2014-10-20
Today from Hiiraan Online:  _
Wararka Maanta- Sabti, Feb 9 , 2013
Madasha Dumarka Soomaaliyeed ee Eskilstuna-Sweden oo la aas aasay (SAWIRRO)



Sabti, Feberaayo 09, 2013(HOL)— Shirar xiriir ah oo in muddo soo socday, isla markaana looga arrinsanayay dhismaha Madasha Dumarka Soomaaliyeed ee Eskilstuna ayaa gunaanadkoodii waxaa maanta lagu guuleystay in la dhameystiro dhismaha madasha, iyadoo shirkii maanta lagu doortay xubno guddi fulin ah oo 9 xubnood ka kooban, kuwaasi oo isugu jira rag iyo dumar.

 

Ka hor intii aan la doortay xubnaha Madasha Dumarka Soomaaliyeed waxaa khudbooyin ka jeediyay C/qaadir Maxamuud Walaayo, Nuur Cali Xasan, Sacdiyo Cabdulle Weged, Ciise Ismaaciil Ciise iyo Culumaa’udiin ay ka mid ahaayeen Shiikh C/xakiin iyo Shiikh C/raxmaan Faarax, kuwaasi oo dhammaantood muujiyay sida ay lagama maarmaanka u tahay midnimo ay la yimaadaan dadka Soomaaliyeed ee ku dhaqan Sweden, gaar ahaan Eskilstuna, bacdamaa sida ay yiraahdeen ay midnimo la’aantooda u soo hoos-geli karaan dhibaatooyin dhinaca bulshada ah.

 



Xubnihii Madasha lagu doortay 9 xubnood ahaa ayaa waxay magacyadooda kala yihiin:

 

Aamina Aadan

Xaliimo Cabdullaahi

Xaawo Cumar

Ismahaan Xasan

Luul Muuse

Faadumo Muuse

Astur Jeenyo

Ciise Ismaaciil Ciise

Samatar Cariif

 



Madasha Dumarka Soomaaliyeed ee Magaalada Eskilstuna ayaa waxay howshoodu tahay:

 

1-      Ilaalinta danaha guud  ee Bulshada Soomaaliyeed ee ku dhaqan magaaladaa Eskilstuna, xagga arrimaha bulshada iyo horumarinta dhaqaalaha qoyska Soomaaliyeed.

 

2-      Isdhexgalka bulshada ay la nool yihiin ee Swedish-ka ah iyo dadywoga kale ee ka yimid dalalka ay dhibaatooyinka ka dhaceen sida Soomaaliya oo kale, kuwaasi oo iyana ku nool Sweden.

 

3-      In uu door weyn ka qaato horumarka, aqoonta ardayda Soomaaliyeed ee wax ku barta Dugsiyada Swedish-ka ee dhibaatooyinka kala kulmay wax ku barashada afka Swedish-ka, si caawimaad dheeraad ah ay u helaan.

 

4-      In uu door ka qaato adkeynta midnimada shacabka Soomaaliyeed ee Eskilstuna iyo guud ahaan Sweden.
 


Dhismaha Madasha Dumarka Soomaaliyeed ee Eskilstuna ayaa waxay ka dambeysay codsi ka yimid dadka Swedish-ka ah ee martida loo yahay, kuwaasi oo Soomaalida ka codsaday in ay sameystaan Urur ay ku mideysan yihiin iyo xarun dadka isugu yimaadaan.
 

Shirkan lagu dhisay Madasha Haweenka Soomaaliyeed ee Eskilstuna iyo shirar kale oo badan oo gogol xaar ahaa ayaa waxaa fududeeyay Sacdiyo Cabdulle Weged, Nuur Cali Xasan, C/qaadir Maxamuud Walaayo iyo Ciise Ismaaciil Ciise.





 

 

Salaad Iidow Xasan (Xiis), Hiiraan Online

sxiis@hiiraan.com





Post your comments

2013-02-09 2:00 PM EST
Sabti, Feberaayo 09, 2013 (HOL) — Hay’adda isku-duba-ridka gargaarka bani’aadamnimo ee OCHA ayaa sheegtay in 6,300 oo qoxooti Soomaaliyeed ah oo ku noolaa dalka Kenya ay bishii hore ee Jannaayo si iskood ah ugu laabteen gudaha Soomaaliya.

