2014-11-01
Today from Hiiraan Online:  _
Wararka Maanta- Axad, Jan 13, 2013
Guddoomiyihii Bankiga dhexe ee Jabuuti ee ku geeriyooday Nairobi oo Aas Qaran loogu sameeyey Jabuuti


Axad, Jannaayo 13, 2013 (HOL) — Gudoomiyihii Baankiga dhexe ee Jabuuti Marxuum Jaamac Maxamuud Xayd ayaa xalay lagu aasay magaaladda  Jabuuti ee dalka Jabuuti ka dib markii laga keenay Cisbitaal ku yaala magaaladda Nairobi oo uu ku geeriyooday.

Aaaska Marxuumkan waxa ka qaybgalay Madaxweynaha Jabuuti, Ismaaciiil Cumar Geelle, ra’isal wasaraha Jabuuti, wasiirrada iyo xildhibaannadda Jabuuti, sidoo kale waxa kala qaybgalay aaskaasi weftiyo kale oo ka yimid dalalka Jaarka.

Aaskan loo sameeyey gudoomiyihii hore Baanka dhexe Jabuuti waxa ka qaybgalay wefti balaadhan oo uu hogaaminayo Wasiirka Arrimah Dibada Somaliland Dr: Maxamed Cabdilaahi Cumar oo ay la socdaan ilaa lix wasiir  iyo marwadda Kowaad ee Somliland Marwo:Aamin Weris, gudoomiye ku xigeenka kowaad ee golaha Wakiiladda Md: Baashe Maxamed Faarax iyo xildhibaano ka kala tirsan labadda gole ee baarlamaanka, ganacsato iyo dadweyne kale.

Gudoomiyihi hore ee Baanka Jabuuti Marxuum Jaamac Xayd ayaa ahaa nin balaadhan oo ummadda soomaaliyeed aad u jecel, isla markaana waxa uu aad u taageeri jiray fanaaniinta Soomaaliyeed oo aad uga naxay geeridiisa, waxaana tacsi u diray abwaan Cabdi Qays, KHadra Daahir Cige, Shamis Abokor, iyo fanaan kale oo farobadan oo ku sugan magaaladda Hargeysa.

Alla ha u naxariistee Marxuum Jaamac Xayd oo muddo ku siman 15 sanno ahaa gudomiyaha baanka dhexe ee Jabuuti ayaa lagu xasuustaa isbedelkii balaadhnaa ee uu ku sameeyey horumarinta dhaqaalaha dalkaasi, sidoo kale waxa u suurtogashay mudadii uu xilkaasi hayey mashaariicyo badan oo ay maalgashadeen tujaarta wadamada carbeed iyo kuwo kalaba, waxa kale oo uu ku guulaystay in lacagta jabuuti wax is bedel ahi ku iman, isla markaana lacagta faranka jabuuti ku biirto Sayladaha sarifka lacagaha dunida sida ay  ka warameen dad aqoon dheer u lahaa marxuum Jaamac Maxamuud Xayd.

Madaxweynaha Somaliland Md: Axmed Maxamed Maxamuud Siilaanyo iyo ku xigeenkiisa Md: Cabdiraxmaan Cabdilaahi Ismaaciil (Saylici) ayaa tacsi u diray shacabka reer Jabuuti iyo dawladoodaba, ilaahayna u baryey inuu marxumkaasi samir iyo iimaan ka siiyo.

Barkhad-Ladiif M. Cumar, Hiiraan Online
barkhadladiif@hiiraan.com
Hargeysa, Somaliland





Post your comments

2013-01-13 12:13 PM EST
Axad, Jannaayo 13, 2013 (HOL) — Saraakiil ka tirsan hay’adda nabad-sugidda Soomaaliya ayaa sheegay in sarkaalkii Faransiiska ahaa ee ay Al-shabaab faduubka ku haysay muddada ka badan saddexda sano lagu dilay howgalkii fashilmay ee la doonayay in lagu furto.

2013-01-13 11:37 AM EST
Axad, Jannaayo 13, 2013 (HOL) — Munaasabad xariga looga jarayay xarun cusub oo loogu talo-galay in lagu tababaro shaqaalaha laanta socdaalka iyo jinsiyasaha dowladda Soomaaliya ayaa maanta lagu qabtay garoonka Aadan Cadde ee magaalada Muqdisho.

