12/19/2014
Today from Hiiraan Online:  _
Wararka Maanta- Talaado, Jan 1 , 2013
Guddiga Doorashooyinka Puntland oo shaaciyay Ururrada ama Xisbiyadii soo buuxiyey shuruudaha diiwaan-gelinta


Talaado, Jannaayo 01, 2013 (HOL) — Iyadoo ay shalay ku ekeyd muddadii ay horay guddiga doorashooyinka ee Puntland ugu qabteen furashada ururada siyaasadda, ayaa waxaa si rasmi ah loo shaaciyey ururada buuxiyey shuruudihii diiwaan gelinta ee uu guddigu aqoonsaday.

Gudoomiyaha guddiga doorashooyinka Puntland Prof. Maxamed Xasan Barre, oo magaalada Garoowe shir jaraa'id ku qabtay, ayaa sheegay in uu soo idlaaday wejigii koowaad ee diiwaan gelinta, loona gudbayo wejiga labaad.

"Waxaan shir saxaafadeedkan u qabanay si aan bulshada ugu sheegno heerka uu marayo geedi socodka howlaha doorashooyinka, waxaa guddiga sharaf u ah in uu ku dhawaaqo ururada buuxiyey wejigii hore ee diiwaan gelinta" prof. Barre oo warbaahinta la hadlayey ayaa yiri.

Magacyada ururada ku guuleystey in ay ka gudbaan wejiga hore ee diiwaan gelinta, waxaa si rasmi ah ugu dhawaaqay Axmed Mexamed (Dubeys), oo ah xubin ka tirsan guddiga kumeel gaarka ah ee doorashooyinka Puntland.

"Waxaa hadda oo ay saacadu tahay 5:00 galabnimo 31 Dec, 2012 ku ekaa wakhtigii loo qabtay wejiga 1-aad ee diiwana gelinta ururada siyaasadda, sidaas darteed, waxaa hadda soo buuxiyey shuruudaha lix urur oo kala ah: Horseed(xisbul xaakimka), Hor-cad (horumar iyo cadaalad) , Midnimo, EDP(ururka dimuqraadiyadda Puntland), Wadajir iyo UDAD(ururka dadka Puntland".

Gudoomiyaha gudiga doorashooyinka Puntland ayaa mar wax laga weydiiyey sababta loo reebay ururada kale ee aan lagu dhawaaqin, wuxuu yiri: "intii anaga nasoo gaartay oo buuxisey nidaamkii loo dejiyey ayaan maanta halkaan kaga dhawaaqnay, way jiraan kuwo codsaday in wakhtiga loo dheereeyo, laakiin nasiib darro ma dheereyn karno, howlo badan baa yaal, laakiin anagu waxan aqoonsan nahay inta nasoo gaartey".

Ururada aan ku guuleysan in ay shuruudaha diiwaan gelinta buuxiyaan oo ku haray wereegga 1-aad ayaa kala ah: Gahayr iyo Talo-wadaag oo magaalada Garoowe looga dhawaaqay iyo ururka Ugub oo isagu ahaa kii labaad ee furitaankiisa la shaaciyey loogana dhawaaqy magaalada Boosaaso.

Ugu danbeyntii guddiga doorashooyinka ayaa sheegay in wejiga 2-aad ee diiwaan gelinta ururada siyaasaddu uu ka bilaabmayo Jen 1, 2013 kuna egyahay Feb 10, 2013. Ururada siyaasadda Puntland ayaa ku loolami doona doorashooyinka goleyaasha degaanka, waxaana sadexda ugu codadka bata ee doorashada kusoo baxaa ay noqon doonaan sadex xisbi oo rasmi ah.

Maxamed Salaad Xaaji Dirir, Hiiraan Online
xaajidirir@hiiraan.com
Puntland, Soomaaliya





Post your comments

1/1/2013 9:13 PM EST
Dhacdooyinkii ugu waaweynaa ee Sannadkii la soo dhaafay ee 2012. Waxaa idiin soo diyaariyey Hiiraan Online iyo Bartamaha.com

1/1/2013 8:27 PM EST
Mogadishu, Somalia,Janaayo,02 2012) Madaxweynaha Jamhuuriyadda Federaalka Soomaaliya Mudane Xasan Sheekh Maxamuud iyo wafdi uu hogaaminayo oo ku sugan dalka Sudaan ayaa maanta waxey ku sii jeedaan magaalo madaxda dalkaas ee Khartuum.

1/1/2013 12:43 PM EST
Talaado, Jannaayo 01, 2013 (HOL) — Illaa afar askari ayaa ku dhintay, 25 kalana way ku dhaawacmeyn shil baabuur oo ka dhacay galabta duleedka bari ee magaalada Hargeysa.

1/1/2013 12:30 PM EST
Talaado, Jannaayo 01, 2013 (HOL) — Dalalka Soomaaliya iyo Siiriya oo ay rabshado ka jireen sannadkii hore 2012 ayaa waxay noqdeen dalalkii lagu dilay suxufiyiintii ugu badnayd caalamka, iyadoo guud ahaan caalamka lagu dilay 121 suxufi, sida ay sheegtay hay’adda isku-tagga suxufiyiinta caalamka ee IFJ oo saldhiggeedu yahay xarunta dalka Belgium ee Brussels.

