12/18/2014
Today from Hiiraan Online:  _
Wararka Maanta- Isniin, Jan 14, 2013
Wasiirka Gaashaandhigga Dowadda Somalia oo sheegtay inaysan wax war ah u hayn Howlgalkii Faransiiska ee Buulo-mareer


Isniin, Jannaayo 14, 2013 (HOL) — Wasiirka gaashaandhigga Soomaaliya, C/xakiin Maxamuud Xaaji Fiqi ayaa sheegay in howgalkii Faransiisku uu ka fuliyay deegaanka Buulo-mareer ee gobolka Shabeellada Hoose aan lagu soo wargelin dowladda Soomaaliya, wuxuuna ku tilmaamay howgalkaas mid ay dowladda Soomaaliya si aad ah u cambaareynayso.

Mudane Fiqi oo safarro ku maraya dalalka Uganda iyo Kenya ayaa sheegay in dowladda Soomaaliya aysan ogolaan doonin in howlgal noocaas oo kale ah laga fuliyo gudaha Soomaaliya, iyadoo aan wadatashi lagala sameyn.

“Runtii howgalka ay ciidamada kumaandooska Faransiiska ka fuliyeen Buulo-mareer laguma soo wargelin dowladda Soomaaliya, waana ka xunnahay in howlgal noocaas oo kale ah oo aan lagu soo wargelin dowladda Soomaaliya ay dowlado shisheeye ka fuliyaan gudaha dalkeenna,” ayuu yiri wasiirka.

Sidoo kale, wasiirku wuxuu sheegay inay tacsi u dirayaan dadkii shacabka ahaa ee ku dhintay howlgalkaas, isagoo sheegay in haddii dowladda lagu soo wargelin lahaa howlgalkaas uu xaalku ka duwanaan lahaa sida uu hadda yahay.

“Mowqifka dowladda Soomaaliya waa inay kusoo wargeliso dowladdii howlgal noocan oo kale ah doonaysa inay ka fuliso gudaha dalka,” ayuu wasiirku ku daray hadalkiisa. Isagoo intaas ku daray in sarkaalka Faransiiska dhowr jeer la isku dayay in laga soo daayo gacanta Al-shabaab balse ay suurogal noqon waday.

Dhanka kale, guddiga difaaca baarlamaanka Soomaaliya, ayaa iyaguna ka dalbaday dowladda Soomaaliya inay kula xisaabtanto dowladda Faransiiska dadkii shacabka ahaa ee ku dhintay howlgalkaas.

“Shacabkii Soomaaliyeed ee ku dhintay howgalka Faransiiska waxay la mid yihiin muwaadinkii Faransiiska ahaa ee la doonayay in laga sii-daayo gacanta Al-shabaab, marka waa in lagula xisaabtamo Faransiiska dadkii Soomaalida ahaa ee ku dhintay howlgalkaas,” ayuu yiri guddoomiye ku xigeenka guddiga difaaca baarlamaanka Soomaaliya xildhibaan Maxamed Ibraahim Xaabsade oo saaxafadda la hadlay.

Ugu dambeyn, Xaabsade wuxuu sheegay in dalalka reer galbeedka ay ka dalbanayaan inay qayb weyn ka qaataan dagaalka lagula jiro Al-shabaab balse ay tahay in marka hore ay la socodsiiyaan howlgalladooda dowladda Soomaaliya, gaar ahaan wasaaradda arrintan ku shuqulka leh.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

1/14/2013 12:31 PM EST
Isniin, Jannaayo 14, 2013 (HOL) — Wasiirka arrimaha gudaha ee Somaliland, Maxamed Nuur Carraale (Duur) iyo wafdi uu hoggaaminayo ayaa maanta gaaray magaalada Saylac oo ay dhawaan ka dhaceen rabshado sababay khasaare nafeed oo dhimasho iyo dhaawac isugu jirta.

1/14/2013 12:09 PM EST
Isniin, Jannaayo 14, 2013 (HOL) —Magaalada Bujumbura ee xarunta dalka Burundi ayaa waxaa maanta ka furmay tababar dhowr casho soconaya oo la siinayo 120 ka mid ah shaqaalaha rayidka ah ee dowaldda Soomaaliya, kaas oo uu soo qabanqaabiyay ururka Midowga Afrika, iyadoo shaqaalahaas ay baran doonaan maamulka dowladnimo iyo hab-maamuuska shaqada.

