3/29/2024
Today from Hiiraan Online:  _
Wararka Maanta- Arbaco, Feb 6 , 2013
Xukuumadda Washintong oo ugu baaqay Qaramada Midoobay in Somalia laga Qaado Cunno-qabteynta Hubka

The United States is urging fellow members of the UN Security Council to agree to lift the arms embargo on Somalia, which has been in place for the past 21 years, it has been claimed.
Arbaco, Feberaayo 06, 2013 (HOL) — Dowaldda Mareykanka ayaa Qaramada Midoobay ugu baaqay inay tixigeliso codsidii dowladda Soomaaliya ee ahaa in cunno-qabteynta hubka laga qaado si ay dib ugu dhisto ciidamadeeda si ay dalka oo dhan ammaank ugu soo rogto.

Sarkaal sare oo Mareykanka ah ayaa sheegay in dalkiisu uu soo dhaweynayo in cunno-qabateynta hubka laga qaado Soomaaliya, si ciidamada dalkaas loo xoojiyo. Isagoo xusay in dowladda Soomaaliya ay koontarooli karto hubka.

“Waxay ila tahay ina la joogo xilligii cunnoqabteynta hubka laga qaadi lahaa Soomaaliya. Waayo dowladda Soomaaliya waa mid joogto ah, dalkuna waa mid madax-bannaan wuxuuna xaq u leeyahay inuu ciyaaro siyaasadihiisa caalamiga ah; innagana waxaa nalaga doonayaa inaan caawinno oo keliya,” ayuu yore sarkaalka oo magaciisa qariyay.

Hadalka sarkaalkan oo u warramayay wakaaladda wararka ee Reuters ayaa wuxuu kusoo beegmayaa iyadoo xoghayaha guud ee Qaramada Midoobay, Ban Ki-Moon uu 15-ka xubnood ee golaha ammaanka ka dalbaday inay tix-geliyaan dalabkii dowladda Soomaaliya ee ahaa in cunnoqabateynta hubka laga qaado.

Golaha ammaanka ayaa sannadkii 1992-kii kusoo rogay Soomaaliya cunno-qabateynta hubka ee saaran, kaddib markii ay dalkaas ka billowdeen colaado sokeeye oo u dhexeeya hoggaamiyeyaal dagaal oo salka kula jiray beelo.

Siyaasigan Mareykanka ah ayaa sheegay in dalalka Ingiriiska iyo Faransiiska ay taageersan yihiin in cunno-qabeynta hubka laga qaado Soomaaliya, si dib loogu dhiso ciidamada qalabka sida oo ay hadda caawiyaan ciidammo ka socda dalalka dariska ah iyo kuwo kale oo Afrikaan ah.

Ergayga Soomaaliya u fadhiya Qaramada Midoobay, Ciid Bedel Maxamed oo la hadlay Reuters ayaa yore: “Xilligan Soomaaliya kama jirto cabsi u aaddan in dagaal-oogayaashii hore ay khatar ku yihiin ammaanka iyo degenaashaha dalka. Xaaladdu waa mid wanaagsan, hoggaamiye kooxeedyadiina waxay ka mid yihiin shacabka iyo xubnaha baarlamaanka, sidaa daraadeedna waa in cunno-qabateynta hubka laga qaado Soomaaliya.”

Qaramada Midoobay wax hadal ah oo arrintaan ku saabsan ma soo saarin, iyadoo dalabka Mareykanka uu imaanayo xilli Mareykanka uu bishii lasoo dhaafay sheegay inuu aqoonsaday dowladda federaalka Soomaaliya.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
2/6/2013 1:09 PM EST
Wareysi gaar ah madaxweyne Xasan Sheekh uu siiyay Hiiraan Online ayuu uga waramay qodobo muhiim oo ay ka mid yihiin Shirka bisha May ee magaalada London, socdaalkiisa London iyo arrimo kale.

2/6/2013 11:53 AM EST
Arbaco, Feberaayo 06, 2013 (HOL) — Waxaa maanta magaalada Boorame ee xarunta gobolka Awdal booqasho maalin ah ku yimid taliye ku xigeenka koowaad ee ciidamada booliiska Somaliland, Jen. C/raxmaan Axmed Liibaan (Fooxle), iyadoo booqashadan lagu sheegay mid loogu kuurgalayay ciidanka booliiska ee ku sugan degmada.

