2014-10-24
Today from Hiiraan Online:  _
Wararka Maanta- Sabti, Feb 9 , 2013
Dowladda Turkiga oo loogu baaqay inay dhexdhexaadiso Dowladda Federaalka Soomaaliya iyo Xarakada Al-Shabaab


Somali scholars call on Turkey to mediate talks with al-Shabaab
Sabti, Feberaayo 09, 2013 (HOL) — Dowladda Turkiga ayaa loogu baaqay inay dhexdhexaadiso dowladda Soomaaliya iyo xoogagga Al-shabaab ee dagaalka kula jira, si dalka nabaddiisa ay u soo laabato, iyadoo aysan jirin wax jawaab ah oo uu Turkigu ka bixiyay dalabkaas.

Gole ay leeyihiin ardayda Soomaaliyeed ee wax ka barta Turkiga ayaa shalay oo Jimco ahayd u soo jeediyay xukuumadda Turkiga inay billowdo sidii ay u dhexdhexaadin lahayd dowladda Soomaaliya iyo kooxda Al-shabaab.

“Qof walba waa og-yahay in Turkiga uu yahay dalka keliya ee Soomaaliya ka sameeyay dadaallo bani’aadamnimo iyo howlo Islaami ah. Sidaa daraadeed waxaan dalbanaynaa inay gacan ka geystaan sidii ay u dhedhexaadin lahaayeen dhinacyada isku haya Soomaaliya,” ayuu yiri Bashiir Salaad oo la hadlay wakaladda wararka Turkiga isagoo ku hadlayay magaca ardayda Soomaaliyeed ee wax ka barta dalkaas.

Bashiir wuxuu intaas ku daray in dowladda Turkiga ay tahay dowlad weyn oo xal u heli karta muskiladda ka aloosan Soomaaliya, taasna ay tahay sababta ay uga dalbanayaan inay qayb weyn ka qaadato xal u raadinta Soomaaliya.

“In heshiis lala galo Al-shabaab waa mid muhiimad weyn leh, balse ma ahan mid dhib yar. Waxaana oo jeedin lahayn in xal u helidda muskhiladdan loo maro qaab nabadeed ay siyaasadi ku mal-dahan-tahay,” ayuu Bashiir Salaad hadalkiisa ku daray.

Dalka Turkiga ayaa waxaa ku sugan kumannaan arday Soomaaliyeed ah oo deeqo waxbarasho ka helay dalkaas, iyadoo dalabkan uu noqonayo kii ugu horreeyay oo ay ardaydaas ay u jeediyaan Turkiga, maadaama ay Turkigu saameyn ku leeyihiin arrimaha Soomaaliya.

Xukuumada Turkiga ayaa horay isugu dayday inay dowladda Soomaaliya iyo Al-shabaab dhexdhexaadiso, inkastoo aysan taas ku guuleysan, sidoo kalena ma jiro hadal arrintan ku saabsan oo kasoo baxay dowladda Soomaaliya iyo Al-shabaab.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-02-09 6:46 PM EST
Sabti, Feberaayo 09, 2013(HOL)— Shirar xiriir ah oo in muddo soo socday, isla markaana looga arrinsanayay dhismaha Madasha Dumarka Soomaaliyeed ee Eskilstuna ayaa gunaanadkoodii waxaa maanta lagu guuleystay in la dhameystiro dhismaha madasha, iyadoo shirkii maanta lagu doortay xubno guddi fulin ah oo 9 xubnood ka kooban, kuwaasi oo isugu jira rag iyo dumar.

2013-02-09 2:00 PM EST
Sabti, Feberaayo 09, 2013 (HOL) — Hay’adda isku-duba-ridka gargaarka bani’aadamnimo ee OCHA ayaa sheegtay in 6,300 oo qoxooti Soomaaliyeed ah oo ku noolaa dalka Kenya ay bishii hore ee Jannaayo si iskood ah ugu laabteen gudaha Soomaaliya.