1/14/2013 12:09 PM EST
Isniin, Jannaayo 14, 2013 (HOL) —Al-shabaab ayaa soo bandhigtay maanta oo Isniin ah askari Faransiis ah oo ay ku dileen weerarkii fashilmay ee ka dhacay habeenkii Sabtidu soo galaysay deegaanka Buulo-Mareer ee gobolka Shabeellada Hoose.

1/14/2013 8:24 AM EST
Isniin, Jannaayo 14, 2013 (HOL) — Ciidamada ammaanka ee dowladda Soomaaliya ayaa in ka badan 400-qof ku qabqabtay howlgallo saf-ballaaran ay maanta ka sameeyeen degmooyinka Huriwaa iyo Yaaqshiid ee gobolka Banaadir, iyadoo qaar ka mid ah dadkaas lasii daayay.

1/14/2013 7:50 AM EST
Isniin, Jannaayo 14, 2013 (HOL) — Golaha Wakiiladda Somaliland, ayaa maanta Wasiirka Qorsheynta Qaranka, Sacad Cali Shire ka dhagaystay xeerka tirokoobka dadweynaha reer Somaliland oo xukuumaddu doonayso inay dalka ka hirgaliso Diiwaangelin madani.

1/14/2013 7:44 AM EST
Isniin, Jannaayo 14, 2013 (HOL) — Xarakada Al-shabaab ayaa sheegtay inuu dhintay askari Faransiis ah oo ay dhaawac ahaan u qabteen intii uu socday howgalkii fashilmay ee Faransiisku ay ku qaadeen deegaanka Buulo-Mareer ee gobolka Shabeellada Hoose, iyagoo sheegay inuu weli nool yahay Denis Allex oo ahaa sarkaalkii la doonayay in xoog lagu furto.

1/14/2013 7:28 AM EST
Isniin, Jannaayo 14, 2013 (HOL) — Golaha Guurtidda, ayaa dood adag ka yeeshay siyaasadda Arrimaha gudaha iyo arrimaha dibadda oo ay si weyn u dhaliileen, isla markaana soo jeediyey in wax laga qabto khilaafaad jira ee doorashooyinkii abuureen.

1/14/2013 7:27 AM EST
Isniin, Jannaayo 14, 2013 (HOL) — Ciidamada booliiska Puntland ee gobolka Mudug ayaa maanta kala eryay dad-weyne isugu soo baxay bartamaha magaalada Gaalkacayo, islamarkaana qorsheynayey in ay dhigaan muddaaharaad looga soo horjeedo xukuumadda madaxweyne Cabdiraxmaan Faroole.

1/14/2013 7:25 AM EST
Isniin, Jannaayo 14, 2013 (HOL) — Wasaaradda Caafimaadka Somaliland, ayaa shaacisay in gobolka Maroodi jeex uu ka dilaacay cudurka jadeecadda, waxaanay bulshadda Somaliland gaar ahaan kuwa ku dhaqan gobolkan inay goobaha caafimaadka yimaadaan si loo xakameeyo cudurkan oo aanu dalka ugu fidin.

1/14/2013 3:48 AM EST
Isniin, Jannaayo 14, 2013 (HOL) — Ciidamada maamulka Galmudug ee koonfurta magaalada Gaalkacyo ayaa dhaawacay ilaa sedex maxbuus oo dooneysay in ay ka baxsato xabsi ku yaal degmadaasi.

1/14/2013 1:21 AM EST
Isniin, Jannaayo 14, 2013 (HOL) — Guddoomiyaha gobolka Banaadir, ahna duqa Muqdihso Maxamuud Axmed Nuur (Tarsan) ayaa uga digay dhallinta Soomaaliyeed ee ka yimid qurbaha inay waxyaabo anshaxa diinta iyo tan dalka ka baxsan ku sameeyaan xeebta Liido.

1/14/2013 1:18 AM EST
Isniin, Jannaayo 14, 2013 (HOL) — Madaxweynaha Mareykanka Barack Obama ayaa sheegay in taageero kooban ay ku siiyeen ciidamadii Faransiiska ahaa ee howgalka ka sameeyay deegaanka Buulo-mareer oo lagu haystay sarkaal Faransiis ah oo la doonayay in la furto inkastoo uu howlgalkaas fashilmay.