2/6/2013 11:52 AM EST
Arbaco, Feberaayo 06, 2013 (HOL) — Haweenka gobolka Banaadir, gaar ahaan labada urur ee SSWC iyo HINA ayaa maanta ku qabtay magaalada Muqdisho munaasabad ay deeq lacageed oo tabarucaad ah ku siinayeen haween dan-yar ah oo gaaraya illaa 30 si ay ugu shaqeystaan.

2/6/2013 9:33 AM EST
Arbaco, Feberaayo 06, 2013 (HOL) — Isbaheysiga nabadda Soomaaliya ayaa cadaalad-darro ku tilmaamay xukunkii maxkamada gobolka Banaadir ay shalay ku riday weriye, Cabdicasiis Cabdinuur Ibraahim (Koronto) iyo Luul Cali Cusmaan oo ah haweeney Soomaaliyeed oo sheegtay in la kufsaday.

2/6/2013 7:49 AM EST
Madaxweynaha Jamhuuriyadda Federaalka Soomaaliya Mudane Xasan Sheekh Maxamuud iyo wafdi uu hogaaminayo ayaa maanta ka qeyb galay shirka Ururka Islaamka (OIC) oo ka furmay caasimadda Qaahira.

2/6/2013 7:29 AM EST
Arbaco, Feberaayo, 06, 2013 (HOL) – Ra’iisal wasaaraha xukuumada Soomaaliya Cabdi Faarax Shirdoon Saacid iyo wafdi balaaran oo uu horkacayo ayaa maanta gaaray magaalada Baladweyne ee xarunta gobollka Hiiraan.

2/6/2013 6:58 AM EST
Arbaco, Feberaayo 06, 2013 (HOL) — Wasiirka wasaaradda amniga ee Puntland Col. Khaliif Ciise Mudan oo maanta shir-saxaafadeed ku qabtay xarunta wasaaradda ee magaalada Boosaaso ayaa ka hadlay arimo badan.

2/6/2013 6:34 AM EST
Arbaco, Feberaayo 06, 2013 (HOL) — Madaxweynaha Somaliland Md. Axmed Maxamed Maxamuud (Siilaanyo) ayaa safar shaqo ugu anbabaxay dalka Ingiriiska si uu ugala soo hadlo wasaaradda Arrimaha dibadda ee dalkaasi amni daradii ay ku sheegeen Somaliland iyo sidii ay cilaaqaadka labadda dhinaca uga dhexeeya usoo hagaajin lahaa.

2/6/2013 6:28 AM EST
Arbaco, Feberaayo 06, 2013 (HOL) — Ciidamada ammaanka Puntland ee gobolka Mudug ayaa xalay magaalada Gaalkacayo ee xarunta gobolka Mudug ka sameeyey howlgal ballaaran oo lagu soo qabtay in ka badan 200 oo qof.

2/6/2013 6:26 AM EST
Arbaco, Feberaayo 06, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hogaaminayo ayaa xalay gaaray magaalada Qaahira ee xarunta dalka Masar, halkaasoo uu uga qaybgalayo shirka ururka Islaamka (OIC) kasoo ay kasoo qayb-galayaan 59 dowladdood oo Islaam ah.

2/6/2013 3:22 AM EST
Arbaco, Feberaayo 06, 2013 (HOL) — Iyadoo tan iyo wixii ka danbeeyay burburkii dowladii hore ee Soomaaliya ay dalka Soomaaliya ka dhaceen colaado u dhexeeyay qabaa’illada Soomaaliyeed kuwaasoo sababay in la isku ugaarsado qaab qabiil iyo weliba in lakala dhaco hanti ayay dowladda Soomaaliya shaaca ka qaaday in ay dhiseyso guddi qaran oo kasoo talo bixiya habka ugu haboon ee dib loogu celin karo hantida ay kala heystaan dadka Soomaaliyeed.

2/6/2013 2:20 AM EST
Arbaco, Feberaayo 06, 2013 (HOL) — Wafdi uu horkacayo ra’isul wasaaraha xukuumadda federaalka Soomaaliya Dr. Cabdi Faarax Shirdoon (Saacid) ayaa goor dhow gaaray magaalada Baladweyne ee xarunta gobolka Hiiraan.