2014-04-17
Today from Hiiraan Online:  _
Wararka Maanta- Sabti, Feb 9 , 2013
Hay’adda HARO oo deeq ay soo dhiibeen Muslimiinta Waqooyiga Ameerika ku nool ka qaybisay Muqdisho (SAWIRRO)


Sabti, Feberaayo 09, 2013 (HOL) — Hay'adda samafalka ee Humanitarian African Relief Organization (HARO) ayaa gargaar ay soo dhiibeen muslimiinta ku nool Waqooyiga Mareykanka u qabisay dad aragga la’ oo ku jira kaamka ku yaalla degamada Wadajir ee gobolka Banaadir.

Sidoo kale dadka indhaha naafada ka ah ee gargaarka loo qaybiyay ayaa waxaa ku jiray arday indhoolayaal ah oo dhigta dugsiga Indhoolayaasha ee Al-nuur ee magaalada Muqdisho.

Hay’adda ayaa sidoo kale deeq u badan joodariyaal ayaa waxay gaarsiiyeen dad ku jira isbitaalka lagu xannaaneeyo dadka dhimirka la’ ee Ahlu-khayr, waxaana dadka la gaarsiiyay deeqdan ay ku kala sugnaayeen degmooyinka Wadajir, Xamar-jabjab iyo Hodon.

Dadkaas dhibaatooyinka kala duwan qaba ayaa ka koobnaa 200 oo qoys , raashinka la siiyayna ayaa wuxuu isugu jiray, bariis, bur, sokor, saliid iyo joodariyaal. Iyadoo intii ay qaybintaas socotaey dusha ka eegayay xubno ka tirsan xafiiska HARO ee Muqdisho, kuwaasoo u kuur-galayay sida qaybintu ay u socotay iyo in la gaarsiiyay dadkii u baahnaa gargaarkaas.

Deeqdan ballaaran ayaa waxaa soo dhiibay walaalaha muslimiinta ah ee ku nool Waqooyiga Ameerika, kuwaasoo kusoo hagaajiyey hay’adda HARO si ay u gaarsiiyaan dadka u baahan deeqdaas .

Markii deeqdan la qaybiyay ayaa waxaa saxaafadda la hadlay la hadlay, Sheekh Bashiir Maxamed oo ka mid ahaa indhoolayaashii deeqdan la siiyay iyo Cabdiraxamaan Ahlu-khayr oo ka socdey isbitaalka dhimirka ee Ahlu-khayr, iyagoo u mahadceliyay walaalaha muslimiinta ee deeqdan soo dhiibay iyo hay’addii soo gaarsiisay ee HARO , iyagoo ALLE uga baryay inuu ugu mid ka kheyr badan ugu bedelo.

Hay’adda HARO waa hay’ad samafal oo ka howlgasha guud ahaan Somalia, waana hay’ad caawinta dadka dhibaateysan, waxayna deeqo gargaar oo fara badan ka qaybisay dhammaan gobolada Soomaaliya, iyadoo mas’uuliyiinta hay’adda ay sheegeen inay halkaas kasii wadi doonaan caawinta ummadda Soomaaliyeed meel kasta oo ay joogaan.






Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-02-09 6:46 PM EST
Sabti, Feberaayo 09, 2013(HOL)— Shirar xiriir ah oo in muddo soo socday, isla markaana looga arrinsanayay dhismaha Madasha Dumarka Soomaaliyeed ee Eskilstuna ayaa gunaanadkoodii waxaa maanta lagu guuleystay in la dhameystiro dhismaha madasha, iyadoo shirkii maanta lagu doortay xubno guddi fulin ah oo 9 xubnood ka kooban, kuwaasi oo isugu jira rag iyo dumar.

2013-02-09 2:00 PM EST
Sabti, Feberaayo 09, 2013 (HOL) — Hay’adda isku-duba-ridka gargaarka bani’aadamnimo ee OCHA ayaa sheegtay in 6,300 oo qoxooti Soomaaliyeed ah oo ku noolaa dalka Kenya ay bishii hore ee Jannaayo si iskood ah ugu laabteen gudaha Soomaaliya.

