2014-09-19
Today from Hiiraan Online:  _
Wararka Maanta- Khamiis, Feb 7 , 2013
Xildhibaano kasoo jeeda Beelaha Digil iyo Mirifle oo kasoo horjeestay Maamul ay Dowladdu u magacowday Gobolka Bay


Khamiis, Feberaayo 07, 2013 (HOL) —Xildhibaanno kasoo jeeda beelaha Digil iyo Mirifle ayaa shir jaraa’id oo ay ku qabteen magaalada Baydhabo ayaa waxay ku sheegeen inay kasoo horjeedaan maamulka cusub loo soo magacaabay gobolka Bay.

Shirka jaraa’id ayaa waxaa ka hadlay xildhibaan Mustaf Mukhtaar Guudow isagoo sheegay in maamulka hadda lasoo magacaabay uu yahay mid khalad ah oo waqti-xaadirkan lasoo magacaabi karin, wuxuuna sheegay in magacaabistaas ay dowladdu ku deg-degtay.

“Waxaa fiicnaan lahaa in la sameeyo doorasho dadweyne ee uusan qof keliya  soo magacaabin maamul,” ayuu yir xildhibaanka oo ka mid ah xubno si aad ah uga soo horjeeda maamulka ay dowladdu u sameysay gobolka Bay.

Magaalada Baydhabo ayaa waxaa baryahaan ka jiray xaflad qado-sharaf ah oo uu qabanayaye guddoomiyihii hore ee gobolka Bay, Cabdifataax Geesey isagoo raadinaya codka shacab si ay u taageeraan una diidaan maamulka cusub ee dowladda fedaraalka soo magacowday isagoo isku-dayey inuu maamulkiisa difaacdo.

Dhismaha maamulkan cusub ayaa waxaa qayb ka qaatay malaaqyadii soo dhisay dowladda federaalka oo ka kooban dhammaan beelaha Digil iyo Mirifle, iyagoo u gudbiyay wasiirka arrimaha gudaha iyo xafiiska madaxweynaha.

Sidoo kale, waxaa jira hadallo kasoo baxaya golaha aqoon-yahannada Digil iyo Mirifle kuwaasoo sheegaya inaan arrintaas aan lagala tashan; sidoo kalena aan lagala tashan qaybaha kala duwan ee bulshada. Waxayna xuseen inaan lagu soo xulay xubnahan aqoon.

Baydhabo ayaa waxaa ka jira xiisad dhallin karta gacan ka hadal, waxaana magaalada ku arkaysaa maleeshiyo iyo ciidammo tiro badan oo magaalada gaaf-wareegaya.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-02-07 12:54 PM EST
Khamiis, Feberaayo 07, 2013 (HOL) — Xaflad ballaaran oo lagu caleemo saarayay guddoon cusub oo uu yeesho golaha salaaddiinta, dib u heshiisiinta iyo wacyi-gelinta Soomaaliyeed oo ay ku mideysan yihiin odayaasha dhaqanka Soomaaliyeed ayaa maanta looga dhawaaqay Hotel City Palace ee magaalada Muqdisho.

2013-02-07 12:25 PM EST
Khamiis, Feberaayo 07, 2013 (HOL) — Madaxweynaha Soomaaliya, Mudane Xasan Sheekh Maxamuud ayaa qudbad ka jeediyay shirka ururka Islaamka (OIC) oo Qaahira maanta lagu soo gaba-gabeeyay.

2013-02-07 12:23 PM EST
Khamiis, Feberaayo 07, 2013 (HOL) — Kooxo hubeysan ayaa siyaabo kala duwan ugu dilay xeryaha Qoxootiga Dhadhaab ee dalka Kenya iyo degmada Gaarisa ee gobolka Waqooyi-bari ee Kenya, iyadoo weerarradaas dhaawacyo loogu geystay dhowr qof oo kale.

