3/19/2024
Today from Hiiraan Online:  _
Wararka Maanta- Jimco, Feb 8 , 2013
Dhismaha Isbitaal lagu Xannaaneynayo dadka Maskaxda la' oo laga billaabay Magaalada Buuhoodle

Jimco, February 08, 2013(HOL): Waxaa magaaladda Buuhoodle ee Gobolka Caymeed laga bilaabay dhisme isbitaal lagu xanaanaynayo dadka dhimrka wax ka qaba, kaas oo loogu magac daray Dr. Xabeeb.

 

Magaaladda Buuhoodle oo bishii aan soo dhaafnay laga furay Isbitaal dadka maskaxda wax uga dhiman yihiin oo ay ku soo qulqulayeen boqolaal dad ah uuna qaadi waayey sida uu sheegay Dr. C/raxmaan Cali Cawaale Xabeeb hoygii ay deganaayeen ayaa waxaa la dhagax dhigay xarun isbitaalkaasi yeelanayo.

 

Dhulka Isbitaalkaas oo loogu magac daray Dr. Xabeeb ayaa waxaa  ku deeqay Bille Faarax  Maxamed Gucure oo ka mid ah qurba joogta degaankaasi oo ku sugan wadanka Maraykanka.

 

Jaamac Xasan Cabdi Jini oo halkaasi ka hadlay ayaa waxa uu sheegay in qurbajoog ahaan ay sameeyeen Hay`ad ay u bixiyeen Ilays Relief Organizaition taas oo shaqayn doonta balse haatan hawsha ay qabanaysaa ay tahay Isbitaalka Xabeeb.

 

Maamulaha  Xaruntaas Dr. C/raxmaan Cali Cawaale Xabeeb ayaa waxa uu aad u soo dhoweeyey dadka reer buuhoodle oo aan u kala hadhin sidii ay gacan uga siin lahaayeen hawalaha uu wado, waxaanu si aad ah uga mahad celiyey magacbixinta Xaruntaasi oo loogu magac daray.

 

Dr. Xabeeb waxa uu ka war bixiyey Isbitaalada ku yaala magaaladda Muqdisho oo uu intooda badan sheegay in loogu magac daray ragii dhisay oo ay ka mid ahaayeen sida uu sheegay Eng. Difer, Eng, Martini iyo qaarkaloo badan, taas uu uga mahad naqay dadka reer buuhoodle Nolosha ay isga ku xuseen magiciisana ku weyneeyeen.

 

Madaxda dhaqanka oo halkaasi ka hadlay ayaa waxaa ka mid ahaa Suldaan Siciid Cismaan  Cali ayaa waxaa ugu baaqay qurbajoog iyo daljoogba inay si degdeg ah isugu xilqaamaan dhisida iyo dhamaystirka Isbitaalka Dhimirka ee Xabeeb

 

Suldaan Siciid waxa uu dawladda federaalka ka codsaday in ay wax kala qabtaan hawlaha ay dadka reer Buuhoodle keligood wadaan isagoo xusay Garoonka Diyaaraddaha ee ay wadaan sanadaha badan iyo Isbitaalkanba.

 

Ugu danbayntii waxaa halkaasi duco iyo waano iyo waxtarba ku soo gabagabeeyey Cali iyo Garaad C/laahi Garaad Soofe Duraan oo sheegay in iskaashigu uu yahay furaha horumarka isla markaana looga baahan yahay bulshada Soomaaliyeed inay iskaashiga lagu dhisaayo Isbitaalka.

 

Ibitaalkan oo la filayo inay xooga saaraan bulshada Soomaaliyeed ee dunida daafaheeda ku kala sugan ayaa hadana dadka reer Buuhoodle waxa ay ka walaacsan yihiin sidii loogu heli lahaa boqolaal qof oo haatan ku sugan magaaladdaasi kana kala yimi meela kala duwan degaan ay ku sii negaadaan iyadoo maalin ka horna meelo balbalooyin ahaa oo dadkaasi lagu dabiibi jirey dabaylo dumiyeen.