2013-01-13 8:13 AM EST
Axad, Jannaayo 13, 2013 (HOL) — Dowladda Soomaaliya ayaa si adag u cambaareysay weerarkii fashilmay ee ay ciidamada Faransiisku ka geysteen deegaanka Buulo-mareer ee gobolka Shabeellada Hoose halkaas oo ay ka taliso Al-shabaab.

2013-01-13 7:57 AM EST
Axad, Jannaayo 13, 2013 (HOL) — Dowladda Soomaaliya ayaa waxay si dhaqso ah u sii dayso wariye iyo laba qof oo u xiran, kuwaasoo lala xiriirinayo kufsi ay ciidamada dowladdu u geysteen haweeney rayid ah. Booliiska Soomaaliya ayaa magaalada Muqdisho ku xiray wariye Cabdicasiis Cabdinuur Ibraahim oo ka mid ahaa wariyeyaasha ka howlgala magaalada Muqdisho, isagoo xabsiga ku jira tan iyo 10-kii bishan iyadoo aan wax su’aalo la weydiin.

2013-01-13 7:30 AM EST
Axad, Jannaayo 13, 2013 (HOL) — Madaxweynaha Soomaaliya, Xasan Sheekh Maxamud ayaa maanta safarkiisii ugu horreeyay ugu ambabaxay dalka Mareykanka, waxaana safarkan ku wehliya, ra’iisul wasaare ku xigeenka ahna wasiirka arrimaha dibadda, Fowziyo Yuusuf Xaaji Aadan iyo la taliya-yaashiisa gaarka ah.

2013-01-13 7:17 AM EST
Axad, Jannaayo 13, 2013 (HOL) — Maamulka gobolka Banaadir oo gacan ka helaya booliiska Soomaaliya iyo booliiska AMISOM ayaa burburiyay maanta goobo ganacsi oo ku yaalla degmada Xamar-weyne, kuwaasoo la sheegay inay ahaayeen kuwo ku yaalla meelo sharci-darro ah.

2013-01-13 7:06 AM EST
Axad, Jannaayo 13, 2013 (HOL) —Francois Hollande oo ah madaxweeynaha dalka France ayaa sheegay in dowladiisu ay siweyn u adkeyn doonto ammaanka dalka,kadib howlgallo ay ciidamada France ka fuliyeen dalalka Soomaaliya iyo Mali.

2013-01-13 6:44 AM EST
Axad, Jannaayo 13, 2013 (HOL) — Somaliland ayaa sheegtay inay ka qayb-geli doonto wajiga labaad ee wadahadallada u dhexeeya iyada iyo dowladda Soomaaliya, balse waxay ka digtay in lagu soo daro xubno matalaya Soomaaliya mas’uuliyiin kasoo jeeda Somaliland.

2013-01-13 2:23 AM EST
Axad, Jannaayo 13, 2013 (HOL) — Xarakada Al-shabaab ayaa ku adkeysanaysa inay weli gacanta ku hayso la haystihii Farnasiiska ahaa ee u afduubnaa Dennis Allex oo nool, kaddib markii ay ciidamada Faransiiska ee sida gaarka u tababaran ay ku fashilmeen inay xoog ku furtaan.

2013-01-13 2:21 AM EST
Axad, Jannaayo 13, 2013 (HOL) — Munaasibado is-barbar socda oo lagu xusayo sannad-guuradii koowaad ee kasoo wareegtey aasaaskii maamul-goboleedka Khaatumo State of Somalia ayaa ka socda degaano kala duwan oo ka mid ah degaanada uu maamulkaasi ka taliyo.

2013-01-13 2:20 AM EST
Axad, Jannaayo 13, 2013 (HOL) — Madaxweynaha Puntland iyo mas'uuliyiin kale oo ka tirsan golihiisa wasiirada ayaa xarunta madaxtooyada ee magaalada Boosaaso kulan kula qaatay xubno ka socdey ururada dhalinyarada ee gobolka Bari.