3/28/2024
Today from Hiiraan Online:  _
Wararka Maanta- Khamiis, Feb 7 , 2013
Guddoomiyaha Baarlamanka Somalia oo la kulmay boqolaal qof oo ka socday Ururrada Shaqaalaha Dalka (SAWIRRO)


Khamiis, Feberaayo 07, 2013 (HOL) — Guddoomiyaha baarlamaanka dalka isla markaana ah ku simaha madaxweynaha Soomaaliya, Prof. Maxamed Sheekh Cismaan Jawaari ayaa maanta oo Khamiis ah kula kulmay xarunta golaha shacabka boqolaal qof oo ka socday ururrada shaqaalaha dalka. Isagoo ka dhageystay baahida ay qabaan.

Xubnaha kulanka ka qaybgalay oo tiradoodu ahayd 200 qof oo isugu jiray haween iyo rag ayaa waxay ka haldeen dhibaatooyinka ay ka cabanayaan, waxaana kulanka uu intiisa badan looga hadlay sidii dowladda ay gacan ugu siin lahayd ururrada shaqaalaha sidoo ay xuquuqahoodu ku heli lahaayene.

Prof. Jawaari ayaa u sheegay xubana ka socday ururrada shaqaalaha dalka in dowalddu ay diyaar u tahay inay wax ka qabato cabashadooda, isagoo sheegay inuu ku faraxsan yahay in xubno ka socda ururrada shaqaalaha ee dalka.

Xubno ka mid ah kuwii la kulmay guddoomiyaha baarlamaanka ayaa waxay ka hadleen cabashooyinkooda, iyagoo sheegay inay doonayaan in wax laga qabto dhibaatooyinka ay shaqooyinkooda kala kulmaan, sida inaysan helin xuquuqaadkooda aasaasiga ah.

Mas’uuliyiintii goobta ka hadlay waxaa ka mid ahaa Abwaan Maki Xaaji Banaadir oo sheegay in wax-soo-saarka ay u muuqdaan kuwo sii lumaya sidaa daraadeedna loo baahan yahay inay dowladdu arrintaas wax ka qabato, wuxuuna tusaale u soo qaatay dharka aliindiga ah ee gacanta lagu sameeyo oo markii hore si aad ah loo gadan jiary, balse hadda u muuqda inay ka baxeen suuqyada ganacsiga.

Guddoomiyaha baarlamaanka oo kulanka soo xiray ayaa kula dar-daarmay xubnaha ka socday ururrada shaqaalaha dalka in mar walba ay muujiyaan adkeysi iyo dulqaad; sidoo kalena wuxuu kula dar-daarmay in waxyaabaha lagu ballamay si loo fuliyo ay kulamaddu noqdaan kuwo joogto ah.

Kulankan ayaa noqonaya kii ugu horreeyay oo guddoomiyaha baarlamaanka uu la yeesho xubnno ka socda ururrada shaqaaaha dalka, balse ma ahan kii ugu horreeyay oo uu la yeesho qaybaha bulshada, isagoo horay kulankan oo kale ula yeeshay ardayda wax ka barta jaamacadaha Muqdisho.




Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
2/7/2013 12:54 PM EST
Khamiis, Feberaayo 07, 2013 (HOL) — Xaflad ballaaran oo lagu caleemo saarayay guddoon cusub oo uu yeesho golaha salaaddiinta, dib u heshiisiinta iyo wacyi-gelinta Soomaaliyeed oo ay ku mideysan yihiin odayaasha dhaqanka Soomaaliyeed ayaa maanta looga dhawaaqay Hotel City Palace ee magaalada Muqdisho.

2/7/2013 12:25 PM EST
Khamiis, Feberaayo 07, 2013 (HOL) — Madaxweynaha Soomaaliya, Mudane Xasan Sheekh Maxamuud ayaa qudbad ka jeediyay shirka ururka Islaamka (OIC) oo Qaahira maanta lagu soo gaba-gabeeyay.

