2014-09-21
Today from Hiiraan Online:  _
Wararka Maanta- Arbaco, Feb 6 , 2013
Ra’iisul Wasaare Saacid iyo Wafdi uu Hoggaaminayo oo loogu soo dhaweeyay Magaalada Baladweyne ee Gobolka Hiiraan


Arbaco, Feberaayo 06, 2013 (HOL) — Wafdi uu horkacayo ra’isul wasaaraha xukuumadda federaalka Soomaaliya Dr. Cabdi Faarax Shirdoon (Saacid) ayaa goor dhow gaaray magaalada Baladweyne ee xarunta gobolka Hiiraan.

Ra’isul wasaaraha ayaa waxaa safarkiisa ku wehlinayo xubno katirsan goliihiisa wasiirada, oo ay kamid yihiin wasiirka arimaha gudaha iyo amniga qaranka Mudane C/kariin Xuseen Guuleed, wasiirka gaashaandhigga Soomaaliya Mudane C/xakiin Xaaji Fiqi,Wasiirka Wasaaradda Kheyraadka Mudane C/risaaq Cumar Maxamed,Wasiir kuxigeenka Wasaaradda Warfaafinta, Boostada, Isgaarsiinta iyo Gaadiidka Mudane C/shakuur Cali Mire, Safiirka Dowladda Jabuuti u fadhiya Soomaaliya Danjire Dayib Dubad Rooble, Xildhibaanno iyo saraakiil kale oo katirsan dowladda Soomaaliya.

Wafdiga ayaa markii ay gaareen garoonka diyaaradaha magaalada Baladweyne waxaa halkaasi si diiran ugu soo dhaweeyay masuuliyiinta maamulka gobolka Hiiraan, saraakiisha ciidamada dowladda Soomaaliya iyo kuwa ka socda dalka Jabuuti ee qeybta ka ah AMISOM, Odoyaal dhaqameed, dhalinyaro, haween iyo qeybaha kala duwan ee Bulshada.

Wafdiga ayaa imika xarunta ciidamada AMISOM ee magaalada Baladweyne kulan kula leh Saraakiisha ciidamada AMISOM iyo madaxda maamulka degmadaasi, waxaana la filayaa in wafdiga uu booqasho kusoo maro qeybaha kala duwan ee magaaladaasi.

Ra'isul wasaaraha ayaa sidoo kale la filayaa in Xerada Lamagalaay ee magaalada Baladweyne uu kula hadlo shacabka ku dhaqan degmadaasi, waxaana guud ahaan magaalada Baladweyne siweyn looga hadal hayaa wafdiga uu hogaaminayo ra'isul wasaaraha ee gaaray halkaasi.

Xukuumadda Soomaaliya ayaa dadaal ugu jirta sidii ay maamullo ugu dhisi lahayd gobollada Dalka Soomaaliya ee lagala wareegay Al-shabaab, iyadoona dowladda Soomaaliya ay maamul KMG ah u magacowday magaalada Baydhabo wallow ay jiraan siyaasiyiin kasoo jeeda gobolkaasi oo siweyn uga soo horjeestay maamulka ay dowladdu usoo magacowday degmadaasi.

Magaalada Baladweyne ayaa ah degmada keliya ee katirsan gobolka Hiiraan oo ay gacanta ku hayaan ciidamada dowladda Soomaaliya, halka goobolka intiisa badan ay maamulaan xoogagga Al-shabaab ee sida weyn uga soo horjeeda siyaasadda dowladda soomaaliya iyo ciidamada nabad ilalainta Midowga Afrika ee AMISOM.

Faahfaahin ku saabsan booqashada wafdiga ra’isul wasaaraha haduu Alle yiraahdo waxaad uga bogan doontaan wararkeena danbe.

Xasan Nuur, Hiiraan Online
Hnur@hiiraan.com
Muqdisho, Soomaaliya





Post your comments

2013-02-06 1:09 PM EST
Wareysi gaar ah madaxweyne Xasan Sheekh uu siiyay Hiiraan Online ayuu uga waramay qodobo muhiim oo ay ka mid yihiin Shirka bisha May ee magaalada London, socdaalkiisa London iyo arrimo kale.

2013-02-06 11:53 AM EST
Arbaco, Feberaayo 06, 2013 (HOL) — Waxaa maanta magaalada Boorame ee xarunta gobolka Awdal booqasho maalin ah ku yimid taliye ku xigeenka koowaad ee ciidamada booliiska Somaliland, Jen. C/raxmaan Axmed Liibaan (Fooxle), iyadoo booqashadan lagu sheegay mid loogu kuurgalayay ciidanka booliiska ee ku sugan degmada.

