2014-10-24
Today from Hiiraan Online:  _
Wararka Maanta- Sabti, Feb 9 , 2013
Hay’adda Mama Asha Foundation oo Deeq Gaarsiisay Maanta Isbitaalka guud ee Magaalada Baladweyne ee Gobolka Hiiraan



Sabti, Feberaayo, 09, 2013 (HOL) – Tan iyo wixii ka danbeeyay markii si rasmi ah hay’adda MSF Swiss bishii December ee sanadkii 2012 u joojisay howlihii ay ka waday isbitaalka guud ee magaalada Baladweyne, waxaa jiray gargaar kala duwan oo la gaarsiinayay isbitaalka si loo suurtagaliyo sii socoshada adeegyada caafimaad ee uu isbitaalku u hayo bulshada ku dhaqan gobollka Hiiraan iyo deegaannada ku dhaw dhaw.

Hadaba hay’adda Mama Asha Foundation ayaa gaarsiisay isbitaalka deeq ka kooban 12 Sariir, Sagaal Joodari, iyo Shidaal loogu talgalay in lagu caawiyo isbitaalka guud ee magaalada Baladweyne oo adeegyo kala duwan siiya maalin kasta in ka badan 100 bukaan ah oo ka kooban qeybaha bulshada.

Sola Max’ed Sola oo ah wakiilka hay’adda Mama Asha Foundation ee gobollka Hiiraan oo deeqda guddoonsiiyay maamulka Isbitaalka magaalada Baladweyna, ayaa sheegay in gargaarkan ay soo gaarsiiyeen isbitaalka ay u arkeen mid muhiim a, isaga oo sharxaad ka bixiyay sababta ay u doorteen in ay sariiro ku deeqaan.
 
‘’Marka la eego adeegyada caafimaad ee uu bixiyo isbitaalka iyo sariiraha hadda yaala waa mid kala badan, sidaa daraadeed in dhinaca sariiraha laga saacido isbitaalka annaga muhiimad gaar ah ayeey noo leedahay,’’ayuu yiri Sola Max’ed Sola.

Maamulka isbitaalka oo la wareegay deeqda ayaa uga mahad celiyay hay’adda Mama Asha Foundation gargaarka ay soo gaarsiisay oo sida ay sheegeen ah mid ay siweyn ugu baahnaayeen.

Guddiga la shaqeeya maamulka isbitaalka ayaa marar badan qeylo dhaan u dirray hay’addaha samafalka, jaaliyadaha dibada iyo shirkadaha si loo caawiyo isbitaalka oo adeeg balaaran oo dhinaca caafimaadka ah u haya qeybaha bulshada gobollka.

Waa gargaarkii ugu horeeyay oo ay hay’adda Mama Asha Foundation ay gaarsiiso isbitaalka Baladweyne, inkastoo ay jiraan howlo samafal ah oo ay horay uga qabatay dagaanno kala duwan oo ka tirsan gobollka Hiiraan.


 

C/raxmaan Diini, Hiiraan Online
Baladweyne, Soomaaliya.




Post your comments

2013-02-09 6:46 PM EST
Sabti, Feberaayo 09, 2013(HOL)— Shirar xiriir ah oo in muddo soo socday, isla markaana looga arrinsanayay dhismaha Madasha Dumarka Soomaaliyeed ee Eskilstuna ayaa gunaanadkoodii waxaa maanta lagu guuleystay in la dhameystiro dhismaha madasha, iyadoo shirkii maanta lagu doortay xubno guddi fulin ah oo 9 xubnood ka kooban, kuwaasi oo isugu jira rag iyo dumar.

2013-02-09 2:00 PM EST
Sabti, Feberaayo 09, 2013 (HOL) — Hay’adda isku-duba-ridka gargaarka bani’aadamnimo ee OCHA ayaa sheegtay in 6,300 oo qoxooti Soomaaliyeed ah oo ku noolaa dalka Kenya ay bishii hore ee Jannaayo si iskood ah ugu laabteen gudaha Soomaaliya.

