2014-09-30
Today from Hiiraan Online:  _
Wararka Maanta- Arbaco, Feb 6 , 2013
Taliye ku-xigeenka Koowaad ee Booliska Somaliland oo Maanta Booqasho ku yimid Magaalada Boorame ee Gobolka Awdal


Arbaco, Feberaayo 06, 2013 (HOL) — Waxaa maanta magaalada Boorame ee xarunta gobolka Awdal booqasho maalin ah ku yimid taliye ku xigeenka koowaad ee ciidamada booliiska Somaliland, Jen. C/raxmaan Axmed Liibaan (Fooxle), iyadoo booqashadan lagu sheegay mid loogu kuurgalayay ciidanka booliiska ee ku sugan degmada.

Taliyaha iyo saraakiil la socday ayaa markii ay soo gaareen ayaa waxaa ku biiray mas’uuliyiinta maamulka gobolka iyo kan dagmada, waxayna soo kormeereen saldhig cusub oo booliska loo dhisayo iyo labada saldhig ee ka howgala degmada.

“Safarkeennu wuxuu ku saabsan yahay inaan tayada iyo tirada ciidamada gobolka u kuur-gallo, sidoo kalena aragno xaaladooda guud, waxaan hore u haynay warbixino badan oo ku saabsan ciidanka iyo cabashooyin naga soo gaaray madaxda ciidanka iyo maamulka gobolka. Si aan tan uga jawaabno, waxaan maraynaa oo aan kormeeraynaa saldhigyada booliiska oo dhan waxaana tirinaynaa ciidanka, innagoo si gaar-gaar ah ula kulmayna intaan howshan ku jirno,” ayuu yore taliye ku xigeenka booliiska Somaliland.

Jen. Fooxle ayaa intaas ku daray inay u socdaan inay tayayaan ciidanka si amnigu u noqdo mid aad u adag oo laga hawl-galay, isagoo xusay inuu u soo jeedinayo ammaan ciidanka iyo madaxdooda, wuxuuna ku boorriyay inay howshooda u gutaan si qaranimmo ay ku jirto.

Markii ay gaareen saldhiga dhismahu ka socdo ayaa waxaa ka warbixiyay sida ay howshu u socoto taliyaha qaybta booliska ee gobolka Awdal, Axmed Xasan Cabdiraxmaan, isagoo sheegay in dhismaha saldhigan uu meel fiican marayo.

“Saldhigan waa saldhig cusub oo aan xaafadfan ugu talo-galnay, dhismahiisu meel fiican ayuu marayaa, waxas dhisaysa dowladda hoose, waxaana rajaynaynaa inuu wax badan ka taro sugidda amniga ee xaafaddan iyo guud ahaan magaalada Boorama,” ayuu yore taliye Axmed Ilka-case.

Guddoomiyaha gobolka Awdal, Axmed Xadi Sidci ayaa ka warbixiyay heerkii uu soo maray saldhigan la dhisayo wuxuuna yidhi: “Waxay ku timid baahida jirta, waa hubaal in magaaladii waynaatay, dhaqaalahana waxaa bixiyay dadka deegaanka, waxaan ka codsanay wasaaradda maaliyadda in kabkii waqtiga kala-guurka,  waanan helnay waxaana ku dhisaynaa saldhigga si amniga wax uga tago.”

Taliyeyaasha saldhigyada bariga iyo bartamaha magaalada Boorama, Cawil Abiib iyo Maxamuud Yuusuf ayaa madaxdan ka siiyay warbixinno taabanaya dhinacyada tayada, tirada iyo deegaanada balaaran ee ay maamulaan markii ay taliyeyaashan boolisku gaareen saldhigyadaas.

Kulan ay albaabbadu u xiran yihiin ayay madaxdani la yeeheen, odayaasha ciidanka ku jira da’da hawl-gabka, inkastoo aan la shaacin wixii looga hadlay kulankan ayaa haddana warar ku dhow-dhow kulanka waxay sheegayaan in taliyeyaashu ay kala hadleen ciidamada howgalka ku dhow sidii ay ciidanka uga tegi lahaayeen uguna biiri lahaayeen liiska hawl-gabka, balse arrimahan ayaa la sheegayaa in la isku maan-dhaafay.

Khadra Xasan Nuux, Hiiraan Online
khadra783@hotmail.com
Boorame, Somaliland





Post your comments

2013-02-06 1:09 PM EST
Wareysi gaar ah madaxweyne Xasan Sheekh uu siiyay Hiiraan Online ayuu uga waramay qodobo muhiim oo ay ka mid yihiin Shirka bisha May ee magaalada London, socdaalkiisa London iyo arrimo kale.