2013-02-09 1:59 PM EST
Sabti, Feberaayo 09, 2013 (HOL) — Jaaliyadda Soomaaliyeed ee kaso jeeda gobollada Awdal, Selel iyo Gabiley ee Somaliland ayaa deeq lacaga soo gaadhsiiyay dadkii ku dhintay kuna dhaawacmay bannaanbaxyadii ka dhacay magaalooyinka Boorama iyo Saylac.

2013-02-09 8:30 AM EST
Sabti, Feberaayo 09, 2013 (HOL) — Hay'adda samafalka ee Humanitarian African Relief Organization (HARO) ayaa gargaar ay soo dhiibeen muslimiinta ku nool Waqooyiga Mareykanka u qabisay dad aragga la’ oo ku jira kaamka ku yaalla degamada Wadajir ee gobolka Banaadir.

2013-02-09 8:06 AM EST
Sabti, Feberaayo 09, 2013 (HOL) — Ra’iisul wasaaraha Soomaaliya, Cabdi Faarax Shir-doon (Saacid) ayaa maanta si rasmi ah u furay kulan looga doodayo xeerka isgaarsiinta iyo warbaahinta oo ay soo diyaarisay wasaaradda warfaafinta, isgaarsiinta iyo gadiidka, waxaana kasoo qayb-galay bahda saxaafadda, isgaariisnta iyo khuburo ka socota caalamka.

2013-02-09 8:05 AM EST
Sabti, Feberaayo 09, 2013 (HOL) — laba askari oo ka mid ah booliska Somaliland ayaa ku dhaawacmay rasaas ay ku fureen ciidanka Milatariga Itoobiya gaadhi anbad ah oo u talaabay dhinaca Itoobiya ee koonfurta magaalo xuduudka Wajaale.

2013-02-09 8:05 AM EST
Sabti, Feberaayo 09, 2013 (HOL) —Isku-day lagu doonayo in lagu soo af-jaro xiisad colaadeed oo maalmihii la soo dhaafay ka aloosnayd deegaanka Saax-dheer oo 70K-km Koonur-galbeed Galbeed kaga beegan magaaladda Laascaanood xarunta gobolka Sool.

2013-02-09 6:25 AM EST
Sabti, Feberaayo, 09, 2013 (HOL) – Tan iyo wixii ka danbeeyay markii si rasmi ah hay’adda MSF Swiss bishii December ee sanadkii 2012 u joojisay howlihii ay ka waday isbitaalka guud ee magaalada Baladweyne, waxaa jiray gargaar kala duwan oo la gaarsiinayay isbitaalka si loo suurtagaliyo sii socoshada adeegyada caafimaad ee uu isbitaalku u hayo bulshada ku dhaqan gobollka Hiiraan iyo deegaannada ku dhaw dhaw.

2013-02-09 5:58 AM EST
Sabti, Feberaayo 09, 2013 (HOL) — 13 Caruur Soomaali ah oo ku nool wadanka Uk ayaa helay abaal marinno qaali ah kuwaasi oo shan ka mid ah ay ku mutaysateen xifdinta qur’aanka kariimka, halka sideeda arday oo kale ay iyagana kaalimaha koobaad ay ka galeen iskuulladii ay dhiganayeen isla markaana ku wanaagsanaa dhanka barashada diinta islaamka.

2013-02-09 1:34 AM EST
Sabti, Feberaayo 09, 2013 (HOL) — Hay’adda cunnada adduunka ee WFP ayaa warbixin ay soo saartay Jimcihii shalay ku sheegtay inay qorsheynayso in 1.6-milyan qof Soomaaliya ay caawinayso sannadkan cusub, iyadoo intaas ku dartay in dadkaas intooda badan ay ku nool yihiin goobaha ay weli ka taliso Al-shabaab.

2013-02-09 12:35 AM EST
Sabti, Feberaayo 09, 2013 (HOL) — Kooxo hubeysan ayaa xalay weeraray matoorro kuwa dabka dhaliya ah oo ay leedahay shirkadda isgaarsiinta ee GOLIS, kuwaasoo dabka siiya magaalada Boosaaso, iyadoo aanay jirin wax khasaare ah oo uu geystay weerarkaas.