2013-02-09 1:59 PM EST
Sabti, Feberaayo 09, 2013 (HOL) — Jaaliyadda Soomaaliyeed ee kaso jeeda gobollada Awdal, Selel iyo Gabiley ee Somaliland ayaa deeq lacaga soo gaadhsiiyay dadkii ku dhintay kuna dhaawacmay bannaanbaxyadii ka dhacay magaalooyinka Boorama iyo Saylac.

2013-02-09 8:06 AM EST
Sabti, Feberaayo 09, 2013 (HOL) — Ra’iisul wasaaraha Soomaaliya, Cabdi Faarax Shir-doon (Saacid) ayaa maanta si rasmi ah u furay kulan looga doodayo xeerka isgaarsiinta iyo warbaahinta oo ay soo diyaarisay wasaaradda warfaafinta, isgaarsiinta iyo gadiidka, waxaana kasoo qayb-galay bahda saxaafadda, isgaariisnta iyo khuburo ka socota caalamka.

2013-02-09 8:05 AM EST
Sabti, Feberaayo 09, 2013 (HOL) — laba askari oo ka mid ah booliska Somaliland ayaa ku dhaawacmay rasaas ay ku fureen ciidanka Milatariga Itoobiya gaadhi anbad ah oo u talaabay dhinaca Itoobiya ee koonfurta magaalo xuduudka Wajaale.

2013-02-09 8:05 AM EST
Sabti, Feberaayo 09, 2013 (HOL) —Isku-day lagu doonayo in lagu soo af-jaro xiisad colaadeed oo maalmihii la soo dhaafay ka aloosnayd deegaanka Saax-dheer oo 70K-km Koonur-galbeed Galbeed kaga beegan magaaladda Laascaanood xarunta gobolka Sool.

2013-02-09 6:25 AM EST
Sabti, Feberaayo, 09, 2013 (HOL) – Tan iyo wixii ka danbeeyay markii si rasmi ah hay’adda MSF Swiss bishii December ee sanadkii 2012 u joojisay howlihii ay ka waday isbitaalka guud ee magaalada Baladweyne, waxaa jiray gargaar kala duwan oo la gaarsiinayay isbitaalka si loo suurtagaliyo sii socoshada adeegyada caafimaad ee uu isbitaalku u hayo bulshada ku dhaqan gobollka Hiiraan iyo deegaannada ku dhaw dhaw.

2013-02-09 5:58 AM EST
Sabti, Feberaayo 09, 2013 (HOL) — 13 Caruur Soomaali ah oo ku nool wadanka Uk ayaa helay abaal marinno qaali ah kuwaasi oo shan ka mid ah ay ku mutaysateen xifdinta qur’aanka kariimka, halka sideeda arday oo kale ay iyagana kaalimaha koobaad ay ka galeen iskuulladii ay dhiganayeen isla markaana ku wanaagsanaa dhanka barashada diinta islaamka.

2013-02-09 1:34 AM EST
Sabti, Feberaayo 09, 2013 (HOL) — Hay’adda cunnada adduunka ee WFP ayaa warbixin ay soo saartay Jimcihii shalay ku sheegtay inay qorsheynayso in 1.6-milyan qof Soomaaliya ay caawinayso sannadkan cusub, iyadoo intaas ku dartay in dadkaas intooda badan ay ku nool yihiin goobaha ay weli ka taliso Al-shabaab.

2013-02-09 1:01 AM EST
Sabti, Feberaayo 09, 2013 (HOL) — Dowladda Turkiga ayaa loogu baaqay inay dhexdhexaadiso dowladda Soomaaliya iyo xoogagga Al-shabaab ee dagaalka kula jira, si dalka nabaddiisa ay u soo laabato, iyadoo aysan jirin wax jawaab ah oo uu Turkigu ka bixiyay dalabkaas.

2013-02-09 12:35 AM EST
Sabti, Feberaayo 09, 2013 (HOL) — Kooxo hubeysan ayaa xalay weeraray matoorro kuwa dabka dhaliya ah oo ay leedahay shirkadda isgaarsiinta ee GOLIS, kuwaasoo dabka siiya magaalada Boosaaso, iyadoo aanay jirin wax khasaare ah oo uu geystay weerarkaas.