2013-02-09 1:59 PM EST
Sabti, Feberaayo 09, 2013 (HOL) — Jaaliyadda Soomaaliyeed ee kaso jeeda gobollada Awdal, Selel iyo Gabiley ee Somaliland ayaa deeq lacaga soo gaadhsiiyay dadkii ku dhintay kuna dhaawacmay bannaanbaxyadii ka dhacay magaalooyinka Boorama iyo Saylac.

2013-02-09 8:30 AM EST
Sabti, Feberaayo 09, 2013 (HOL) — Hay'adda samafalka ee Humanitarian African Relief Organization (HARO) ayaa gargaar ay soo dhiibeen muslimiinta ku nool Waqooyiga Mareykanka u qabisay dad aragga la’ oo ku jira kaamka ku yaalla degamada Wadajir ee gobolka Banaadir.

2013-02-09 8:06 AM EST
Sabti, Feberaayo 09, 2013 (HOL) — Ra’iisul wasaaraha Soomaaliya, Cabdi Faarax Shir-doon (Saacid) ayaa maanta si rasmi ah u furay kulan looga doodayo xeerka isgaarsiinta iyo warbaahinta oo ay soo diyaarisay wasaaradda warfaafinta, isgaarsiinta iyo gadiidka, waxaana kasoo qayb-galay bahda saxaafadda, isgaariisnta iyo khuburo ka socota caalamka.

2013-02-09 8:05 AM EST
Sabti, Feberaayo 09, 2013 (HOL) — laba askari oo ka mid ah booliska Somaliland ayaa ku dhaawacmay rasaas ay ku fureen ciidanka Milatariga Itoobiya gaadhi anbad ah oo u talaabay dhinaca Itoobiya ee koonfurta magaalo xuduudka Wajaale.

2013-02-09 8:05 AM EST
Sabti, Feberaayo 09, 2013 (HOL) —Isku-day lagu doonayo in lagu soo af-jaro xiisad colaadeed oo maalmihii la soo dhaafay ka aloosnayd deegaanka Saax-dheer oo 70K-km Koonur-galbeed Galbeed kaga beegan magaaladda Laascaanood xarunta gobolka Sool.

2013-02-09 6:25 AM EST
Sabti, Feberaayo, 09, 2013 (HOL) – Tan iyo wixii ka danbeeyay markii si rasmi ah hay’adda MSF Swiss bishii December ee sanadkii 2012 u joojisay howlihii ay ka waday isbitaalka guud ee magaalada Baladweyne, waxaa jiray gargaar kala duwan oo la gaarsiinayay isbitaalka si loo suurtagaliyo sii socoshada adeegyada caafimaad ee uu isbitaalku u hayo bulshada ku dhaqan gobollka Hiiraan iyo deegaannada ku dhaw dhaw.

2013-02-09 5:58 AM EST
Sabti, Feberaayo 09, 2013 (HOL) — 13 Caruur Soomaali ah oo ku nool wadanka Uk ayaa helay abaal marinno qaali ah kuwaasi oo shan ka mid ah ay ku mutaysateen xifdinta qur’aanka kariimka, halka sideeda arday oo kale ay iyagana kaalimaha koobaad ay ka galeen iskuulladii ay dhiganayeen isla markaana ku wanaagsanaa dhanka barashada diinta islaamka.

2013-02-09 1:34 AM EST
Sabti, Feberaayo 09, 2013 (HOL) — Hay’adda cunnada adduunka ee WFP ayaa warbixin ay soo saartay Jimcihii shalay ku sheegtay inay qorsheynayso in 1.6-milyan qof Soomaaliya ay caawinayso sannadkan cusub, iyadoo intaas ku dartay in dadkaas intooda badan ay ku nool yihiin goobaha ay weli ka taliso Al-shabaab.

2013-02-09 1:01 AM EST
Sabti, Feberaayo 09, 2013 (HOL) — Dowladda Turkiga ayaa loogu baaqay inay dhexdhexaadiso dowladda Soomaaliya iyo xoogagga Al-shabaab ee dagaalka kula jira, si dalka nabaddiisa ay u soo laabato, iyadoo aysan jirin wax jawaab ah oo uu Turkigu ka bixiyay dalabkaas.

2013-02-09 12:35 AM EST
Sabti, Feberaayo 09, 2013 (HOL) — Kooxo hubeysan ayaa xalay weeraray matoorro kuwa dabka dhaliya ah oo ay leedahay shirkadda isgaarsiinta ee GOLIS, kuwaasoo dabka siiya magaalada Boosaaso, iyadoo aanay jirin wax khasaare ah oo uu geystay weerarkaas.