2013-02-06 11:52 AM EST
Arbaco, Feberaayo 06, 2013 (HOL) — Haweenka gobolka Banaadir, gaar ahaan labada urur ee SSWC iyo HINA ayaa maanta ku qabtay magaalada Muqdisho munaasabad ay deeq lacageed oo tabarucaad ah ku siinayeen haween dan-yar ah oo gaaraya illaa 30 si ay ugu shaqeystaan.

2013-02-06 9:33 AM EST
Arbaco, Feberaayo 06, 2013 (HOL) — Isbaheysiga nabadda Soomaaliya ayaa cadaalad-darro ku tilmaamay xukunkii maxkamada gobolka Banaadir ay shalay ku riday weriye, Cabdicasiis Cabdinuur Ibraahim (Koronto) iyo Luul Cali Cusmaan oo ah haweeney Soomaaliyeed oo sheegtay in la kufsaday.

2013-02-06 7:49 AM EST
Madaxweynaha Jamhuuriyadda Federaalka Soomaaliya Mudane Xasan Sheekh Maxamuud iyo wafdi uu hogaaminayo ayaa maanta ka qeyb galay shirka Ururka Islaamka (OIC) oo ka furmay caasimadda Qaahira.

2013-02-06 7:29 AM EST
Arbaco, Feberaayo, 06, 2013 (HOL) – Ra’iisal wasaaraha xukuumada Soomaaliya Cabdi Faarax Shirdoon Saacid iyo wafdi balaaran oo uu horkacayo ayaa maanta gaaray magaalada Baladweyne ee xarunta gobollka Hiiraan.

2013-02-06 7:24 AM EST
Arbaco, Feberaayo 06, 2013 (HOL) — Dowaldda Mareykanka ayaa Qaramada Midoobay ugu baaqay inay tixigeliso codsidii dowladda Soomaaliya ee ahaa in cunno-qabteynta hubka laga qaado si ay dib ugu dhisto ciidamadeeda si ay dalka oo dhan ammaank ugu soo rogto.

2013-02-06 6:58 AM EST
Arbaco, Feberaayo 06, 2013 (HOL) — Wasiirka wasaaradda amniga ee Puntland Col. Khaliif Ciise Mudan oo maanta shir-saxaafadeed ku qabtay xarunta wasaaradda ee magaalada Boosaaso ayaa ka hadlay arimo badan.

2013-02-06 6:34 AM EST
Arbaco, Feberaayo 06, 2013 (HOL) — Madaxweynaha Somaliland Md. Axmed Maxamed Maxamuud (Siilaanyo) ayaa safar shaqo ugu anbabaxay dalka Ingiriiska si uu ugala soo hadlo wasaaradda Arrimaha dibadda ee dalkaasi amni daradii ay ku sheegeen Somaliland iyo sidii ay cilaaqaadka labadda dhinaca uga dhexeeya usoo hagaajin lahaa.

2013-02-06 6:28 AM EST
Arbaco, Feberaayo 06, 2013 (HOL) — Ciidamada ammaanka Puntland ee gobolka Mudug ayaa xalay magaalada Gaalkacayo ee xarunta gobolka Mudug ka sameeyey howlgal ballaaran oo lagu soo qabtay in ka badan 200 oo qof.

2013-02-06 6:26 AM EST
Arbaco, Feberaayo 06, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hogaaminayo ayaa xalay gaaray magaalada Qaahira ee xarunta dalka Masar, halkaasoo uu uga qaybgalayo shirka ururka Islaamka (OIC) kasoo ay kasoo qayb-galayaan 59 dowladdood oo Islaam ah.

2013-02-06 3:22 AM EST
Arbaco, Feberaayo 06, 2013 (HOL) — Iyadoo tan iyo wixii ka danbeeyay burburkii dowladii hore ee Soomaaliya ay dalka Soomaaliya ka dhaceen colaado u dhexeeyay qabaa’illada Soomaaliyeed kuwaasoo sababay in la isku ugaarsado qaab qabiil iyo weliba in lakala dhaco hanti ayay dowladda Soomaaliya shaaca ka qaaday in ay dhiseyso guddi qaran oo kasoo talo bixiya habka ugu haboon ee dib loogu celin karo hantida ay kala heystaan dadka Soomaaliyeed.