2014-10-21
Today from Hiiraan Online:  _
Wararka Maanta- Axad, Jan 13, 2013
Dowladda France oo sheegtay in ay Adkeyneyso Ammaanka Dalkeeda


Axad, Jannaayo 13, 2013 (HOL) —Francois Hollande oo ah madaxweeynaha dalka France ayaa sheegay in dowladiisu ay siweyn u adkeyn doonto ammaanka dalka,kadib howlgallo ay ciidamada France ka fuliyeen dalalka Soomaaliya iyo Mali.

Dowladda France ayaa ciidamadeedu waxa ay howlgallo ballaaran ka wadaan dalka Mali halkaasoo ay kula dagaalamayaan kooxaha islaamiyiinta ah ee kasoo horjeeda dowladda dalkaasi, waxaana sidoo kale cutubyo katirsan ciidamada Kumaandooska dalka France ay dhawaan howlgallo ka fuliyeen deegaanka Buulomareer, kuwaasoo ay ku doonayeen in ay kusoo furteen lahayste u dhashay dalkaasi oo mudo u af-duubnaa Xarakada Al-shabaab.

Madaxweeynaha dalkaasi ayaa ku amray laamaha ammaanka in ay muujiyaan foojignaan dheeri ah, islamarkaasina la sugo ammaanka goobaha ay dadka ku badanyihiin ee ku yaal dalkaasi.Francois-Hollande.jpg

Baaqaan kasoo yeeray madaxweeynaha dalka france ayaa imaanaya xilli ciidamada military dalka France ay howlgallo xooggan ka wadaan dalka Mali, iyadoona lagu soo waramayo in diyaaradaha dagaal ee dowladda France ay weerarro culus ku qaadeen saldhigyo ay kooxaha islamaaiyiinta kasoo horjeeda dowladda Mali ku leeyihiin dalkaasi.

Dowladda France ayaa sheegtay in ay guulo la taaban karo ka gaartay howlgalladii ugu danbeeyay ee ay ka fulisay dalka Mali, islamarkaasina kooxaha islaamiyiinta ay ka burburisay saldhigyo muhiim ah oo ay ku lahaayeen magaalada Konna. Dowladda Mali ayaa iyana sheegtay in ciidamadooda oo kaashanaya kuwa France ay ka dileen kooxaha mucaaradka in ka badan 100 askari.

Sanda Abou Mohamed oo ah afhayeenka kooxda Ansar Diin ee kasoo horjeedda dowaldda Mali ayaa ku eedeeyay ciidamada ka socda dalka France in ay xasuuq ba'an ka geeysteen magaalada Konna, wuxuuna yiri: “Ciidamada France ee argagixisada ah waxay madaafiic ku garaaceen magaalada Konna. Isbitaallada waxaa buuxdhaafiyay dhaawaca haween, caruur iyo dad da’ ah oo ay waxyeelo kasoo gaartay duqeynta.”

Masuulkani oo la hadlay Al-jazeera ayaa sheegay in aan la ogaan karin tirada rasmiga ah ee dadka ku dhintay weerarka, balse wuxuu xusay in ay aad u badantahay, isalamarkaasina ay dhankooda uga dhinteen oo qura shan askari inta kalena ay ahaayeen dad rayid ah.

Ururka ECOWAS ee ay ku bahoobeen wadamada galbeedka Africa ayaa ku dhawaaqay in uu si deg-deg ah ciidamo ugu diri doono dalka Mali, si ay dowladda dalkaasi gacan uga siiyaan la dagaalanka kooxaha kasoo horjeeda.

Ciidamada uu ururka ECOWAS sheegay in uu u diri doono dalka Mali ayaan la garanayn tiradooda iyo weliba wadamada ay ka kala imaanayaan, sidoo kalena lama shaacin xilliga rasmiga ah ee ay ciidamadu gaari doonaan dalkaasi.

Xasan Nuur, Hiiraan Online
hnur@hiiraan.com
Muqdisho, Soomaaliya

 





Post your comments

2013-01-13 12:13 PM EST
Axad, Jannaayo 13, 2013 (HOL) — Saraakiil ka tirsan hay’adda nabad-sugidda Soomaaliya ayaa sheegay in sarkaalkii Faransiiska ahaa ee ay Al-shabaab faduubka ku haysay muddada ka badan saddexda sano lagu dilay howgalkii fashilmay ee la doonayay in lagu furto.

