3/28/2024
Today from Hiiraan Online:  _
Wararka Maanta- Sabti, Jan 12, 2013
Dowladda Britain oo shaacisay in ay mar kale Marti-gelinayso kulan Arrimaha Dalka Soomaaliya looga hadlayo

Sabti, Jannaayo 12, 2013 (HOL) — Xukuumadda dalka Ingiriiska ayaa shaacisay inay matigelinayso sannadkan shir looga hadlayo arirmaha dalka Soomaaliya, waxaana shirkan uu daba-socdaa  shirkii lagu qabtay London bishii Feberaayo ee sannadkii hore kaasoo socday hal maalin loogana hadlay arrimaha Soomaaliya.

Ra'iisul wasaaraha dalka Britain, David Cameron ayaa sheegay in isaga iyo madaxweynaha Soomaaliya, Xasan Sheekh Maxamuud ay isla garteen in xilliga uu qabsoomayo shirkan bartamaha sannadkan ee 2013.

"Aniga iyo madaxweyanha Soomaaliya waxaan isla garanay in shirkan uu qabsoomo 07 May, 2013, waxaana uu daba socdaa shirkii horay u guuleystay ee London lagu qabtay sannadkii hore," ayuu yiri Cameron.

Shirkan ayaa waxaa lagu wadaa inay kasoo qaybgalaan madax fara badan oo caalamka ka socda, balse lama sheegin in shirkan uu yahay mid yabooh loogu ururinayo Soomaaliya iyo inuu yahay mid dowladda looga caawinayo dib u dhiska dalka iyo sugidda ammaanka.

Shirkan ayaa ka duwan shirkii hore, wuxuuna kusoo beegmayaa iyadoo Soomaaliya ay ka baxday xilliga KMG-nimada iyo dowladda Birtain oo haysa hoggaanka ururka dalalka ugu dhaqaalaha badan dunida ee G8-ka loo yaqaan.

Hal maalin ayuu shirkan socon doonaan, iyadoo inta uu socdo lagu soo qaadi doono arrimo badan oo Soomaaliya ku saabsan, waxaana uu shirkan imaanayaa iyadoo dowladda cusub ay ku taamayso inay dalka ka saarto deggenaasho la'aanta muddada dheer soo jirtay.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
1/12/2013 7:21 AM EST
Sabti, Jannaayo, 12, 2013 (HOL) – Tartan kubadda cagta ah oo ay ka qeyb-qaadanayeen ilaa afar naadi oo ka kala socday xaafadaha ay ka kooban tahay magaalada Baladweyne ayaa galinkii danbe ee maalintii shalay lagu soo gabagabeeyay garoonka kubadda cagta Lama-galaay.

1/12/2013 7:14 AM EST
Sabti, Jannaayo 12, 2013 (HOL) — Raashinkii quutal daruuriga ahaa, ayaa qaali garoobay ka dib markii sarifkii lacagta uu kor u kacay, taas oo maalmihii u dambeeyey ku abuurtay dadweynuhu inay iibsan kari waayaan.

1/12/2013 7:11 AM EST
Sabti, Jannaayo 12, 2013 (HOL) — Ugu yaraan 20-qof oo isugu jira dhinacyadii dagaalamay iyo dad shacab ah ayaa ku dhintay dagaal xalay gellinkii dambe ku dhexmaray deegaanka Buulo-mareer ee gobolka Shabeellada Hoose ciidamada kumaandooska Faransiiska iyo xoogagga Al-shabaab.

1/12/2013 7:08 AM EST
Sabti, Jannaayo 12, 2013 (HOL) — Magaalada Muqdisho ayaa waxaa maanta ka dhacay laba qarax oo mid ka mid ha lagu weeraray gaari uu watay xildhibaan ka tirsan baarlamaanka Soomaaliya, iyadoo ay ku dhaawacmeen qaraxaas laba ka mid ah ilaaladii xildhibaanka.

1/12/2013 3:01 AM EST
Sabti, Jannaayo 12, 2013 (HOL) — Ciidamada ammaanka Kenya ayaa xalay ku toogtay xerada Dhagaxleey oo ka mid ah xeryaha Dhadhaab ku yaalla nin la sheegay inuu ahaa burcad dadka xeradaas ku jira dhac ugu geysanayay qori la been abuuray.

1/12/2013 2:29 AM EST
Sabti, Jannaayo 12, 2013 (HOL) — In ka badan 780 arday ayaa u fadhiistay imtixaanka kulliyadaha kala duwan ee jaamacadda Nugaal xarumaheeda ay ku leedahay magaaladda Laascaanood ee gobolka Sool. Imtixaankan oo ah imtixaan sanadeedka jaamacadda ayaa sida uu sheegay guddoomiyaha jamacadda, C/risaaq Maxed Aadan (Lafoole) uu ka duwan yahay imtixaandaadkii ka horreeyey isagoo xusay inay ugu talogaleen qaab loo kordhinayo aqoonta iyo tayada ardayda jaamacada ka qalin-jebinaysa.

1/12/2013 1:03 AM EST
Sabti, Jannaayo 12, 2013 (HOL) — Guddoomiyihii bankiga dhexe ee dalka Jabuuti, Jaamac Maxamuud Xayd ayaa xalay ku geeriyooday isbitaalka Aga Khan ee magaalada Nairobi halkaasoo maskaxda looga qalay.

1/12/2013 12:46 AM EST
Sabti, Jannaayo 12, 2013 (HOL) — Iska-horimaad culus ayaa xalay saqdii dhexe ku dhexmaray deegaanka Buulo-mareer ee gobolka Shabeellada Hoose ciidammo watay diyaarado kuwa qumaatiga u kaca ah iyo xoogagga Al-shabaab, iyadoo dagaalkaas uu dhaliyay khasaare nafeed oo soo kala gaarta labada dhinac.