2/7/2013 12:23 PM EST
Khamiis, Feberaayo 07, 2013 (HOL) — Kooxo hubeysan ayaa siyaabo kala duwan ugu dilay xeryaha Qoxootiga Dhadhaab ee dalka Kenya iyo degmada Gaarisa ee gobolka Waqooyi-bari ee Kenya, iyadoo weerarradaas dhaawacyo loogu geystay dhowr qof oo kale.

2/7/2013 12:21 PM EST
Khamiis, Feberaayo 07, 2013 (HOL) — Madaxweynaha Somaliland Mudane Axmed Maxamed Maxamuud Siilaanyo iyo wefidigii uu hogaaminayay ayaa la sheegay inuu maanta kulan la yeeshay Danjiraha Dawlada Maraykanka u fadhiya Dalka Kenya Ambassador Ropert F. Godec iyo masuuliyiin kale oo uu ka mid yahay Brian Phipps, oo ah madaxa waaxda safaaradda u qaabilsan Soomaliya iyo Marwo Hodan Hassan oo ah agaasimaha hay’ada USAID.

2/7/2013 9:45 AM EST
Khamiis, Feberaayo 07, 2013 (HOL) — Golaha wasiirrada xukuumadda Soomaaliya ayaa shirkoodii maanta uga hadlay qodbo dhowr ah oo ay ka mid ahaayeen warbixin la xariirta safarka ra’iisal wasaaruhu ku shalay ku tagay magaalada Beledweyne ee gobolka Hiiraan, dib u eegis lagu sameeyey guddiga shaqaalaha rayidka iyo erey bixin cusub oo loo sameeyey dhismaha maamulada gobollada dalka.

2/7/2013 9:32 AM EST
Khamiis, Feberaayo 07, 2013 (HOL) — Xukuumadda Ingiriiska ayaa sheegtay in koox yar oo ciidamadeeda ka mid ah ay u dirayso Soomaaliya taasoo billow u ah iskaashi dhinaca milateriga ah oo ay la yeelanayso dalal ay ku jirto Soomaaliya.

2/7/2013 6:52 AM EST
Khamiis, Feberaayo 07, 2013 (HOL) — Ciidammo Itoobiyaan ah oo kasoo baxay magaalada Ceelberde oo sahay u soo waday ciidamadooda ku sugan magaalada Xudur ee gobolka Bakool ayaa waxay dagaal culus kula kulmeen meel u dhaxaysa Ceelbarde iyo Xudur oo layiraahdo Teed, iyadoo khasaare isugu jira dhimasho iyo dhaawac ay soo kala gaareen labada dhinac.

2/7/2013 6:34 AM EST
Khamiis, Feberaayo 07, 2013 (HOL) —Xildhibaanno kasoo jeeda beelaha Digil iyo Mirifle ayaa shir jaraa’id oo ay ku qabteen magaalada Baydhabo ayaa waxay ku sheegeen inay kasoo horjeedaan maamulka cusub loo soo magacaabay gobolka Bay.

2/7/2013 6:16 AM EST
Khamiis, Feberaayo 07, 2013 (HOL) — Qaramada Midoobay ayaa dowladda Soomaaliya ugu baaqday inay dib u furto kiiska wariye C/casiis Koronto iyo haweeneydii la kufsaday ee uu wareystay oo ay maalmo ka hor ay maxkamadda gobolka Banaadir ku xukuntay min hal sano oo xabsi ah.

2/7/2013 12:51 AM EST
Khamiis, Feberaayo 07, 2013 (HOL) — Xukuumadda Jabuuti ayaa xabsiga dhigtay hoggaamiyaha isbahaysiga MRD ee dalka dalkaas, kaddib markii lagu eedeeyay inuu dowladda Eritrea ka dalbaday inay xoog ku gasho dalka Jabuuti si xukuumadda Geelle loo rido.

2/7/2013 12:51 AM EST
Khamiis, Feberaayo 07, 2013 (HOL) — Gaadiidka gurmadka deg-degga ah ee Ambalaasta ah ayaa Muqdisho ka billaabay howlo ay ugu gurmanayaan xilliyada habeenkii ah oo aanu gaadiidka jirin haweenka uurka leh ee ku jira xilliga foosha iyo caruurta xanuunsan.