2014-04-16
Today from Hiiraan Online:  _
Wararka Maanta- Isniin, Feb 11, 2013
Qaramada Midoobay oo sheegtay in Xafiisyadeeda ku yaalla Magaalada Nairobi ay u rarayso Magaalada Muqdisho

Isniin, Feberaayo 11, 2013 (HOL) — Qaramada Midoobayayaa shaacisay in dhammaan xafiisyadeeda ku yaala Magaalada Nairobi ay ugu soo rarayso sida ugu dhaqsiyaha badan gudaha Soomaaliya, gaar ahaan xarunta dalka Soomaailya ee Muqdisho oo isbedel ammaan uu ka jiro.

Wakiilka xoghayaha guud ee ee dhinaca siyaasada, Jeffery Fartman oo shir jaraa’id ku qabtay xarunta Qaramada Midoobay ee New York booqasho uu ku yimid Muqdisho kaddib ayaa sheegay in caasimada dalka Soomaaliya ay xiligan mareyso meel dadkeedu kasoo kabanayo burburkii ka gaaray dhanka dhaqaalaha iyo nolosha.

Sarkaalku wuxuu sheegay in muwaadiniinta ku nool xarunta Soomaaliya ay dareemayaan rajo cusub oo kasoo muuqata hoggaanka cusub ee dowladda Soomaaliya,  kaasoo ku yimid doorasho ay qabatay dowaladii hore ee KMG-ka ahayd.

“Qaramada Midoobay waa inay gacan ka geysato taageerada howsha ka socota Soomaaliya ee meesha wanaagsan maraysa; waxaynu rajeynaynaa in afarta sano ee soo socota ay Soomaaliya gaarto horumar intaan aad uga badan, ayna shacabku soo doortaan xildhibaannada baarlamaanka iyo midda madaxweynaha. Innagu waxaan xoogga saaraynaa in la sameyo dastuur joogta ah,’’ ayuu yiri Jaffrey.

Sarkaalka oo hadalkiisa si iwata ayaa sheegay in madaxweynaha dowladda Soomaaliya uu kula kulmay magaalada Addis Ababa ee dalka Itoobiya xiligii uu socday shirkii Midowga Afrika, sidoo kale uu kula kulmay Muqdisho ra’iisul wasaaraha Soomaaliy, wasiirro ka tirsan xukuumadiisa iyo guddoonka baarlamaanka ayna isla garteen dhammaantood in xoogga la saaro sidii ammaanka dalka loosoo celin lahaa, loona horumarin lahaa hay’ado ay ka mid yihiin garsoorka, kuwa dhaqaalaha iyo maamulka.

Ugu dambeyn, wakiilka xoghayaha guud ee dhinaca siyaaadda wuxuu kusoo afjaray shirkiisa jaraa;id in Qaramada Midoobay ay ku dadaalayso sidii ay taageero buuxda u siin lahayd Soomaaliya iyo dowladda cusub,  isagoo hoosta ka xariiqay in xafiisyadii Ummadda Midoobay ee saldhiggoodu ahaa Nairobi loosoo wareejin doono Muqdisho.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-02-11 3:53 PM EST
Isniin, Feberaayo 11, 2013(HOL):— Magaalada Mineapolis ee Gobolka Minnesota waxaa xalay ka dhacay kulan si heer sare loo soo agaasimay, kaasi oo ay ka qeybgalay Soomaalida ku nool Mareykanka, gaar ahaan Gobolkaas, waxaana kulankan uu ahaa mid lagu soo dhaweynayay Ra’iisal Wasaarihii hore ee Soomaaliya Dr. C/weli Maxamed Cali Gaas.

2013-02-11 12:41 PM EST
Isniin, Feberaayo 11, 2013 (HOL) — Guddi wadajir ah oo ka kooban AMISOM iyo dowladda Soomaaliya ayaa baaris ay ku sameeyeen kiis ku saabsanaa dil ka dhacay deegaanka Leego ee gobolka Shabeellada hoose, waxay ku heleen ciidamada AMISOM inay geysteen toogashada dadka rayidka ah ee lagu dilay deegaankaas.

2013-02-11 12:05 PM EST
Isniin, Feberaayo 11, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa cambaareeyay weerarkii ismiidaaminta ahaa ee maanta ka dhacay degmada Gaalkacyo ee gobolka Mudug, kaasoo uu ku dhintay ruuxii fuliyay, khasaare dhaawacyo ahna sababay.

2013-02-11 12:03 PM EST
Isniin, Feberaayo 11, 2013 (HOL) — Xildhibaanno ka socda dalka Burundi, ayaa maanta kula kulmay Muqdisho madaxda dowladda Somalia, ciidamada AMISOM ee ku sugan Muqdisho iyo ergayga Midowga Afrika ee Soomaaliya, Maxamed Saalix Anaadiif.

