2014-10-21
Today from Hiiraan Online:  _
Wararka Maanta- Talaado, Jan 1 , 2013
Gaadhi shacab iyo mid booliis oo isku dhacay iyadoo uu ka dhashay khasaare isugu jira dhimasho iyo dhaawac


Talaado, Jannaayo 01, 2013 (HOL) — Illaa afar askari ayaa ku dhintay, 25 kalana way ku dhaawacmeyn shil baabuur oo ka dhacay galabta duleedka bari ee magaalada Hargeysa.

Hawl-wadeenadda cisbitaalka guud ee magaaladda Hargeysa oo ku mashquulsan daweynta askarta oo mar
dhowayd khadka telefoonka HOL kula xidhiidhay ayaa u xaqiijiyey inay dhinteen shan qof, halka ay dhaawac ka yihiin 25 kalana, waxaana cisbitaalka ka jira mashquul aad u faro badan, iyadoo la keenay ciidan badan oo ilaalinaya cisbitaalka, isla markaana buuqa iyo sawaxan ka ilaalinaya cisbitaalka.

Haseyeeshee hawl-wadeenadda cisbitaalku may kala cadayn inay shantaasi qof ee dhintay askartii yihiin iyo inay shacab yihiin, maadaama oo shilku aad u xun yahay oo aan la kala garan karin askar iyo shacab, isla markaana ku mashquulsan yihiin dawayntoodda, waxaase warar kale sheegayaan inay dhinteen afar askari iyo laba shacab ah oo la socday gaadhiga kale ee ay isku dhaceen, taas oo dhimashadda ka dhigay lix qof.

Wararka aanu ka helayno qaabka uu shilkan u dhacay ayaa sheegaya in gaadhiga booliska ahi uu taagnaa wadada Hargeysa iyo Berbera u dhexeeya, kana yimid magaaladda Laascaanood, halka gaadhiga kalana ee ay is duqeeyeen uu xamuul siday, isla markaana ku socday xawaare sare, kaas oo uu ku dhacay gaadhigii booliska ahaa, ka dibna gaadhigi boolisku oo qalibmay oo uu ku dul dhacay askartii, taas oo keentay khasaare aad u badan oo nax badan leh.

Sidoo kale, gaadhigan shacab ah ayaa waxa la socay dirwalkii gaadhiga waday iyo nin kale, kuwaas oo isla goobtii ku geeriyooday.

Haseyeeshee, Taliyaha booliska Somaliland Cabdilaahi Iiman Fadal ayaa tacsi u diray askarta ku dhintay iyo kuwa ku dhaawacmay, waxaanu sheegay inuu ka xun yahay shilkaasi naxdinta leh ee askartu waxyeelada xuni ka soo gaadhay, waxaanu sheegay inay ku dhinteen saddex askari iyo laba shacab ah.

“Waxa dhacay shil tiiraanyo leh oo ku yimid ciidanka booliska, waxaana isku dhacay gaadhigaasi iyo gaadhi shacab ah, dhimashaddu waxa weeyaan sarkaalkii ciidanka watay iyo laba askari, dhaawacanu waa 25 askari”ayuu yidhi taliyaha ciidanka booliska Cabdilaahi Fadal.

Waxaanu intaas ku daray  Taliyuhu “ xaga shacabka wax ku noqdayna ilaa hada darawalka iyo kirishbaygii ayaa dadka dhintay ku jiray, waxaanay tirada dhimashadu noqonaysaa 5 qof oo shacabka Somaliland ka baxay ”

“Waad dareemi kartaa murugadda ay leedahay qof ka soo noqday hawl gal oo qoyskiisa aan muddo arag oo shil baabuur ku dhacay, waxanan tacsi u diraya ehelkii iyo qaraabadii ay ka baxeen askartii ku geeriyootay shilkan, waxaanan ILAAHEY uga baryayaa inuu naxariistii jano ka waraabiyo inta dhimatay , inta dhaawaca ahna ILAAHEY caafiyo”ayuu yidhi wasiirka Arrimaha gudaha Somaliland Maxamed Nuur Caraale Duur.

Si kastaba ha ahaaatee, waxa la sheegayaa in dhaawac culus u badan yihiin, taas oo qaarkood xaga madaxa nabaro cul culus ka soo gaadhay, waana shilkii ugu xumaa ee ciidanka booliska ka soo gaadhay shil baabuur.

Barkhad-Ladiif M. Cumar, Hiiraan Online
barkhadladiif@hiiraan.com 
Hargeysa, Somaliland





Post your comments

2013-01-01 9:13 PM EST
Dhacdooyinkii ugu waaweynaa ee Sannadkii la soo dhaafay ee 2012. Waxaa idiin soo diyaariyey Hiiraan Online iyo Bartamaha.com

2013-01-01 8:27 PM EST
Mogadishu, Somalia,Janaayo,02 2012) Madaxweynaha Jamhuuriyadda Federaalka Soomaaliya Mudane Xasan Sheekh Maxamuud iyo wafdi uu hogaaminayo oo ku sugan dalka Sudaan ayaa maanta waxey ku sii jeedaan magaalo madaxda dalkaas ee Khartuum.

2013-01-01 12:30 PM EST
Talaado, Jannaayo 01, 2013 (HOL) — Dalalka Soomaaliya iyo Siiriya oo ay rabshado ka jireen sannadkii hore 2012 ayaa waxay noqdeen dalalkii lagu dilay suxufiyiintii ugu badnayd caalamka, iyadoo guud ahaan caalamka lagu dilay 121 suxufi, sida ay sheegtay hay’adda isku-tagga suxufiyiinta caalamka ee IFJ oo saldhiggeedu yahay xarunta dalka Belgium ee Brussels.

