2014-10-22
Today from Hiiraan Online:  _
Wararka Maanta- Axad, Feb 3 , 2013
Qarax Xalay ka Dhacay magaalada Wajeer ee dalka Kenya


Axad, Febraayo 03, 2012 (HOL) - Qarax ayaa lagu soo waramayaa in uu xalay ka dhacay magaalada Wajeer ee gobolka Waqooyi bari Kenya, iyadoona qaraxaasi uu sababay khasaarooyin isugu jira dhimasho iyo Dhaawac.

Goobjoogeyaal ku sugan magaalada Wajeer ayaa warbaahinta u xaqiijiyay in qaraxu uu yimid kadib markii ruux walxaha qarxa sitay ay ku qarxeen, waxaana uu sababay dhimashada ruuxii sitay iyo dhaawacyo soo gaaray afar qof oo mid kamid ah uu ahaa askari katirsan booliska Kenya.

“Salaadii cishaha markii laga soo baxay ayaa waxaa la maqlay magaalada dhexdeeda qarax weyn oo ka dhacay. Marka waxaa xaqiiqo noqotay in nin madoow ah oo gobollada kale ee Kenya ka yimid oo aan reer Waqooyi bari ahayn in uu alaabta qarxeysay watay oo ay ku qaraxday,” sidaa waxa yiri mid kamid ah dadka deegaanka oo laanta Af-soomaaliga ee BBC-da wareysi siiyay.

Goobta uu qaraxa ka dhacay oo ahayd meel aad u mashquul badan islamarkaasina ku taal bartamaha magaalada Wajeer ayaa la sheegay in ay durba soo gaareen ciidamo katirsan kuwa Booliska magaalada Wajeer, kuwaasoo xiray wadooyinka mara halka uu qaraxa ka dhacay, waxaana durbadiiba uu hakad ku yimid ganacsigii iyo isusocodkii dadka iyo gaadiidka ee isticmaali jiray goobtaasi.

Ilaa imika ma jiraan masuuliyiin katirsan dowladda Kenya oo faahfaahin ka bixiyay qaraxii xalay iyo weliba khasaarooyinka ka dhashay.

Ammaanka gobolka Waqooyi Bari ee dalka Kenya ayaa mudooyinkii u danbeeyay ahaa mid aad u liita iyadoona ay marar badan ka dhaceen qaraxyo iyo dilal qorsheysan oo lala beegsaday  ciidamado katirsan kuwa Kenya.

Tan iyo wixii ka danbeeyay markii dowladda Kenya ay ciidamadeeda u dirtay dalka Soomaaliya si ay ula dagaalamaan dhaqdhaqaaqa Al-shabaab oo ay ku eedeeyeen in ay qatar ku yihiin ammaanka dalka Kenya, waxaa isa soo tarayay weerarrada isugu jira dilalka iyo qaraxyada ee lala beegsada askarta Kenya iyo weliba goobaha ay isugu yimaadaan dadka shacabka ah sida Baararka lagu caweeyo iyo Kaniisadaha.

………………
Xasan Nuur, Hiiraan Online
Hnur@hiiraan.com
Muqdisho, Soomaaliya





Post your comments

2013-02-03 1:43 PM EST
Axad, Feberaayo 03, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa sheegtay maanta oo Axad ah in Dowladdu ay difaaci doonto haweenka la kufsdo, kaddib markii hay’daha deeqaha bixiya iyo kuwa xuquuqda aadanaha ay cambaareeyeen xarigga haweeney sheegtay inay kufsadeen ciidammo ka tirsan dowladda iyo wariye wareysi la yeeshay.

2013-02-03 11:03 AM EST
Axad, Febaraayo 3, 2013 (HOL)-Waxaa maanta xabaalaha Biyo-kulule ee magaalada Boosaaso lagu aasay AHN Suldaan Muuse Faarax Muuse (unkud) oo shalay koox dabley ahi ay ku toogteen bartamaha magaalada Boosaaso ee xarunta gobolka Bari.

2013-02-03 9:50 AM EST
Axad, February 03, 2013 (HOL) - Uruka kubadda kulayga ee adduunka (FIBA) ayaa qoraal ay soo saareen ku sheegeen in Ciyaarhanka Soomaaliyeed Faisal Jama Adan uu jabiyey recorkii dhibcaha ugu badan ee hal ciyaar horayna uu dhigay Oscar Schmidt oo ah nin Brazil ah ciyaarihii Olympics ee lagu qabtay magaalada Seoul ee W. Korea sannadkii 1988.

2013-02-03 8:33 AM EST
Axad, Feberaayo, 03, 2013 (HOL) -- Kadib dagaal culus oo habeen hore ku dhaxmaray magaalada Baladweyne ee xarunta gobollka Hiiraan ciidamada Jabuuti ee howlgalka midowga Africa ee AMISOM iyo Al-shabaab, ayaa markii ugu horeeysay waxaa HOL dagaalkaasi iyo sida uu u dhacay uga waramay taliska ciidamada Jabuuti ee ku sugan magaalada Baladweyne.

2013-02-03 7:23 AM EST
Axad, Febraayo 03, 2012 (HOL) - Ra’isul wasaaraha xukuumadda Federaalka Soomaaliya Mudane Cabdi Faarax Shirdoon (Saacid) ayaa maanta xafiiskiisa kulan kula qaatay agaasimeyaasha guud ee wasaaradaha dowladda, iyadoona kulankaasi uu ku saabsanaa kala warqaadasho iyo dar-dargelinta howlaha wasaaradaha.

2013-02-03 6:39 AM EST
Axad, February 03, 2013(HOL): Deeqraashin ah ayaa gabdho ku dhaqan dalka Holland ay soo gaadhsiiyeen isbitaalka Qaaxadda (TB) ee magaaladda Laascaanood Xarunta Gobolka Sool.

2013-02-03 6:11 AM EST
Axad, February 03, 2013(HOL): Madaxweynaha Soomaaliya Xasan Shiikh Maxamuud ayaa xalay la hadlay Soomaalida UK, isagoo ka qeybgalay munaasabad lagu soo dhaweynayay oo lagu qabtay Hoolka Central Hall Westminster ee magaalada London.

2013-02-03 5:48 AM EST
Axad, February 03, 2013(HOL): Magaalada Toronto ee dalka Canada ayaa lagu qabtay xaflad soo dhaweyn ah xulka wiilasha K/Kolayga Qaranka ee reer Canada iyo xoghayaha Guud ee Xirrirka somaliyeed Kubbada Koleyga Mudane Saciid Faarax Ducaale oo dhawaan ka soo labbatay Tartantankii Kubbada Koleyga ee Zone V oo lagu qabtaty dalka Tanzania magaalo madaxdiisa Daresalaam.

2013-02-03 2:19 AM EST
Axad, Febraayo 03, 2012 (HOL) - Kulan ay isugu yimaadeen golaha wasiirada xukuumadda federaalka Soomaaliyaa ayaa lagu magacaabay guddi ka shaqeeya xakameynta hoos u dhaca baahsan ee ku yimid sarifka lacagaha Doollarka, taasoo mudooyinkii u danbeeyay ay cabasho ka muujinayeen dadka shacabka ah ee ku dhaqan gobolka Banaadir.

2013-02-03 1:57 AM EST
Axad, Febraayo 03, 2012 (HOL) - Waxaa maalinimadii jimcaha ee aynu kasoo gudubnay dalka Uganda tababar ciidan loogu soo xiray 500 oo askari, kuwaasoo bilooyinkii u danbeeyay uu tababar dhanka Militariga ah uga socday dalkaasi.