2014-07-31
Today from Hiiraan Online:  _
Wararka Maanta- Jimco, Feb 8 , 2013
Madaxweynaha Soomaaliya iyo Wafdigiisa oo Qaahira kula kulmay Jaaliyadda Soomaaliyeed ee ku nool Masar (SAWIRRO)



Jimco, Feberaayo 08, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo oo safar shaqo ku jooga adlka Masar ayaa xalay magaalada Qaahira kula kulmay jaaliyadda Soomaaliyeed ee ku nool dalka Masar.

Madaxweynaha ayaa jaaliyadda ku wargeliyay in Soomaaliya ay hadda dib ugu soo noqoneyso wadaddii toosnayd, loogana baahan yahay in jaaliyadda dibadda ay ka qeyb-qaadato dib u dhiska dalka.

Sidoo kale, Xasan Sheekh wuxuu faahfaahin ka bixiyay qorshaha cusub ee ay dowladda ku damacsan tahay inay dalka xasillooni ugu soo celiso, kaasoo ku xusan lixda tiir siyaasadeed ee dowladda Soomaaliya ay ka shaqeynayso, amniga iyo cadaaladda ay hormuud ka yihiin.

Wafdiga madaxweyne ee ka qayb-galay xafladda waxaa ka mid ahaa ra’iisul wasaare ku xigeenka ahna wasiirka arrimahha dibadda Soomaaliya, Fawziyo Yuusuf Xaaji Aadan, marwadda madaxweynaha, Qamar Cali Cumar iyo wasiir u dowlaha arrimiha dibadda iyo iskaashiga caalamiga, Maxamed Nuur Gacal.

Maalmo ka hor ayuu madaxweynaha Soomaaliya la kulmay jaaliyadda London, sidoo kalena wuxuu kula dardaarmay inay dalka maalgelin ku sameeyaan. Waxaa mudan in la xuso in kumannaan muwaadiniin Soomaaliyeed ah ay dib ugu soo laabanayaan dalka Soomaaliya tan iyo bilihii lasoo dhaafay.

Madaxweynaha Soomaaliya ayaa ka maqan dalka muddo laba todobaad ku dhow, isagoo safarro ku tagay dalalka Itoobiya, Belgium, Ingiriiska iyo Masar oo uu kaga qaybgalay shirkii ururka iskaashiga Islaamka.




Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-02-08 12:07 PM EST
Jimco, Feberaayo 08, 2013 (HOL) — Madaxweynaha dowladda Soomaaliya, Xasan Sheekh Maxamuud oo ka hadlay ciidamada ay Xukuumadda Britain sheegtay inay u dirayso Soomaaliya ayaa sheegay in ciidamadaas aysan wax lug ah ku yeelan doonin howgallada milateri ee dalka ka socda.

2013-02-08 12:02 PM EST
Jimco, Feberaayo 08, 2013 (HOL) — Xisbiga mucaaradka ah ee WADANI ayaa xukuumadda ku dhaliilay wada shaqayn la’aan kaliftay in arrimihii amniga wax laga sheego iyo khilaaf uu sheegay inuu ka dhex jiro madaxweynaha iyo madaxweyne ku xigeenka oo maalmihii u dambeeyey la hadal hayey.

2013-02-08 11:16 AM EST
Jimco, Feberaayo 08, 2013 (HOL) — Muddaaharaad muddo kooban socday oo looga soo horjeedo madaxweynaha Puntland, C/raxmaan Sheekh Maxamed Maxamuud (Faroole) ayaa maanta ka dhacay magaalada Boosaaso ee xatunyta gobolka Bari.

2013-02-08 11:14 AM EST
Jimco, February 08, 2013(HOL): Waxaa magaaladda Buuhoodle ee Gobolka Caymeed laga bilaabay dhisme isbitaal lagu xanaanaynayo dadka dhimrka wax ka qaba, kaas oo loogu magac daray Dr. Xabeeb.

2013-02-08 10:54 AM EST
Jimco, February 08, 2013(HOL): Wararka naga soo gaaraya Magaalada Baydhabo ee xarunta u ah Gobolka Bay ayaa waxay sheegayaan in xaaladda magaaladaas ay aad u kacsan tahay kaddib markii ay la weeraray hotel uu magaalada Baydhabo ka deganaa guddoomiyaha cusub ee ay dowladda Soomaaliya u magacawday Gobolka Bay.

2013-02-08 7:56 AM EST
Jimco, Feberaayo 08, 2013 (HOL) —Madaxweeynaha dowladda Federaalka Soomaaliya Mudane Xasan Sheekh Max’uud iyo wafdigii uu hogaaminayay ayaa maanta dib ugu soo laabtay dalka kadib safarro kala duwan oo ay kusoo kala bixiyeen qaar katirsan wadamada caalamka.

2013-02-08 7:17 AM EST
Jimco, Feberaayo, 08, 2013 (HOL) -- Mas’uuliyiinta maxkamadda ciidamada qalabka sida dowladda Soomaaliya oo maalintii shalay gaaray magaalada Baladweyne ee xarunta gobollka Hiiraan ayaa maanta xukunno isugu jira dil toogasho iyo xabsi waxaa ay ku riday eedeysanayaal la hor keenay maxkamadda.

2013-02-08 7:07 AM EST
Jimco, Feberaayo 08, 2013 (HOL) —Maamulka KMG ee magaalada Kismaayo ayaa sheegay in ay socdaan dadaallo ay ugu jiraan sidii xooogagga Al-shabaab ay uga saari lahaayeen qeybaha ay uga suganyihiin gobollada Jubooyinka.

2013-02-08 6:03 AM EST
Jimco, Feberaayo 08, 2013 (HOL) —Qarax xooggan ayaa saaka gudaha magaalada Kismaayo lagula eegtay gaari ciidan oo ay wateen askar katirsan ciidamada dowladda, xilli uu marayay xaafadda Calanleey ee magaalada Kismaayo.

2013-02-08 1:39 AM EST
Jimco, Feberaayo 08, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa sheegay in hay’adaha garsoorka dalka ay ka madaxbannaan yihiin hay’adaha kale ee xukuumadda, isagoo xusay in maxkamaduhu ay iyaga u madaxbannaan yihiin xukunnada ay ridayaan.