku hadlayay afka madxxweynaha dalka Burundi iyo dhammaan golaha wasiirrada inay aad ugu faraxsan yihiin in dalkooda tababar loogu furo shaqaale ka tirsan dowladda  Soomaaliya oo tiradoodu ka badan tahay boqol.

“Maanta waxaan idinku soo dhaweynayaa halkan anigoo ku hadlaya magaca shacabka Burundi, waxayna imaanshihiinna halkan ay inoo tahay farxad aad u weyn, waxaan u mahad-celinaynaa intii tababarkan quruxda badan kasoo shaqeysay, gaar ahaa waxaan u maahdcelinayaa jaamacadda Koonfur Afrika oo duruusta ka bixin doonta tababarkan,” ayuu yiri Nyenimigabo.

Shaqaalaha tababarka loo furay ayaa waxay ka kala socdeen wasaaradaha kala duwan ee dowladda iyo madaxtooyada, iyadoo markii uu tababarku u soo dhamaado dib ugu soo laaban doona dalka.










Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
1/14/2013 12:31 PM EST
Isniin, Jannaayo 14, 2013 (HOL) — Wasiirka arrimaha gudaha ee Somaliland, Maxamed Nuur Carraale (Duur) iyo wafdi uu hoggaaminayo ayaa maanta gaaray magaalada Saylac oo ay dhawaan ka dhaceen rabshado sababay khasaare nafeed oo dhimasho iyo dhaawac isugu jirta.

1/14/2013 12:09 PM EST
Isniin, Jannaayo 14, 2013 (HOL) —Al-shabaab ayaa soo bandhigtay maanta oo Isniin ah askari Faransiis ah oo ay ku dileen weerarkii fashilmay ee ka dhacay habeenkii Sabtidu soo galaysay deegaanka Buulo-Mareer ee gobolka Shabeellada Hoose.

1/14/2013 8:24 AM EST
Isniin, Jannaayo 14, 2013 (HOL) — Ciidamada ammaanka ee dowladda Soomaaliya ayaa in ka badan 400-qof ku qabqabtay howlgallo saf-ballaaran ay maanta ka sameeyeen degmooyinka Huriwaa iyo Yaaqshiid ee gobolka Banaadir, iyadoo qaar ka mid ah dadkaas lasii daayay.

1/14/2013 7:50 AM EST
Isniin, Jannaayo 14, 2013 (HOL) — Golaha Wakiiladda Somaliland, ayaa maanta Wasiirka Qorsheynta Qaranka, Sacad Cali Shire ka dhagaystay xeerka tirokoobka dadweynaha reer Somaliland oo xukuumaddu doonayso inay dalka ka hirgaliso Diiwaangelin madani.

1/14/2013 7:44 AM EST
Isniin, Jannaayo 14, 2013 (HOL) — Xarakada Al-shabaab ayaa sheegtay inuu dhintay askari Faransiis ah oo ay dhaawac ahaan u qabteen intii uu socday howgalkii fashilmay ee Faransiisku ay ku qaadeen deegaanka Buulo-Mareer ee gobolka Shabeellada Hoose, iyagoo sheegay inuu weli nool yahay Denis Allex oo ahaa sarkaalkii la doonayay in xoog lagu furto.

1/14/2013 7:28 AM EST
Isniin, Jannaayo 14, 2013 (HOL) — Golaha Guurtidda, ayaa dood adag ka yeeshay siyaasadda Arrimaha gudaha iyo arrimaha dibadda oo ay si weyn u dhaliileen, isla markaana soo jeediyey in wax laga qabto khilaafaad jira ee doorashooyinkii abuureen.

1/14/2013 7:27 AM EST
Isniin, Jannaayo 14, 2013 (HOL) — Ciidamada booliiska Puntland ee gobolka Mudug ayaa maanta kala eryay dad-weyne isugu soo baxay bartamaha magaalada Gaalkacayo, islamarkaana qorsheynayey in ay dhigaan muddaaharaad looga soo horjeedo xukuumadda madaxweyne Cabdiraxmaan Faroole.

1/14/2013 7:25 AM EST
Isniin, Jannaayo 14, 2013 (HOL) — Wasaaradda Caafimaadka Somaliland, ayaa shaacisay in gobolka Maroodi jeex uu ka dilaacay cudurka jadeecadda, waxaanay bulshadda Somaliland gaar ahaan kuwa ku dhaqan gobolkan inay goobaha caafimaadka yimaadaan si loo xakameeyo cudurkan oo aanu dalka ugu fidin.

1/14/2013 3:48 AM EST
Isniin, Jannaayo 14, 2013 (HOL) — Ciidamada maamulka Galmudug ee koonfurta magaalada Gaalkacyo ayaa dhaawacay ilaa sedex maxbuus oo dooneysay in ay ka baxsato xabsi ku yaal degmadaasi.

1/14/2013 1:22 AM EST
Isniin, Jannaayo 14, 2013 (HOL) — Wasiirka gaashaandhigga Soomaaliya, C/xakiin Maxamuud Xaaji Fiqi ayaa sheegay in howgalkii Faransiisku uu ka fuliyay deegaanka Buulo-mareer ee gobolka Shabeellada Hoose aan lagu soo wargelin dowladda Soomaaliya, wuxuuna ku tilmaamay howgalkaas mid ay dowladda Soomaaliya si aad ah u cambaareynayso.

1/14/2013 1:21 AM EST
Isniin, Jannaayo 14, 2013 (HOL) — Guddoomiyaha gobolka Banaadir, ahna duqa Muqdihso Maxamuud Axmed Nuur (Tarsan) ayaa uga digay dhallinta Soomaaliyeed ee ka yimid qurbaha inay waxyaabo anshaxa diinta iyo tan dalka ka baxsan ku sameeyaan xeebta Liido.

1/14/2013 1:18 AM EST
Isniin, Jannaayo 14, 2013 (HOL) — Madaxweynaha Mareykanka Barack Obama ayaa sheegay in taageero kooban ay ku siiyeen ciidamadii Faransiiska ahaa ee howgalka ka sameeyay deegaanka Buulo-mareer oo lagu haystay sarkaal Faransiis ah oo la doonayay in la furto inkastoo uu howlgalkaas fashilmay.