2014-07-29
Today from Hiiraan Online:  _
Wararka Maanta- Jimco, Feb 8 , 2013
Madaxweynaha Soomaaliya iyo Wafdi uu Hoggaaminayay oo Maanta dib ugu soo laabtay Magaalada Muqdisho


Jimco, Feberaayo 08, 2013 (HOL) —Madaxweynaha dowladda Federaalka Soomaaliya Mudane Xasan Sheekh Max’uud iyo wafdigii uu hogaaminayay ayaa maanta dib ugu soo laabtay dalka kadib safarro kala duwan oo ay kusoo kala bixiyeen qaar katirsan wadamada caalamka.

Wafdiga madaxweynaha oo ay kamid ahaayeen ra’isul wasaare ku xigeenka ahna wasiirka arimaha dibadda Soomaaliya Fawziyo Yuusuf Xaaji Aadan, wasiiru dowladaha madaxtooyada faarax C/qaadir, wasiiru dowlaha arimaha dibadda iyo iskaashiga caalamiga Mudane Max’ed Nuur Gacal ayaa markii uu soo gaaray garoonka Aadan Cadde Airport ee magaalada Muqdisho waxaa si diiran usoo dhaweeyay masuuliyiin ka tirsan labada gole ee dowladda oo uu hogamaainayay gudoomiyaha Baarlamanka Soomaaliya Prof: Max'ed Cismaan Jawaari iyo dadweeyne fara badan.

Madaxweynaha oo warbaahinta kula hadlay garoonka ayaa ka warbixiyay safarradii kala duwanaa ee uu ku soo bixiyay dalalka Itoobiya, Mareykanka, Biljimka, Ingiriiska iyo Masar, wuxuuna sheegay in safarkoodii uu ugu soo dhamaaday si guul ah.

Madaxweynaha ayaa sheegay in madaxda dalalkii uu booqashada ku tagay uu kala hadlay sidii ay u taageeri lahaayeen dowladda Soomaaliya, isagoona xusay in madaxda dalalkaasi ay u ballanqaadeen in ay si dhab ah u taageerayaan Soomaaliya.

Madaxweynaha ayaa sheegay in dalka Masar uu kula kulmay madax dhowr ah oo kasocotay qaar katirsan wadamada Carabta, wuxuuna xusay in ay uga warbixiyeen xaaladda uu marayo dalka iyo taageerada ay u baahantahay Soomaaliya.

Madaxweynaha ayaa ugu baaqay shacabka Soomaaliyeed in ay ka faa’iideystaan taageerada caalamka la garab taaganyahay Soomaaliya, islamarkaasina ay la shaqeeyaan dowladda si buu yiri ay dib ugu soo laabato sharaftii iyo magacii uu lahaa dalka Soomaaliya.

Sidoo kale waxa uu sheegay in loo baahanyahay wixii qalad ah ee dhaca in la saxo islamarkaasina la joojiyo is cambaareeynta si uu dalka uga baxo xaaladda uu imika ku suganyahay.

Madaxweynaha Soomaaliya iyo Wafdiga uu hogaaminayo ayaa safarro kala duwan kusoo maray dalalka Itoobiya, Mareykanka, Ingiriiska, Biljimka iyo dalka Masar, halkaasoo ay kulamo kula soo qaateen madaxda dalalkaasi iyo weliba jaaliyadaha Soomaalida ee ku dhaqan goobahaasi.

Xasan Nuur, Hiiraan Online
Hnur@hiiraan.com
Muqdisho, Soomaaliya





Post your comments

2013-02-08 12:07 PM EST
Jimco, Feberaayo 08, 2013 (HOL) — Madaxweynaha dowladda Soomaaliya, Xasan Sheekh Maxamuud oo ka hadlay ciidamada ay Xukuumadda Britain sheegtay inay u dirayso Soomaaliya ayaa sheegay in ciidamadaas aysan wax lug ah ku yeelan doonin howgallada milateri ee dalka ka socda.

2013-02-08 12:02 PM EST
Jimco, Feberaayo 08, 2013 (HOL) — Xisbiga mucaaradka ah ee WADANI ayaa xukuumadda ku dhaliilay wada shaqayn la’aan kaliftay in arrimihii amniga wax laga sheego iyo khilaaf uu sheegay inuu ka dhex jiro madaxweynaha iyo madaxweyne ku xigeenka oo maalmihii u dambeeyey la hadal hayey.

2013-02-08 11:16 AM EST
Jimco, Feberaayo 08, 2013 (HOL) — Muddaaharaad muddo kooban socday oo looga soo horjeedo madaxweynaha Puntland, C/raxmaan Sheekh Maxamed Maxamuud (Faroole) ayaa maanta ka dhacay magaalada Boosaaso ee xatunyta gobolka Bari.

2013-02-08 11:14 AM EST
Jimco, February 08, 2013(HOL): Waxaa magaaladda Buuhoodle ee Gobolka Caymeed laga bilaabay dhisme isbitaal lagu xanaanaynayo dadka dhimrka wax ka qaba, kaas oo loogu magac daray Dr. Xabeeb.

2013-02-08 10:54 AM EST
Jimco, February 08, 2013(HOL): Wararka naga soo gaaraya Magaalada Baydhabo ee xarunta u ah Gobolka Bay ayaa waxay sheegayaan in xaaladda magaaladaas ay aad u kacsan tahay kaddib markii ay la weeraray hotel uu magaalada Baydhabo ka deganaa guddoomiyaha cusub ee ay dowladda Soomaaliya u magacawday Gobolka Bay.

2013-02-08 7:17 AM EST
Jimco, Feberaayo, 08, 2013 (HOL) -- Mas’uuliyiinta maxkamadda ciidamada qalabka sida dowladda Soomaaliya oo maalintii shalay gaaray magaalada Baladweyne ee xarunta gobollka Hiiraan ayaa maanta xukunno isugu jira dil toogasho iyo xabsi waxaa ay ku riday eedeysanayaal la hor keenay maxkamadda.

2013-02-08 7:07 AM EST
Jimco, Feberaayo 08, 2013 (HOL) —Maamulka KMG ee magaalada Kismaayo ayaa sheegay in ay socdaan dadaallo ay ugu jiraan sidii xooogagga Al-shabaab ay uga saari lahaayeen qeybaha ay uga suganyihiin gobollada Jubooyinka.

2013-02-08 6:03 AM EST
Jimco, Feberaayo 08, 2013 (HOL) —Qarax xooggan ayaa saaka gudaha magaalada Kismaayo lagula eegtay gaari ciidan oo ay wateen askar katirsan ciidamada dowladda, xilli uu marayay xaafadda Calanleey ee magaalada Kismaayo.

2013-02-08 1:50 AM EST
Jimco, Feberaayo 08, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo oo safar shaqo ku jooga adlka Masar ayaa xalay magaalada Qaahira kula kulmay jaaliyadda Soomaaliyeed ee ku nool dalka Masar.

2013-02-08 1:39 AM EST
Jimco, Feberaayo 08, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa sheegay in hay’adaha garsoorka dalka ay ka madaxbannaan yihiin hay’adaha kale ee xukuumadda, isagoo xusay in maxkamaduhu ay iyaga u madaxbannaan yihiin xukunnada ay ridayaan.