2013-02-11 7:58 AM EST
Isniin, Feberaayo 11, 2013 (HOL) —Magaalada Baydhabo ee gobolka Bay ayaa waxaa maanta gaaray ciidamadii ka tirsan kuwa dowladda Soomaaliya oo afdhigeedu ahaa degmada Bardaale ee gobolka Bay, kuwaasoo tiradooda ahayd 300-kasi, iyadoo shalayna ay degmadaas gaareen ciidammo saldhig ku lahaa deegaanka Gof-gaduud Shabeelow.

2013-02-11 7:44 AM EST
Isniin, Feberaayo 11, 2013 (HOL) — Urur siyaasadeedkii DALSAN ee ka midka ahaaa ururaddii hadhay, ayaa maanta la midoobay xisbiga taladda haya ee KULMIYE, isla markaana kala qortay heshiis wax wada qaybsi.

2013-02-11 7:27 AM EST
Isniin, Feberaayo 11, 2013 (HOL) — Warsaxaafadeed ay soo saartay hay’adda ICRC ayaa waxay ku sheegtay in guddiga caalamiga ee Laan-qeyrta cas (ICRC) iyo mas’uuliyiinta xanaanada xoolaha Soomaaliya ay soo gaba-gabeeyay olole ballaaran oo lagu daweeyay 700,000 oo nee foo ku nool waqooyiga Somaaliya.

2013-02-11 6:58 AM EST
Isniin, Feberaayo 11, 2013 (HOL) —Nabadsugidda gobolka Banaadira ayaa maanta kusoo bandhigtay Muqdisho maydka ruux ay sheegeen inuu xalay ku dilay degmada Shibbis ee gobolka Banaadir sarkaal ka tisranaa ciidamada sirta dowladda Soomaaliya.

2013-02-11 6:31 AM EST
Isniin, Feberaayo 11, 2013 (HOL) — Ciidamada dowaldda Soomaaliya iyo kuwa AMIOSM oo isgarabsnaya ayaa howgallo ay ku qab-qabteen boqolaal qof waxay saakay ka sameeyeen xaafado ka tirsan degmooyinka Hodan iyo Dayniile ee gobolka Banaadir.

2013-02-11 6:07 AM EST
Isniin, Feberaayo 11, 2013 (HOL) — Faahfaahin dheeri ah ayaa kasoo baxaysa qaraxii ismiidaaminta ahaa ee saaka magaalada Gaalkacayo lagula beegsaday taliye ku-xigeenka ciidamada Booliska Puntland Gen. Muxiyadiin Axmed Muuse.

2013-02-11 3:38 AM EST
Isniin, Feberaayo 11, 2013 (HOL) —Waxaa saaka magaalada Gaalkacayo ee xarunta gobolka Mudug qarax lagula beegsaday taliye ku-xigeenka ciidamada Booliska Puntland Gen. Muxiyadiin Axmed Muuse.

2013-02-11 2:20 AM EST
Isniin, Feberaayo 11, 2013 (HOL) — Xulka kubadda cagta ee dalka Nigeria ayaa ku guuleysatay koobka Qaramada Afrika oo lagu soo gabgabeeyay xalay magaalada Johannesberg ee dalka Koonfur Afrika, kaddib markii ay ka adkaadeen xulka Burkino Faso oo ay ciyaarta kama dambeysta ah isugu soo baxeen.

2013-02-11 1:48 AM EST
Isniin, Feberaayo 11, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa sheegay in dowladdu ay dadaal ugu jirto sidii ay wax uga qayban lahayd safirka lacagta shilling Soomaaliga ah oo hoos u dhacday tododbaadyadii lasoo dhaafay.

2013-02-11 1:21 AM EST
Isniin, Feberaayo 11, 2013 (HOL) — Iyadoo dowladda Mareykanka ay dabada ka riixayso in Soomaaliya laga qaado cunno-qabteynta hubka ee Qaramada Midoobay ay saartay, ayaa guddiga ilaalinta cunno-qabteynta hubka ee saaran Soomaaliya iyo Eritrea waxay sheegayaan in Al-shabaab ay hub ka hesho shakabado ku xiran Yemen iyo Iiraan.

2013-02-11 12:32 AM EST
Isniin, Feberaayo 11, 2013 (HOL) — Ciidamada dowladda Somaaliya iyo kuwa AMISOM ayaa saakay howgallo lagu baarayo hub iyo waxyaabaha qarxa kawada xaafado ku yaalla degmooyinka Dayniile iyo Hodan, kaddib markii kooxo hubeysan ay xalay weerareen saldhig ciidan oo ku yaalla degmada Dayniile.