12/18/2014
Today from Hiiraan Online:  _
Wararka Maanta- Sabti, Feb 9 , 2013
Deeq lacageed oo la Guddoonsiiyay Dadkii ku Dhaawacmay Bannaan-baxyadii ka dhacay Boorame iyo Saylac (SAWIRRO)



Sabti, Feberaayo 09, 2013 (HOL) — Jaaliyadda Soomaaliyeed ee kaso jeeda gobollada Awdal, Selel iyo Gabiley ee Somaliland ayaa deeq lacaga soo gaadhsiiyay dadkii ku dhintay kuna dhaawacmay bannaanbaxyadii ka dhacay magaalooyinka Boorama iyo Saylac.

Deeqdan oo dhameyd 3,000 oo doollarka Mareykanka ah ayaa waxaa dadkii loogu talogalay gaarsiiyay, Xaaji C/qadir Aadan Nuur iyo Axmed Ibraahim Caateeye oo ah mid ka mid ah Soomaalida ku nool dalka Kuwati.

Qaybinta deeqdan ayaa goobjoog ka ahaa salaaddiinta gobolladan oo ay ka mid ahaayeen: Suldaan Abshir iyo Suldaan Maxamed Cabdi, kuwaasoo sidii loogu talo-galay ugu qaybiyay qoysaskii laba qof oo dhintay magaalooyinka Boorama iyo Lughaya iyo dhaawaca soo gaaray lix qof oo kale, kuwaasoo ku kala jiray isbitaallada magaalada Boorama.

Kaddib qaybinta lacagtan deeqda ah dadkii loogu talo-galay ayaa halkaas waxaa hadallo mahadnaq u badnaa ka oo jeediyay qoysaskii iyo waaliddiintii ay dadkoodu ku waxyeeloobeen dhacdooyinkaas kuwaasoo sheegay inay aad ugu mahad-celinayaan walaalahooda soo xasuustay kana filayaan kuwa kale inay sida jaaliyadda ku nool dalka Kuwait oo kale ay u soo gargaari doonaan.

Dhanka kale, waxaa iyagana halkaas baaq iyo mahadcelin kasoo jeediyay Xaaji C/qaadir Aadan Nuur, Suldaan Abshir iyo Suldaan Maamed Cabdi oo sheegay in jaaliyadda reer Kuwait ay noqdeen kuwii ugu horreeyay ee deeq lacageed u soo dirta walaalahooda dhibaabtadu ku dhacday, waxaa kaloo ay baaq u direen jaaliyadaha kale ee dunida dacalladeeda ku nool inay sidaas oo kale u soo diraan walaalahooda dhibaateysan deeqo kuwaas la mid ah.

Si kastaba ha ahaatee Soomaalida ku nool Kuwati ayaa noqonaya kuwii ugu horreeyay taakuleyn noocaas oo kale u soo dirtay dadkii waxyeelladu kasoo gaaree bannaanbaxyadii ka dhacay gobollada galbeedka Somaliland ku yaalla.




Khadro Xasan Nuux, Hiiraan Online
khadra783@hotmail.com
Boorama, Somaliland





Post your comments

2/9/2013 6:46 PM EST
Sabti, Feberaayo 09, 2013(HOL)— Shirar xiriir ah oo in muddo soo socday, isla markaana looga arrinsanayay dhismaha Madasha Dumarka Soomaaliyeed ee Eskilstuna ayaa gunaanadkoodii waxaa maanta lagu guuleystay in la dhameystiro dhismaha madasha, iyadoo shirkii maanta lagu doortay xubno guddi fulin ah oo 9 xubnood ka kooban, kuwaasi oo isugu jira rag iyo dumar.

2/9/2013 2:00 PM EST
Sabti, Feberaayo 09, 2013 (HOL) — Hay’adda isku-duba-ridka gargaarka bani’aadamnimo ee OCHA ayaa sheegtay in 6,300 oo qoxooti Soomaaliyeed ah oo ku noolaa dalka Kenya ay bishii hore ee Jannaayo si iskood ah ugu laabteen gudaha Soomaaliya.

