2014-09-01
Today from Hiiraan Online:  _
Wararka Maanta- Khamiis, Feb 8 , 2013
Mudaaharaad looga horjeeday Madaxweynaha Puntland oo Maanta ka dhacay Magaalada Boosaaso (SAWIRRO)



Jimco, Feberaayo 08, 2013 (HOL) — Muddaaharaad muddo kooban socday oo looga soo horjeedo madaxweynaha Puntland, C/raxmaan Sheekh Maxamed Maxamuud (Faroole) ayaa maanta ka dhacay magaalada Boosaaso ee xatunyta gobolka Bari.

NMdaaharaadayaasha oo socod ku maray qaar ka mid ah jidadka waaweyn ee Boosaaso ayaa waxay ku dhawaaqayeen eryo liddi ku ah xukuumadda  uu hoggaaminayo xukuumadda Puntland iyo geedi-socodka dimuqraadiyadda.

Garyaqaan Axmed Maxamed Yuusuf (Taran) oo ka mid ah mas’uuliyiintii soo qaban-qaabiyay dibadbaxaan ayaa u sheegay idaacadda VOA-da in dadku ay ka careysan yihiin muddo kororsiga uu sameeyay Faroole.

“Dibadbaxu wuxuu ahaa mid nabadeed wax dhibaato ah oo ka dhashayna ma jirto, balse dadku waxay ka cabanayaan muddo kororsiga halka sano ah ee uu sameeyya Faroole. Runtiina muddo kororsigu waa mid khasab ah,” ayuu yiri garyaqaanka.

Sidoo kale, garyaqaanku wuxuu sheegay in dadka dibadbaxa sameynayay ay dalbadeen in xukuumaddu ay xilka ka dagto, shacabkuna ay soo doortaan maamul cusub, maadaama Faroole muddo kororsigiisu uu yahay mid khasab ah oo aanu shacabka raalli ka ahayn.

Mar la weydiiyay in madaxweyne Faroole uu sheegay in halka sano uu xilka sii haynayo la diyaarinayo doorashooyin maadaama la ogolaaday in la furto axsaab tartamaysa ayaa yiri: “Waxay ahayd inuu laba sano ka hor billaabo hannaanka xisbiyada iyo diyaargarowga doorashooyinka, balse tani ay tahay mid uu uga dan leeyahay inuu xukunka xoog ku haysto.”

Ciidamada ammaanka Puntland ayaa wax faragelin ah ku sameyn dibabaxii maanta dhacay, inkastoo maalintii Talaadada ahayd ee lasoo dhaafay ay ciidamadu kala eryeen boqolaal ruux oo qorsheynayay inay dhigaan dibad-bax kan la mid ah.

Inkastoo maamulka Puntland uusan ka hadlin mudaaharaadkii maanta ka dhacay, ayaa haddana wasiirka amniga Puntland, Col. Khaliif Ciise Mudan oo saxaafada la hadlay Arbacadii lasoo dhaafay ayaa si kulul uga hadlay arrintan, wuxuuna digniin u diray siyaasiyiin uu tilmaamay inay ku howlan yihiin sidii ay qas iyo fowdo uga abuuri lahaayeen Puntland.



Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-02-08 12:07 PM EST
Jimco, Feberaayo 08, 2013 (HOL) — Madaxweynaha dowladda Soomaaliya, Xasan Sheekh Maxamuud oo ka hadlay ciidamada ay Xukuumadda Britain sheegtay inay u dirayso Soomaaliya ayaa sheegay in ciidamadaas aysan wax lug ah ku yeelan doonin howgallada milateri ee dalka ka socda.

2013-02-08 12:02 PM EST
Jimco, Feberaayo 08, 2013 (HOL) — Xisbiga mucaaradka ah ee WADANI ayaa xukuumadda ku dhaliilay wada shaqayn la’aan kaliftay in arrimihii amniga wax laga sheego iyo khilaaf uu sheegay inuu ka dhex jiro madaxweynaha iyo madaxweyne ku xigeenka oo maalmihii u dambeeyey la hadal hayey.

2013-02-08 11:14 AM EST
Jimco, February 08, 2013(HOL): Waxaa magaaladda Buuhoodle ee Gobolka Caymeed laga bilaabay dhisme isbitaal lagu xanaanaynayo dadka dhimrka wax ka qaba, kaas oo loogu magac daray Dr. Xabeeb.

2013-02-08 10:54 AM EST
Jimco, February 08, 2013(HOL): Wararka naga soo gaaraya Magaalada Baydhabo ee xarunta u ah Gobolka Bay ayaa waxay sheegayaan in xaaladda magaaladaas ay aad u kacsan tahay kaddib markii ay la weeraray hotel uu magaalada Baydhabo ka deganaa guddoomiyaha cusub ee ay dowladda Soomaaliya u magacawday Gobolka Bay.

2013-02-08 7:56 AM EST
Jimco, Feberaayo 08, 2013 (HOL) —Madaxweeynaha dowladda Federaalka Soomaaliya Mudane Xasan Sheekh Max’uud iyo wafdigii uu hogaaminayay ayaa maanta dib ugu soo laabtay dalka kadib safarro kala duwan oo ay kusoo kala bixiyeen qaar katirsan wadamada caalamka.

2013-02-08 7:17 AM EST
Jimco, Feberaayo, 08, 2013 (HOL) -- Mas’uuliyiinta maxkamadda ciidamada qalabka sida dowladda Soomaaliya oo maalintii shalay gaaray magaalada Baladweyne ee xarunta gobollka Hiiraan ayaa maanta xukunno isugu jira dil toogasho iyo xabsi waxaa ay ku riday eedeysanayaal la hor keenay maxkamadda.

2013-02-08 7:07 AM EST
Jimco, Feberaayo 08, 2013 (HOL) —Maamulka KMG ee magaalada Kismaayo ayaa sheegay in ay socdaan dadaallo ay ugu jiraan sidii xooogagga Al-shabaab ay uga saari lahaayeen qeybaha ay uga suganyihiin gobollada Jubooyinka.

2013-02-08 6:03 AM EST
Jimco, Feberaayo 08, 2013 (HOL) —Qarax xooggan ayaa saaka gudaha magaalada Kismaayo lagula eegtay gaari ciidan oo ay wateen askar katirsan ciidamada dowladda, xilli uu marayay xaafadda Calanleey ee magaalada Kismaayo.

2013-02-08 1:50 AM EST
Jimco, Feberaayo 08, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo oo safar shaqo ku jooga adlka Masar ayaa xalay magaalada Qaahira kula kulmay jaaliyadda Soomaaliyeed ee ku nool dalka Masar.

2013-02-08 1:39 AM EST
Jimco, Feberaayo 08, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa sheegay in hay’adaha garsoorka dalka ay ka madaxbannaan yihiin hay’adaha kale ee xukuumadda, isagoo xusay in maxkamaduhu ay iyaga u madaxbannaan yihiin xukunnada ay ridayaan.