2014-07-25
Today from Hiiraan Online:  _
Wararka Maanta- Jimco, Feb 8 , 2013
Maamulka KMG-ka ah ee Kismaayo oo sheegay inay dhawaan la wareegayaan Meelaha ay Al-shabaab ka joogaan Jubbooyinka


Jimco, Feberaayo 08, 2013 (HOL) —Maamulka KMG ee magaalada Kismaayo ayaa sheegay in ay socdaan dadaallo ay ugu jiraan sidii xoogagga Al-shabaab ay uga saari lahaayeen qeybaha ay uga suganyihiin gobollada Jubooyinka.

Gudoomiyaha maamulka KMG ee magaalada Kismaayo Sheekh Axmed Max’ed islaam (Axmed Madoobe) oo warbaahinta la hadlay ayaa sheegay in ay wadaan diyaargarow aad u xooggan oo ay ugu jiraan sidii ay gacanta ugu dhigi lahaa guud ahaan gobollada Jubooyinka oo intooda badan ay gacanta ku hayaan dagaalyahannada Al-shabaab.

Gudoomiyaha ayaa sheegay in howlgalka ka dhanka Al-shabaab ay la kaashan doonaan ciidamada AMISOM ee ku sugan Jubooyinka, isagoona xusay in ujeeedadooda ay tahay in ay soo afjaraan awoodda Al-shabaab ay ku leedahay Jubooyinka.

Sidoo kale waxa uu ka cosaday dowladda Soomaaliya in ay ciidamada ku sugan Jubooyinka ka caawiso dhanka mushaaraadka iyo weliba saanadaha Militari.

Dhinaca kale Gudoomiyaha oo ka hadlay arinta maamul u sameynta Jubooyinka ayaa sheegay in maamulka loo dhisayo gobolladaasi uu ku iman doono rabitaan shacabka degan gobolladani, islamarkaasina ay dadku wax ku sameysan doonaan xuquuq siman oo ay leeyihiin, isagoona sheegay in kaalinta dowladda Soomaaliya ay tahay hogaaminta iyo fududeynta shirkaasi.

“Waxaan idiin sheegayaa oo qirayaa gobolkan Soomaali way dagantahay, Qabaa’illada Somaaliyeed baa wada dagan, ma rumeysni wax la yiraahdo Majority iyo Minority,” ayuu masuulkani hadalkiisii raaciyay.

Hadalkan kasoo yeeray gudoomiyaha maamulka KMG ee Kismaayo ayaa kusoo beegmaya xilli xoogagga Al-shabaab ay si buuxda gacanta ugu hayaan gobolka Jubada dhexe, iyadoona ay qeybo badan kaga sugan yihiin gobolka Jubada hoose oo intiisa badan ay gacanta ku hayaan ciidamada dowladda Soomaaliya oo garab ka helaya kuwa Kenya ee qeybta ka ah AMISOM.

Xasan Nuur, Hiiraan Online
Hnur@hiiraan.com
Muqdisho, Soomaaliya





Post your comments

2013-02-08 12:07 PM EST
Jimco, Feberaayo 08, 2013 (HOL) — Madaxweynaha dowladda Soomaaliya, Xasan Sheekh Maxamuud oo ka hadlay ciidamada ay Xukuumadda Britain sheegtay inay u dirayso Soomaaliya ayaa sheegay in ciidamadaas aysan wax lug ah ku yeelan doonin howgallada milateri ee dalka ka socda.

2013-02-08 12:02 PM EST
Jimco, Feberaayo 08, 2013 (HOL) — Xisbiga mucaaradka ah ee WADANI ayaa xukuumadda ku dhaliilay wada shaqayn la’aan kaliftay in arrimihii amniga wax laga sheego iyo khilaaf uu sheegay inuu ka dhex jiro madaxweynaha iyo madaxweyne ku xigeenka oo maalmihii u dambeeyey la hadal hayey.

2013-02-08 11:16 AM EST
Jimco, Feberaayo 08, 2013 (HOL) — Muddaaharaad muddo kooban socday oo looga soo horjeedo madaxweynaha Puntland, C/raxmaan Sheekh Maxamed Maxamuud (Faroole) ayaa maanta ka dhacay magaalada Boosaaso ee xatunyta gobolka Bari.

2013-02-08 11:14 AM EST
Jimco, February 08, 2013(HOL): Waxaa magaaladda Buuhoodle ee Gobolka Caymeed laga bilaabay dhisme isbitaal lagu xanaanaynayo dadka dhimrka wax ka qaba, kaas oo loogu magac daray Dr. Xabeeb.

2013-02-08 10:54 AM EST
Jimco, February 08, 2013(HOL): Wararka naga soo gaaraya Magaalada Baydhabo ee xarunta u ah Gobolka Bay ayaa waxay sheegayaan in xaaladda magaaladaas ay aad u kacsan tahay kaddib markii ay la weeraray hotel uu magaalada Baydhabo ka deganaa guddoomiyaha cusub ee ay dowladda Soomaaliya u magacawday Gobolka Bay.

2013-02-08 7:56 AM EST
Jimco, Feberaayo 08, 2013 (HOL) —Madaxweeynaha dowladda Federaalka Soomaaliya Mudane Xasan Sheekh Max’uud iyo wafdigii uu hogaaminayay ayaa maanta dib ugu soo laabtay dalka kadib safarro kala duwan oo ay kusoo kala bixiyeen qaar katirsan wadamada caalamka.

2013-02-08 7:17 AM EST
Jimco, Feberaayo, 08, 2013 (HOL) -- Mas’uuliyiinta maxkamadda ciidamada qalabka sida dowladda Soomaaliya oo maalintii shalay gaaray magaalada Baladweyne ee xarunta gobollka Hiiraan ayaa maanta xukunno isugu jira dil toogasho iyo xabsi waxaa ay ku riday eedeysanayaal la hor keenay maxkamadda.

2013-02-08 6:03 AM EST
Jimco, Feberaayo 08, 2013 (HOL) —Qarax xooggan ayaa saaka gudaha magaalada Kismaayo lagula eegtay gaari ciidan oo ay wateen askar katirsan ciidamada dowladda, xilli uu marayay xaafadda Calanleey ee magaalada Kismaayo.

2013-02-08 1:50 AM EST
Jimco, Feberaayo 08, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo oo safar shaqo ku jooga adlka Masar ayaa xalay magaalada Qaahira kula kulmay jaaliyadda Soomaaliyeed ee ku nool dalka Masar.

2013-02-08 1:39 AM EST
Jimco, Feberaayo 08, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa sheegay in hay’adaha garsoorka dalka ay ka madaxbannaan yihiin hay’adaha kale ee xukuumadda, isagoo xusay in maxkamaduhu ay iyaga u madaxbannaan yihiin xukunnada ay ridayaan.