2013-02-09 1:59 PM EST
Sabti, Feberaayo 09, 2013 (HOL) — Jaaliyadda Soomaaliyeed ee kaso jeeda gobollada Awdal, Selel iyo Gabiley ee Somaliland ayaa deeq lacaga soo gaadhsiiyay dadkii ku dhintay kuna dhaawacmay bannaanbaxyadii ka dhacay magaalooyinka Boorama iyo Saylac.

2013-02-09 8:30 AM EST
Sabti, Feberaayo 09, 2013 (HOL) — Hay'adda samafalka ee Humanitarian African Relief Organization (HARO) ayaa gargaar ay soo dhiibeen muslimiinta ku nool Waqooyiga Mareykanka u qabisay dad aragga la’ oo ku jira kaamka ku yaalla degamada Wadajir ee gobolka Banaadir.

2013-02-09 8:06 AM EST
Sabti, Feberaayo 09, 2013 (HOL) — Ra’iisul wasaaraha Soomaaliya, Cabdi Faarax Shir-doon (Saacid) ayaa maanta si rasmi ah u furay kulan looga doodayo xeerka isgaarsiinta iyo warbaahinta oo ay soo diyaarisay wasaaradda warfaafinta, isgaarsiinta iyo gadiidka, waxaana kasoo qayb-galay bahda saxaafadda, isgaariisnta iyo khuburo ka socota caalamka.

2013-02-09 8:05 AM EST
Sabti, Feberaayo 09, 2013 (HOL) — laba askari oo ka mid ah booliska Somaliland ayaa ku dhaawacmay rasaas ay ku fureen ciidanka Milatariga Itoobiya gaadhi anbad ah oo u talaabay dhinaca Itoobiya ee koonfurta magaalo xuduudka Wajaale.

2013-02-09 8:05 AM EST
Sabti, Feberaayo 09, 2013 (HOL) —Isku-day lagu doonayo in lagu soo af-jaro xiisad colaadeed oo maalmihii la soo dhaafay ka aloosnayd deegaanka Saax-dheer oo 70K-km Koonur-galbeed Galbeed kaga beegan magaaladda Laascaanood xarunta gobolka Sool.

2013-02-09 5:58 AM EST
Sabti, Feberaayo 09, 2013 (HOL) — 13 Caruur Soomaali ah oo ku nool wadanka Uk ayaa helay abaal marinno qaali ah kuwaasi oo shan ka mid ah ay ku mutaysateen xifdinta qur’aanka kariimka, halka sideeda arday oo kale ay iyagana kaalimaha koobaad ay ka galeen iskuulladii ay dhiganayeen isla markaana ku wanaagsanaa dhanka barashada diinta islaamka.

2013-02-09 1:34 AM EST
Sabti, Feberaayo 09, 2013 (HOL) — Hay’adda cunnada adduunka ee WFP ayaa warbixin ay soo saartay Jimcihii shalay ku sheegtay inay qorsheynayso in 1.6-milyan qof Soomaaliya ay caawinayso sannadkan cusub, iyadoo intaas ku dartay in dadkaas intooda badan ay ku nool yihiin goobaha ay weli ka taliso Al-shabaab.

2013-02-09 1:01 AM EST
Sabti, Feberaayo 09, 2013 (HOL) — Dowladda Turkiga ayaa loogu baaqay inay dhexdhexaadiso dowladda Soomaaliya iyo xoogagga Al-shabaab ee dagaalka kula jira, si dalka nabaddiisa ay u soo laabato, iyadoo aysan jirin wax jawaab ah oo uu Turkigu ka bixiyay dalabkaas.

2013-02-09 12:35 AM EST
Sabti, Feberaayo 09, 2013 (HOL) — Kooxo hubeysan ayaa xalay weeraray matoorro kuwa dabka dhaliya ah oo ay leedahay shirkadda isgaarsiinta ee GOLIS, kuwaasoo dabka siiya magaalada Boosaaso, iyadoo aanay jirin wax khasaare ah oo uu geystay weerarkaas.