2013-02-06 11:52 AM EST
Arbaco, Feberaayo 06, 2013 (HOL) — Haweenka gobolka Banaadir, gaar ahaan labada urur ee SSWC iyo HINA ayaa maanta ku qabtay magaalada Muqdisho munaasabad ay deeq lacageed oo tabarucaad ah ku siinayeen haween dan-yar ah oo gaaraya illaa 30 si ay ugu shaqeystaan.

2013-02-06 9:33 AM EST
Arbaco, Feberaayo 06, 2013 (HOL) — Isbaheysiga nabadda Soomaaliya ayaa cadaalad-darro ku tilmaamay xukunkii maxkamada gobolka Banaadir ay shalay ku riday weriye, Cabdicasiis Cabdinuur Ibraahim (Koronto) iyo Luul Cali Cusmaan oo ah haweeney Soomaaliyeed oo sheegtay in la kufsaday.

2013-02-06 7:49 AM EST
Madaxweynaha Jamhuuriyadda Federaalka Soomaaliya Mudane Xasan Sheekh Maxamuud iyo wafdi uu hogaaminayo ayaa maanta ka qeyb galay shirka Ururka Islaamka (OIC) oo ka furmay caasimadda Qaahira.

2013-02-06 7:29 AM EST
Arbaco, Feberaayo, 06, 2013 (HOL) – Ra’iisal wasaaraha xukuumada Soomaaliya Cabdi Faarax Shirdoon Saacid iyo wafdi balaaran oo uu horkacayo ayaa maanta gaaray magaalada Baladweyne ee xarunta gobollka Hiiraan.

2013-02-06 7:24 AM EST
Arbaco, Feberaayo 06, 2013 (HOL) — Dowaldda Mareykanka ayaa Qaramada Midoobay ugu baaqay inay tixigeliso codsidii dowladda Soomaaliya ee ahaa in cunno-qabteynta hubka laga qaado si ay dib ugu dhisto ciidamadeeda si ay dalka oo dhan ammaank ugu soo rogto.

2013-02-06 6:58 AM EST
Arbaco, Feberaayo 06, 2013 (HOL) — Wasiirka wasaaradda amniga ee Puntland Col. Khaliif Ciise Mudan oo maanta shir-saxaafadeed ku qabtay xarunta wasaaradda ee magaalada Boosaaso ayaa ka hadlay arimo badan.

2013-02-06 6:34 AM EST
Arbaco, Feberaayo 06, 2013 (HOL) — Madaxweynaha Somaliland Md. Axmed Maxamed Maxamuud (Siilaanyo) ayaa safar shaqo ugu anbabaxay dalka Ingiriiska si uu ugala soo hadlo wasaaradda Arrimaha dibadda ee dalkaasi amni daradii ay ku sheegeen Somaliland iyo sidii ay cilaaqaadka labadda dhinaca uga dhexeeya usoo hagaajin lahaa.

2013-02-06 6:28 AM EST
Arbaco, Feberaayo 06, 2013 (HOL) — Ciidamada ammaanka Puntland ee gobolka Mudug ayaa xalay magaalada Gaalkacayo ee xarunta gobolka Mudug ka sameeyey howlgal ballaaran oo lagu soo qabtay in ka badan 200 oo qof.

2013-02-06 6:26 AM EST
Arbaco, Feberaayo 06, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hogaaminayo ayaa xalay gaaray magaalada Qaahira ee xarunta dalka Masar, halkaasoo uu uga qaybgalayo shirka ururka Islaamka (OIC) kasoo ay kasoo qayb-galayaan 59 dowladdood oo Islaam ah.

2013-02-06 3:22 AM EST
Arbaco, Feberaayo 06, 2013 (HOL) — Iyadoo tan iyo wixii ka danbeeyay burburkii dowladii hore ee Soomaaliya ay dalka Soomaaliya ka dhaceen colaado u dhexeeyay qabaa’illada Soomaaliyeed kuwaasoo sababay in la isku ugaarsado qaab qabiil iyo weliba in lakala dhaco hanti ayay dowladda Soomaaliya shaaca ka qaaday in ay dhiseyso guddi qaran oo kasoo talo bixiya habka ugu haboon ee dib loogu celin karo hantida ay kala heystaan dadka Soomaaliyeed.

2013-02-06 2:20 AM EST
Arbaco, Feberaayo 06, 2013 (HOL) — Wafdi uu horkacayo ra’isul wasaaraha xukuumadda federaalka Soomaaliya Dr. Cabdi Faarax Shirdoon (Saacid) ayaa goor dhow gaaray magaalada Baladweyne ee xarunta gobolka Hiiraan.