2/9/2013 8:30 AM EST
Sabti, Feberaayo 09, 2013 (HOL) — Hay'adda samafalka ee Humanitarian African Relief Organization (HARO) ayaa gargaar ay soo dhiibeen muslimiinta ku nool Waqooyiga Mareykanka u qabisay dad aragga la’ oo ku jira kaamka ku yaalla degamada Wadajir ee gobolka Banaadir.

2/9/2013 8:06 AM EST
Sabti, Feberaayo 09, 2013 (HOL) — Ra’iisul wasaaraha Soomaaliya, Cabdi Faarax Shir-doon (Saacid) ayaa maanta si rasmi ah u furay kulan looga doodayo xeerka isgaarsiinta iyo warbaahinta oo ay soo diyaarisay wasaaradda warfaafinta, isgaarsiinta iyo gadiidka, waxaana kasoo qayb-galay bahda saxaafadda, isgaariisnta iyo khuburo ka socota caalamka.

2/9/2013 8:05 AM EST
Sabti, Feberaayo 09, 2013 (HOL) — laba askari oo ka mid ah booliska Somaliland ayaa ku dhaawacmay rasaas ay ku fureen ciidanka Milatariga Itoobiya gaadhi anbad ah oo u talaabay dhinaca Itoobiya ee koonfurta magaalo xuduudka Wajaale.

2/9/2013 8:05 AM EST
Sabti, Feberaayo 09, 2013 (HOL) —Isku-day lagu doonayo in lagu soo af-jaro xiisad colaadeed oo maalmihii la soo dhaafay ka aloosnayd deegaanka Saax-dheer oo 70K-km Koonur-galbeed Galbeed kaga beegan magaaladda Laascaanood xarunta gobolka Sool.

2/9/2013 6:25 AM EST
Sabti, Feberaayo, 09, 2013 (HOL) – Tan iyo wixii ka danbeeyay markii si rasmi ah hay’adda MSF Swiss bishii December ee sanadkii 2012 u joojisay howlihii ay ka waday isbitaalka guud ee magaalada Baladweyne, waxaa jiray gargaar kala duwan oo la gaarsiinayay isbitaalka si loo suurtagaliyo sii socoshada adeegyada caafimaad ee uu isbitaalku u hayo bulshada ku dhaqan gobollka Hiiraan iyo deegaannada ku dhaw dhaw.

2/9/2013 5:58 AM EST
Sabti, Feberaayo 09, 2013 (HOL) — 13 Caruur Soomaali ah oo ku nool wadanka Uk ayaa helay abaal marinno qaali ah kuwaasi oo shan ka mid ah ay ku mutaysateen xifdinta qur’aanka kariimka, halka sideeda arday oo kale ay iyagana kaalimaha koobaad ay ka galeen iskuulladii ay dhiganayeen isla markaana ku wanaagsanaa dhanka barashada diinta islaamka.

2/9/2013 1:34 AM EST
Sabti, Feberaayo 09, 2013 (HOL) — Hay’adda cunnada adduunka ee WFP ayaa warbixin ay soo saartay Jimcihii shalay ku sheegtay inay qorsheynayso in 1.6-milyan qof Soomaaliya ay caawinayso sannadkan cusub, iyadoo intaas ku dartay in dadkaas intooda badan ay ku nool yihiin goobaha ay weli ka taliso Al-shabaab.

2/9/2013 1:01 AM EST
Sabti, Feberaayo 09, 2013 (HOL) — Dowladda Turkiga ayaa loogu baaqay inay dhexdhexaadiso dowladda Soomaaliya iyo xoogagga Al-shabaab ee dagaalka kula jira, si dalka nabaddiisa ay u soo laabato, iyadoo aysan jirin wax jawaab ah oo uu Turkigu ka bixiyay dalabkaas.

2/9/2013 12:35 AM EST
Sabti, Feberaayo 09, 2013 (HOL) — Kooxo hubeysan ayaa xalay weeraray matoorro kuwa dabka dhaliya ah oo ay leedahay shirkadda isgaarsiinta ee GOLIS, kuwaasoo dabka siiya magaalada Boosaaso, iyadoo aanay jirin wax khasaare ah oo uu geystay weerarkaas.