2013-01-13 11:37 AM EST
Axad, Jannaayo 13, 2013 (HOL) — Munaasabad xariga looga jarayay xarun cusub oo loogu talo-galay in lagu tababaro shaqaalaha laanta socdaalka iyo jinsiyasaha dowladda Soomaaliya ayaa maanta lagu qabtay garoonka Aadan Cadde ee magaalada Muqdisho.

2013-01-13 8:13 AM EST
Axad, Jannaayo 13, 2013 (HOL) — Dowladda Soomaaliya ayaa si adag u cambaareysay weerarkii fashilmay ee ay ciidamada Faransiisku ka geysteen deegaanka Buulo-mareer ee gobolka Shabeellada Hoose halkaas oo ay ka taliso Al-shabaab.

2013-01-13 7:57 AM EST
Axad, Jannaayo 13, 2013 (HOL) — Dowladda Soomaaliya ayaa waxay si dhaqso ah u sii dayso wariye iyo laba qof oo u xiran, kuwaasoo lala xiriirinayo kufsi ay ciidamada dowladdu u geysteen haweeney rayid ah. Booliiska Soomaaliya ayaa magaalada Muqdisho ku xiray wariye Cabdicasiis Cabdinuur Ibraahim oo ka mid ahaa wariyeyaasha ka howlgala magaalada Muqdisho, isagoo xabsiga ku jira tan iyo 10-kii bishan iyadoo aan wax su’aalo la weydiin.

2013-01-13 7:30 AM EST
Axad, Jannaayo 13, 2013 (HOL) — Madaxweynaha Soomaaliya, Xasan Sheekh Maxamud ayaa maanta safarkiisii ugu horreeyay ugu ambabaxay dalka Mareykanka, waxaana safarkan ku wehliya, ra’iisul wasaare ku xigeenka ahna wasiirka arrimaha dibadda, Fowziyo Yuusuf Xaaji Aadan iyo la taliya-yaashiisa gaarka ah.

2013-01-13 7:17 AM EST
Axad, Jannaayo 13, 2013 (HOL) — Maamulka gobolka Banaadir oo gacan ka helaya booliiska Soomaaliya iyo booliiska AMISOM ayaa burburiyay maanta goobo ganacsi oo ku yaalla degmada Xamar-weyne, kuwaasoo la sheegay inay ahaayeen kuwo ku yaalla meelo sharci-darro ah.

2013-01-13 6:55 AM EST
Axad, Jannaayo 13, 2013 (HOL) — Gudoomiyihii Baankiga dhexe ee Jabuuti Marxuum Jaamac Maxamuud Xayd ayaa xalay lagu aasay magaaladda Jabuuti ee dalka Jabuuti ka dib markii laga keenay Cisbitaal ku yaala magaaladda Nairobi oo uu ku geeriyooday.

2013-01-13 6:44 AM EST
Axad, Jannaayo 13, 2013 (HOL) — Somaliland ayaa sheegtay inay ka qayb-geli doonto wajiga labaad ee wadahadallada u dhexeeya iyada iyo dowladda Soomaaliya, balse waxay ka digtay in lagu soo daro xubno matalaya Soomaaliya mas’uuliyiin kasoo jeeda Somaliland.

2013-01-13 2:23 AM EST
Axad, Jannaayo 13, 2013 (HOL) — Xarakada Al-shabaab ayaa ku adkeysanaysa inay weli gacanta ku hayso la haystihii Farnasiiska ahaa ee u afduubnaa Dennis Allex oo nool, kaddib markii ay ciidamada Faransiiska ee sida gaarka u tababaran ay ku fashilmeen inay xoog ku furtaan.

2013-01-13 2:21 AM EST
Axad, Jannaayo 13, 2013 (HOL) — Munaasibado is-barbar socda oo lagu xusayo sannad-guuradii koowaad ee kasoo wareegtey aasaaskii maamul-goboleedka Khaatumo State of Somalia ayaa ka socda degaano kala duwan oo ka mid ah degaanada uu maamulkaasi ka taliyo.

2013-01-13 2:20 AM EST
Axad, Jannaayo 13, 2013 (HOL) — Madaxweynaha Puntland iyo mas'uuliyiin kale oo ka tirsan golihiisa wasiirada ayaa xarunta madaxtooyada ee magaalada Boosaaso kulan kula qaatay xubno ka socdey ururada dhalinyarada ee gobolka Bari.