1/1/2013 11:38 AM EST
Talaado, Jannaayo 01, 2013 (HOL) — Gudoomiyaha urur siyaasadeedka UGUB oo kamid ahaa ururadii ay guddiga doorashooyinka ee Puntland ku reebeen wareegga 1-aad ee diiwaan gelinta ayaa sheegay in qaab aan sharci ahayn lagu reebay.

1/1/2013 7:40 AM EST
Talaado, Jannaayo 01, 2013 (HOL) — Wakiilka xoghayaha guud ee Qaramada Midoobay u qaabilsan arrimaha Soomaaliya, danjire Augustine Mahiga ayaa sheegay in Soomaaliya ay guulo waaweyn oo la taaban karo gaartay sannadkii hore 2012 isagoo xusay in xafiiskiisa uu si kama dambeys ah ugu guuri doono Muqdisho.

1/1/2013 7:09 AM EST
Talaado, Jannaayo 01, 2013 (HOL) — Madaxwaynaha Somaliland Md: Axmed Maxamed Maxamuud (Siilaanyo) ayaa digreeto madaxweyne ku dhaqangaliyey Miisaaniyaddaa sanadkan 2013- taasoo dorraad iyadoo aan laga doodin duuduub u ansixiyeen golaha Wakiiladdu.

1/1/2013 6:57 AM EST
Talaado, Jannaayo 01, 2013 (HOL) — Ra'iisul wasaaer ku xigeenka dalka Turkiga, Bekir Buzdag oo la hadlayay wakaaladda wararka Anatolia ee dalka Turkiga ayaa sheegay in shacabka Soomaaliyeed ay ku faraxsan yihiin in Turkiga uu barbar taagnaado, isagoo intaa ku daray in shacabku ay aad ugu farxayaan markii ay arkaan diyaarad uu leeyahay Turkiga oo gargaar bani'aadamnimo u sidda.

1/1/2013 6:55 AM EST
Talaado, Jannaayo 01, 2013 (HOL) — Madaxweynaha Soomaaliya, Xasan Sheekh Maxamuud ayaa safarkiisii sagaalaad oo uu dalka uga baxo tan iyo markii u loo xilka loo doortay bishii September ee sannadkii hore wuxuu ku tagay dalka Suudaan, halkaasoo uu kaga qaybgali doono dabaal-deg loo sameynayo markii ay Suudaan xorriyadeedda ka qaadatay gumeystihii Ingiriiska.

1/1/2013 5:05 AM EST
Talaado, Jannaayo, 01, 2013 (HOL) – Mudo sanad ku dhan ayaa laga joogaan waqtigii ay si buuxda gacanta ugu dhigeen magaalada Baladweyne ciidamada maamulka gobollka Hiiraan oo xiligaa gacan militari ka hellayay kuwa dowladda Itoobiya, iyaga oo si buuxda u hantiyay gacan ku heynta magaalada 01-Jannaayo sanadkii 2012 ee ina dhaafay.

1/1/2013 4:15 AM EST
Talaado, Jannaayo 01, 2013 (HOL) — Ra’isul wasaaraha xukuumadda federaalka Soomaaliya Mudane Cabdi Faarax Shirdoon (Saacid) ayaa ugu hambalyeeyay shacabka Soomaaliya sanadka cusub ee 2013, isagoona u rajeeyay umadda Soomaaliyeed in sanadkan kiisa kale ay ku gaarto bash-bash iyo barwaaqo

1/1/2013 3:16 AM EST
Talaado, Jannaayo 01, 2013 (HOL) — Israsaaseyn xooggan ayaa xalay gudaha magaalada kismaayo ku dhexmartay dagaalyahanno katirsan Al-shabaab iyo ciidamada dowladda Soomaaliya oo kaashanaya kuwa Kenya.

1/1/2013 2:54 AM EST
Talaado, Jannaayo 01, 2013 (HOL) — Kooxo hubeysan oo aan heybtooda la aqoon ayaa xalay gudaha magaalada Kismaayo ku dilay oday dhaqameed siweyn looga yaqaan magaalada Kismaayo, iyadoona aan la garanayn ilaa imika sababta ka danbeeysa dilka loo geystay nabadoonkaasi.

1/1/2013 1:25 AM EST
Talaado, Jannaayo 01, 2013 (HOL) — Sannadkii hore ee 2012 waxaa gudaha dalka Soomaaliya ka dhacy dhacdooyin kala duwan oo isugu jiray kuwo murugo reebay iyo kuwo farxadeed, iyadoo sannadkii hore la dilay 18 wariye oo ka howlgalayay warbaahinta dalka, kuwaasoo intooda badan lagu dilay magaalada Muqdisho.

1/1/2013 12:36 AM EST
Heesta Sannadka Cusub ee 2013: Maxamed S. Tubeed - Waan heesayaayee, Sannad waliba hoodiyo howl iyo dhibaatiyo wuxuu hadimo leeyahay....