2013-01-01 11:38 AM EST
Talaado, Jannaayo 01, 2013 (HOL) — Gudoomiyaha urur siyaasadeedka UGUB oo kamid ahaa ururadii ay guddiga doorashooyinka ee Puntland ku reebeen wareegga 1-aad ee diiwaan gelinta ayaa sheegay in qaab aan sharci ahayn lagu reebay.

2013-01-01 7:40 AM EST
Talaado, Jannaayo 01, 2013 (HOL) — Wakiilka xoghayaha guud ee Qaramada Midoobay u qaabilsan arrimaha Soomaaliya, danjire Augustine Mahiga ayaa sheegay in Soomaaliya ay guulo waaweyn oo la taaban karo gaartay sannadkii hore 2012 isagoo xusay in xafiiskiisa uu si kama dambeys ah ugu guuri doono Muqdisho.

2013-01-01 7:09 AM EST
Talaado, Jannaayo 01, 2013 (HOL) — Madaxwaynaha Somaliland Md: Axmed Maxamed Maxamuud (Siilaanyo) ayaa digreeto madaxweyne ku dhaqangaliyey Miisaaniyaddaa sanadkan 2013- taasoo dorraad iyadoo aan laga doodin duuduub u ansixiyeen golaha Wakiiladdu.

2013-01-01 6:57 AM EST
Talaado, Jannaayo 01, 2013 (HOL) — Ra'iisul wasaaer ku xigeenka dalka Turkiga, Bekir Buzdag oo la hadlayay wakaaladda wararka Anatolia ee dalka Turkiga ayaa sheegay in shacabka Soomaaliyeed ay ku faraxsan yihiin in Turkiga uu barbar taagnaado, isagoo intaa ku daray in shacabku ay aad ugu farxayaan markii ay arkaan diyaarad uu leeyahay Turkiga oo gargaar bani'aadamnimo u sidda.

2013-01-01 6:55 AM EST
Talaado, Jannaayo 01, 2013 (HOL) — Madaxweynaha Soomaaliya, Xasan Sheekh Maxamuud ayaa safarkiisii sagaalaad oo uu dalka uga baxo tan iyo markii u loo xilka loo doortay bishii September ee sannadkii hore wuxuu ku tagay dalka Suudaan, halkaasoo uu kaga qaybgali doono dabaal-deg loo sameynayo markii ay Suudaan xorriyadeedda ka qaadatay gumeystihii Ingiriiska.

2013-01-01 5:05 AM EST
Talaado, Jannaayo, 01, 2013 (HOL) – Mudo sanad ku dhan ayaa laga joogaan waqtigii ay si buuxda gacanta ugu dhigeen magaalada Baladweyne ciidamada maamulka gobollka Hiiraan oo xiligaa gacan militari ka hellayay kuwa dowladda Itoobiya, iyaga oo si buuxda u hantiyay gacan ku heynta magaalada 01-Jannaayo sanadkii 2012 ee ina dhaafay.

2013-01-01 4:15 AM EST
Talaado, Jannaayo 01, 2013 (HOL) — Ra’isul wasaaraha xukuumadda federaalka Soomaaliya Mudane Cabdi Faarax Shirdoon (Saacid) ayaa ugu hambalyeeyay shacabka Soomaaliya sanadka cusub ee 2013, isagoona u rajeeyay umadda Soomaaliyeed in sanadkan kiisa kale ay ku gaarto bash-bash iyo barwaaqo

2013-01-01 3:16 AM EST
Talaado, Jannaayo 01, 2013 (HOL) — Israsaaseyn xooggan ayaa xalay gudaha magaalada kismaayo ku dhexmartay dagaalyahanno katirsan Al-shabaab iyo ciidamada dowladda Soomaaliya oo kaashanaya kuwa Kenya.

2013-01-01 2:54 AM EST
Talaado, Jannaayo 01, 2013 (HOL) — Kooxo hubeysan oo aan heybtooda la aqoon ayaa xalay gudaha magaalada Kismaayo ku dilay oday dhaqameed siweyn looga yaqaan magaalada Kismaayo, iyadoona aan la garanayn ilaa imika sababta ka danbeeysa dilka loo geystay nabadoonkaasi.

2013-01-01 1:25 AM EST
Talaado, Jannaayo 01, 2013 (HOL) — Sannadkii hore ee 2012 waxaa gudaha dalka Soomaaliya ka dhacy dhacdooyin kala duwan oo isugu jiray kuwo murugo reebay iyo kuwo farxadeed, iyadoo sannadkii hore la dilay 18 wariye oo ka howlgalayay warbaahinta dalka, kuwaasoo intooda badan lagu dilay magaalada Muqdisho.

2013-01-01 1:18 AM EST
Talaado, Jannaayo 01, 2013 (HOL) — Iyadoo ay shalay ku ekeyd muddadii ay horay guddiga doorashooyinka ee Puntland ugu qabteen furashada ururada siyaasadda, ayaa waxaa si rasmi ah loo shaaciyey ururada buuxiyey shuruudihii diiwaan gelinta ee uu guddigu aqoonsaday.

2013-01-01 12:36 AM EST
Heesta Sannadka Cusub ee 2013: Maxamed S. Tubeed - Waan heesayaayee, Sannad waliba hoodiyo howl iyo dhibaatiyo wuxuu hadimo leeyahay....