2014-10-24
Today from Hiiraan Online:  _
Wararka Maanta- Arbaco, Feb 6 , 2013
Ciidamada AmnigaPuntland oo Howlgallo ay xalay Gaalkacayo ka sameeyeen kusoo qabtay in ka badan 200 oo qof


Arbaco, Feberaayo 06, 2013 (HOL) — Ciidamada ammaanka Puntland ee gobolka Mudug ayaa xalay magaalada Gaalkacayo ee xarunta gobolka Mudug ka sameeyey howlgal ballaaran oo lagu soo qabtay in ka badan 200 oo qof.

Taliyaha ciidamada Booliska ee gobolka Mudug oo maanta warbaahinta la hadlay ayaa ka war-bixiyey ujeedada howlgalkan iyo sababta xilligan kusoo beegtay.

G/sare Jaamac Maxamed Axmed ayaa sheegay in howlgalkan oo ah mid sii socon doona, islamarkaana ay ka qayb qaadanayaan dhammaan qaybaha kala duwan ee lamaaha ammaanku, lagu soo qabtay dad 200 ka badan.

“Howlgallo siyaado ah ayaa maalmahan socon doona, waxanna ugu tala galnay in aan kooxaha nabad diidka ah kusoo afjarno, xalayna waxan qabanay dad 200 ku dhow” G/sare Jamaac ayaa yiri.

Wuxuuna intaas raaciyey in sababta howlgalkan ka danbeysaa ay tahay kaddib markii ay laamaha ammaanku heleen xog ku saabsan in - kooxo uu nabad-diid ku tilmaamay-  ay magaalada Gaalkacayo soo galeen.

Taliyaha Booliska gobolka Mudug ayaa dhinaca kale tilmaamay in ujeedadoodu aysan ahayn in ay dadka dhibaan, balse ay ku khasaban yihiin in ay qabtaan cid walba oo ay ka shekiyaan, si ay u baaraan.

“Ujeedadeenu ma ahan inaan shacabka dhibno, sida aan ognahay kooxaha nabad diidka ahi waxay ku dhex dhuuntaan bulshada, dadkii aan qabanay waxan ka reebnay 45 qof intii kale waa lasii daayey”

Howlgalkan oo noqonaya kii ugu ballaarnaa ee muddo sanado ah magaalada Gaalkacayo – dhinaca maamulka Puntland- laga sameeyo, wuxuu kusoo aadayaa xilli ammaanka magaaladaasi uu todobaadyadii u danbeeyey ahaa mid aad u wanaagsan.

Maxamed Salaad Xaaji Dirir, Hiiraan Online
xaajidirir@hiiraan.com
Puntland, Soomaaliya





Post your comments

2013-02-06 1:09 PM EST
Wareysi gaar ah madaxweyne Xasan Sheekh uu siiyay Hiiraan Online ayuu uga waramay qodobo muhiim oo ay ka mid yihiin Shirka bisha May ee magaalada London, socdaalkiisa London iyo arrimo kale.

2013-02-06 11:53 AM EST
Arbaco, Feberaayo 06, 2013 (HOL) — Waxaa maanta magaalada Boorame ee xarunta gobolka Awdal booqasho maalin ah ku yimid taliye ku xigeenka koowaad ee ciidamada booliiska Somaliland, Jen. C/raxmaan Axmed Liibaan (Fooxle), iyadoo booqashadan lagu sheegay mid loogu kuurgalayay ciidanka booliiska ee ku sugan degmada.

2013-02-06 11:52 AM EST
Arbaco, Feberaayo 06, 2013 (HOL) — Haweenka gobolka Banaadir, gaar ahaan labada urur ee SSWC iyo HINA ayaa maanta ku qabtay magaalada Muqdisho munaasabad ay deeq lacageed oo tabarucaad ah ku siinayeen haween dan-yar ah oo gaaraya illaa 30 si ay ugu shaqeystaan.

