2014-10-31
Today from Hiiraan Online:  _
Wararka Maanta- Jimco, Feb 8 , 2013
Qarax Kismaayo lagula beegsaday Askar ka tirsan Ciidamada Dowladda


Jimco, Feberaayo 08, 2013 (HOL) —Qarax xooggan ayaa saaka gudaha magaalada Kismaayo lagula eegtay gaari ciidan oo ay wateen askar katirsan ciidamada dowladda, xilli uu marayay xaafadda Calanleey ee magaalada Kismaayo.

Qaraxa oo la aaminsanyahay in uu ahaa nooca miinooyinka dhulka lagu aaso ayaa ka dhacay halka loo yaqaan Derisyoonka leegada oo u dhow isgoyska Somali-star oo katirsan xaafadda Calanleey ee magaalada Kismaayo, waxaana ilaa imika inta la ogyahay ku dhintay hal askari oo katirsan ciidamadii qaraxa lala eegtay.

“Qarax xooggan ayaa waxa uu ka dhacay Derisyoonka leegada, waxaa la sheegay in uu hal qof ku dhintay, qaraxa kadibna ciidamadu waxay rideen rasaas badan,” sidaa waxa yiri goobjooge codsaday in aan magaciisa la xigan oo HOL u waramay.

Goobta uu qaraxa ka dhacay ayaa waxa durba soo gaaray ciidamada katirsan kuwa dowladda, waxayna goobta ka sameeyeen baaritaanno, wallow aysan jirin cid lagu qabtay howlgalladaasi.

Ilaa imika ma jirto cid sheegatay masuuliyadda qaraxaasi, mana jiraan madax katirsan maamulka Kismaayo oo faahfaahin ka bixiyay khasaaraha rasmiga ah ee uu sababay qaraxaasi.

Ma ahan markii ugu horeeysay oo gudaha magaalada Kismaayo qarax lagula eegto askar katirsan ciidamada dowladda Soomaaliya, haseyeeshee waxa jirtay marar badan oo sidan oo kale gudaha magaalada qaraxyo kala duwan lagula eegtay ciidamo katirsan kuwa dowladda Soomaaliya.

Xasan Nuur, Hiiraan Online
Hnur@hiiraan.com
Muqdisho, Soomaaliya





Post your comments

2013-02-08 12:07 PM EST
Jimco, Feberaayo 08, 2013 (HOL) — Madaxweynaha dowladda Soomaaliya, Xasan Sheekh Maxamuud oo ka hadlay ciidamada ay Xukuumadda Britain sheegtay inay u dirayso Soomaaliya ayaa sheegay in ciidamadaas aysan wax lug ah ku yeelan doonin howgallada milateri ee dalka ka socda.

2013-02-08 12:02 PM EST
Jimco, Feberaayo 08, 2013 (HOL) — Xisbiga mucaaradka ah ee WADANI ayaa xukuumadda ku dhaliilay wada shaqayn la’aan kaliftay in arrimihii amniga wax laga sheego iyo khilaaf uu sheegay inuu ka dhex jiro madaxweynaha iyo madaxweyne ku xigeenka oo maalmihii u dambeeyey la hadal hayey.

2013-02-08 11:16 AM EST
Jimco, Feberaayo 08, 2013 (HOL) — Muddaaharaad muddo kooban socday oo looga soo horjeedo madaxweynaha Puntland, C/raxmaan Sheekh Maxamed Maxamuud (Faroole) ayaa maanta ka dhacay magaalada Boosaaso ee xatunyta gobolka Bari.

2013-02-08 11:14 AM EST
Jimco, February 08, 2013(HOL): Waxaa magaaladda Buuhoodle ee Gobolka Caymeed laga bilaabay dhisme isbitaal lagu xanaanaynayo dadka dhimrka wax ka qaba, kaas oo loogu magac daray Dr. Xabeeb.

2013-02-08 10:54 AM EST
Jimco, February 08, 2013(HOL): Wararka naga soo gaaraya Magaalada Baydhabo ee xarunta u ah Gobolka Bay ayaa waxay sheegayaan in xaaladda magaaladaas ay aad u kacsan tahay kaddib markii ay la weeraray hotel uu magaalada Baydhabo ka deganaa guddoomiyaha cusub ee ay dowladda Soomaaliya u magacawday Gobolka Bay.

2013-02-08 7:56 AM EST
Jimco, Feberaayo 08, 2013 (HOL) —Madaxweeynaha dowladda Federaalka Soomaaliya Mudane Xasan Sheekh Max’uud iyo wafdigii uu hogaaminayay ayaa maanta dib ugu soo laabtay dalka kadib safarro kala duwan oo ay kusoo kala bixiyeen qaar katirsan wadamada caalamka.

2013-02-08 7:17 AM EST
Jimco, Feberaayo, 08, 2013 (HOL) -- Mas’uuliyiinta maxkamadda ciidamada qalabka sida dowladda Soomaaliya oo maalintii shalay gaaray magaalada Baladweyne ee xarunta gobollka Hiiraan ayaa maanta xukunno isugu jira dil toogasho iyo xabsi waxaa ay ku riday eedeysanayaal la hor keenay maxkamadda.

2013-02-08 7:07 AM EST
Jimco, Feberaayo 08, 2013 (HOL) —Maamulka KMG ee magaalada Kismaayo ayaa sheegay in ay socdaan dadaallo ay ugu jiraan sidii xooogagga Al-shabaab ay uga saari lahaayeen qeybaha ay uga suganyihiin gobollada Jubooyinka.

2013-02-08 1:50 AM EST
Jimco, Feberaayo 08, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo oo safar shaqo ku jooga adlka Masar ayaa xalay magaalada Qaahira kula kulmay jaaliyadda Soomaaliyeed ee ku nool dalka Masar.

2013-02-08 1:39 AM EST
Jimco, Feberaayo 08, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa sheegay in hay’adaha garsoorka dalka ay ka madaxbannaan yihiin hay’adaha kale ee xukuumadda, isagoo xusay in maxkamaduhu ay iyaga u madaxbannaan yihiin xukunnada ay ridayaan.