2013-02-07 12:21 PM EST
Khamiis, Feberaayo 07, 2013 (HOL) — Madaxweynaha Somaliland Mudane Axmed Maxamed Maxamuud Siilaanyo iyo wefidigii uu hogaaminayay ayaa la sheegay inuu maanta kulan la yeeshay Danjiraha Dawlada Maraykanka u fadhiya Dalka Kenya Ambassador Ropert F. Godec iyo masuuliyiin kale oo uu ka mid yahay Brian Phipps, oo ah madaxa waaxda safaaradda u qaabilsan Soomaliya iyo Marwo Hodan Hassan oo ah agaasimaha hay’ada USAID.

2013-02-07 9:45 AM EST
Khamiis, Feberaayo 07, 2013 (HOL) — Golaha wasiirrada xukuumadda Soomaaliya ayaa shirkoodii maanta uga hadlay qodbo dhowr ah oo ay ka mid ahaayeen warbixin la xariirta safarka ra’iisal wasaaruhu ku shalay ku tagay magaalada Beledweyne ee gobolka Hiiraan, dib u eegis lagu sameeyey guddiga shaqaalaha rayidka iyo erey bixin cusub oo loo sameeyey dhismaha maamulada gobollada dalka.

2013-02-07 9:32 AM EST
Khamiis, Feberaayo 07, 2013 (HOL) — Xukuumadda Ingiriiska ayaa sheegtay in koox yar oo ciidamadeeda ka mid ah ay u dirayso Soomaaliya taasoo billow u ah iskaashi dhinaca milateriga ah oo ay la yeelanayso dalal ay ku jirto Soomaaliya.

2013-02-07 7:49 AM EST
Khamiis, Feberaayo 07, 2013 (HOL) — Guddoomiyaha baarlamaanka dalka isla markaana ah ku simaha madaxweynaha Soomaaliya, Prof. Maxamed Sheekh Cismaan Jawaari ayaa maanta oo Khamiis ah kula kulmay xarunta golaha shacabka boqolaal qof oo ka socday ururrada shaqaalaha dalka. Isagoo ka dhageystay baahida ay qabaan.

2013-02-07 6:52 AM EST
Khamiis, Feberaayo 07, 2013 (HOL) — Ciidammo Itoobiyaan ah oo kasoo baxay magaalada Ceelberde oo sahay u soo waday ciidamadooda ku sugan magaalada Xudur ee gobolka Bakool ayaa waxay dagaal culus kula kulmeen meel u dhaxaysa Ceelbarde iyo Xudur oo layiraahdo Teed, iyadoo khasaare isugu jira dhimasho iyo dhaawac ay soo kala gaareen labada dhinac.

2013-02-07 6:16 AM EST
Khamiis, Feberaayo 07, 2013 (HOL) — Qaramada Midoobay ayaa dowladda Soomaaliya ugu baaqday inay dib u furto kiiska wariye C/casiis Koronto iyo haweeneydii la kufsaday ee uu wareystay oo ay maalmo ka hor ay maxkamadda gobolka Banaadir ku xukuntay min hal sano oo xabsi ah.

2013-02-07 12:51 AM EST
Khamiis, Feberaayo 07, 2013 (HOL) — Xukuumadda Jabuuti ayaa xabsiga dhigtay hoggaamiyaha isbahaysiga MRD ee dalka dalkaas, kaddib markii lagu eedeeyay inuu dowladda Eritrea ka dalbaday inay xoog ku gasho dalka Jabuuti si xukuumadda Geelle loo rido.

2013-02-07 12:51 AM EST
Khamiis, Feberaayo 07, 2013 (HOL) — Gaadiidka gurmadka deg-degga ah ee Ambalaasta ah ayaa Muqdisho ka billaabay howlo ay ugu gurmanayaan xilliyada habeenkii ah oo aanu gaadiidka jirin haweenka uurka leh ee ku jira xilliga foosha iyo caruurta xanuunsan.