 

Saynab Cabdi Warsame, Hiiraan Online

[email protected]

Laascaanood, Gobolka Sool 













Click here
2/8/2013 12:07 PM EST
Jimco, Feberaayo 08, 2013 (HOL) — Madaxweynaha dowladda Soomaaliya, Xasan Sheekh Maxamuud oo ka hadlay ciidamada ay Xukuumadda Britain sheegtay inay u dirayso Soomaaliya ayaa sheegay in ciidamadaas aysan wax lug ah ku yeelan doonin howgallada milateri ee dalka ka socda.

2/8/2013 12:02 PM EST
Jimco, Feberaayo 08, 2013 (HOL) — Xisbiga mucaaradka ah ee WADANI ayaa xukuumadda ku dhaliilay wada shaqayn la’aan kaliftay in arrimihii amniga wax laga sheego iyo khilaaf uu sheegay inuu ka dhex jiro madaxweynaha iyo madaxweyne ku xigeenka oo maalmihii u dambeeyey la hadal hayey.

2/8/2013 11:16 AM EST
Jimco, Feberaayo 08, 2013 (HOL) — Muddaaharaad muddo kooban socday oo looga soo horjeedo madaxweynaha Puntland, C/raxmaan Sheekh Maxamed Maxamuud (Faroole) ayaa maanta ka dhacay magaalada Boosaaso ee xatunyta gobolka Bari.

2/8/2013 10:54 AM EST
Jimco, February 08, 2013(HOL): Wararka naga soo gaaraya Magaalada Baydhabo ee xarunta u ah Gobolka Bay ayaa waxay sheegayaan in xaaladda magaaladaas ay aad u kacsan tahay kaddib markii ay la weeraray hotel uu magaalada Baydhabo ka deganaa guddoomiyaha cusub ee ay dowladda Soomaaliya u magacawday Gobolka Bay.

2/8/2013 7:56 AM EST
Jimco, Feberaayo 08, 2013 (HOL) —Madaxweeynaha dowladda Federaalka Soomaaliya Mudane Xasan Sheekh Max’uud iyo wafdigii uu hogaaminayay ayaa maanta dib ugu soo laabtay dalka kadib safarro kala duwan oo ay kusoo kala bixiyeen qaar katirsan wadamada caalamka.

2/8/2013 7:17 AM EST
Jimco, Feberaayo, 08, 2013 (HOL) -- Mas’uuliyiinta maxkamadda ciidamada qalabka sida dowladda Soomaaliya oo maalintii shalay gaaray magaalada Baladweyne ee xarunta gobollka Hiiraan ayaa maanta xukunno isugu jira dil toogasho iyo xabsi waxaa ay ku riday eedeysanayaal la hor keenay maxkamadda.

2/8/2013 7:07 AM EST
Jimco, Feberaayo 08, 2013 (HOL) —Maamulka KMG ee magaalada Kismaayo ayaa sheegay in ay socdaan dadaallo ay ugu jiraan sidii xooogagga Al-shabaab ay uga saari lahaayeen qeybaha ay uga suganyihiin gobollada Jubooyinka.

2/8/2013 6:03 AM EST
Jimco, Feberaayo 08, 2013 (HOL) —Qarax xooggan ayaa saaka gudaha magaalada Kismaayo lagula eegtay gaari ciidan oo ay wateen askar katirsan ciidamada dowladda, xilli uu marayay xaafadda Calanleey ee magaalada Kismaayo.

2/8/2013 1:50 AM EST
Jimco, Feberaayo 08, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo oo safar shaqo ku jooga adlka Masar ayaa xalay magaalada Qaahira kula kulmay jaaliyadda Soomaaliyeed ee ku nool dalka Masar.

2/8/2013 1:39 AM EST
Jimco, Feberaayo 08, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa sheegay in hay’adaha garsoorka dalka ay ka madaxbannaan yihiin hay’adaha kale ee xukuumadda, isagoo xusay in maxkamaduhu ay iyaga u madaxbannaan yihiin xukunnada ay ridayaan.