2013-02-06 9:33 AM EST
Arbaco, Feberaayo 06, 2013 (HOL) — Isbaheysiga nabadda Soomaaliya ayaa cadaalad-darro ku tilmaamay xukunkii maxkamada gobolka Banaadir ay shalay ku riday weriye, Cabdicasiis Cabdinuur Ibraahim (Koronto) iyo Luul Cali Cusmaan oo ah haweeney Soomaaliyeed oo sheegtay in la kufsaday.

2013-02-06 7:49 AM EST
Madaxweynaha Jamhuuriyadda Federaalka Soomaaliya Mudane Xasan Sheekh Maxamuud iyo wafdi uu hogaaminayo ayaa maanta ka qeyb galay shirka Ururka Islaamka (OIC) oo ka furmay caasimadda Qaahira.

2013-02-06 7:29 AM EST
Arbaco, Feberaayo, 06, 2013 (HOL) – Ra’iisal wasaaraha xukuumada Soomaaliya Cabdi Faarax Shirdoon Saacid iyo wafdi balaaran oo uu horkacayo ayaa maanta gaaray magaalada Baladweyne ee xarunta gobollka Hiiraan.

2013-02-06 7:24 AM EST
Arbaco, Feberaayo 06, 2013 (HOL) — Dowaldda Mareykanka ayaa Qaramada Midoobay ugu baaqay inay tixigeliso codsidii dowladda Soomaaliya ee ahaa in cunno-qabteynta hubka laga qaado si ay dib ugu dhisto ciidamadeeda si ay dalka oo dhan ammaank ugu soo rogto.

2013-02-06 6:58 AM EST
Arbaco, Feberaayo 06, 2013 (HOL) — Wasiirka wasaaradda amniga ee Puntland Col. Khaliif Ciise Mudan oo maanta shir-saxaafadeed ku qabtay xarunta wasaaradda ee magaalada Boosaaso ayaa ka hadlay arimo badan.

2013-02-06 6:34 AM EST
Arbaco, Feberaayo 06, 2013 (HOL) — Madaxweynaha Somaliland Md. Axmed Maxamed Maxamuud (Siilaanyo) ayaa safar shaqo ugu anbabaxay dalka Ingiriiska si uu ugala soo hadlo wasaaradda Arrimaha dibadda ee dalkaasi amni daradii ay ku sheegeen Somaliland iyo sidii ay cilaaqaadka labadda dhinaca uga dhexeeya usoo hagaajin lahaa.

2013-02-06 6:26 AM EST
Arbaco, Feberaayo 06, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hogaaminayo ayaa xalay gaaray magaalada Qaahira ee xarunta dalka Masar, halkaasoo uu uga qaybgalayo shirka ururka Islaamka (OIC) kasoo ay kasoo qayb-galayaan 59 dowladdood oo Islaam ah.

2013-02-06 3:22 AM EST
Arbaco, Feberaayo 06, 2013 (HOL) — Iyadoo tan iyo wixii ka danbeeyay burburkii dowladii hore ee Soomaaliya ay dalka Soomaaliya ka dhaceen colaado u dhexeeyay qabaa’illada Soomaaliyeed kuwaasoo sababay in la isku ugaarsado qaab qabiil iyo weliba in lakala dhaco hanti ayay dowladda Soomaaliya shaaca ka qaaday in ay dhiseyso guddi qaran oo kasoo talo bixiya habka ugu haboon ee dib loogu celin karo hantida ay kala heystaan dadka Soomaaliyeed.

2013-02-06 2:20 AM EST
Arbaco, Feberaayo 06, 2013 (HOL) — Wafdi uu horkacayo ra’isul wasaaraha xukuumadda federaalka Soomaaliya Dr. Cabdi Faarax Shirdoon (Saacid) ayaa goor dhow gaaray magaalada Baladweyne ee xarunta gobolka Hiiraan.