3/28/2024
Today from Hiiraan Online:  _
Wararka Maanta- Isniin, Feb 11, 2013
ICRC: Gargaar Xannaanada Xoolaha ah oo la gaarsiiyay 43,000 xoolo dhaqato ah oo ku nool Waqooyiga Soomaaliya

Isniin, Feberaayo 11, 2013 (HOL) — Warsaxaafadeed ay soo saartay hay’adda ICRC ayaa waxay ku sheegtay in guddiga caalamiga ee Laan-qeyrta cas (ICRC) iyo mas’uuliyiinta xanaanada xoolaha Soomaaliya ay soo gaba-gabeeyay olole ballaaran oo lagu daweeyay 700,000 oo nee foo ku nool waqooyiga Somaaliya.

ICRC ayaa warbixinteeda kus heegtay in xoolahan oo isugu jiray geel, ido iyo ari kuna noolaa deegaanno ka tirasn gobollada Togdheer, Nugaal, Sanaag iyo Sool ayaa lagu sameeyay baaritaanno iyadoo daweeyay cudurro/dullin iyo dhibaatooyin kale oo caafimaad.

“Ololaha waxaa ka faa’iideystay 43,000 qof oo noloshoodu ku tiirsan tahay xoolaha nool,” ayaa lagu yiri warbixinta ay ICRC soo saartay. Waxaana ay hay’addu sheegtay in howshan ay qayb ka tahay gargaarka ay Soomaaliya kawadaan.

Sidoo kale, hay’addu waxay sheegtay in xoolo dhaqato badan ay noloshoodu khatar ku jirto, iyadoo taas ku macnaysay inaysan haysan adeeg caafimaad oo la isku halleyn karo; iyadoo ay u dheer-tahay xaaladaha ammaanka ee dagaallada la xiriira iyo waliba musiibooyinka, taasoo ku khasbaysa inay guur-guuraan.

“Xoolaha waxay si gaar ah muhiimad ugu leeyihiin bulshooyinka deggen meelaha miyiga ah, kuwaasoo si aad ah ugu tiirsan daqligooda iyo sugnaanta cuntadooda,” sidaas waxaa yiri Patrick Vial oo ah madaxa ergada ICRC ee Soomaaliya. “Xoolo-dhaqatada barakacay waxaa si xun u saameeyay helitaan xaddidan ee jidadka reer guuraaga ee caadada ah, goobaha daaqa, biyaha iyo adeegga xoolaha.”

ICRC-da iyo ururka Bisha Cas ee Soomaaliyeed ayaa si wadajir ah u bixiyay dawada waxaana goobaha looga baahan yahay gaarsiiya mas’uuliyiin iyaga la shaqeeya, taasina waxay ku timid hanaankooda shaqo ee dhexdhexaadka ah ee aan eexashada lahayn waxaana ka mid ah wadahal ay la galayaan qof waliba oo ay quseyso.

Maxamed Sheekh Cali oo ah isku-duwaha mashaariicda sugnaanta dhaqaale ee ICRC-da ee dalka ayaa isagoo sharraxaya ololahan wuxuu yiri:“Ololahan waxaa ka faa’iideystay xoolo-dhaqatada barakacay iyo bulshooyinka ay martida u yihiin. Xoolo-dhaqatada waxay ka caawineysaa inay dhowrtaan xoolaha oo ay ku tiirsan tahay noloshooda; iyadoo la yareynayo ku dhicista cudurrada, isla markaana la kordhinayo qiimaha suuqa ee xoolaha taasoo hagaajinaysa sugnaantooda dhaqaale.”

Ugu dambeyn, hay’adda ICRC waxay warbixinteeda kusoo gabgabeysay inay ka shaqeynaysay Soomaaliya illaa sannadkii 1977-dii, iyadoo si dhowna ula shaqeynaysa ururka Bisha Cas ee Soomaaliyeed.

Hay’addu waxay sheegtay inay bixiso taageero deg-deg ah iyo mid fog intaba, iyadoo ujeeddadu tahay in la xoojiyo isku fillaashaha bulshada. Sidoo kale waxay horumarisaa hay’addu ku dhaqanka xeerka caalamiga ah ee aadanimada isla markaana kormeertaa qaabka loola dhaqmo lahaystayaasha iyo xaalada gobaha lagu haysto.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
2/11/2013 3:53 PM EST
Isniin, Feberaayo 11, 2013(HOL):— Magaalada Mineapolis ee Gobolka Minnesota waxaa xalay ka dhacay kulan si heer sare loo soo agaasimay, kaasi oo ay ka qeybgalay Soomaalida ku nool Mareykanka, gaar ahaan Gobolkaas, waxaana kulankan uu ahaa mid lagu soo dhaweynayay Ra’iisal Wasaarihii hore ee Soomaaliya Dr. C/weli Maxamed Cali Gaas.

2/11/2013 12:41 PM EST
Isniin, Feberaayo 11, 2013 (HOL) — Guddi wadajir ah oo ka kooban AMISOM iyo dowladda Soomaaliya ayaa baaris ay ku sameeyeen kiis ku saabsanaa dil ka dhacay deegaanka Leego ee gobolka Shabeellada hoose, waxay ku heleen ciidamada AMISOM inay geysteen toogashada dadka rayidka ah ee lagu dilay deegaankaas.

2/11/2013 12:05 PM EST
Isniin, Feberaayo 11, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa cambaareeyay weerarkii ismiidaaminta ahaa ee maanta ka dhacay degmada Gaalkacyo ee gobolka Mudug, kaasoo uu ku dhintay ruuxii fuliyay, khasaare dhaawacyo ahna sababay.

2/11/2013 12:03 PM EST
Isniin, Feberaayo 11, 2013 (HOL) — Xildhibaanno ka socda dalka Burundi, ayaa maanta kula kulmay Muqdisho madaxda dowladda Somalia, ciidamada AMISOM ee ku sugan Muqdisho iyo ergayga Midowga Afrika ee Soomaaliya, Maxamed Saalix Anaadiif.

2/11/2013 7:58 AM EST
Isniin, Feberaayo 11, 2013 (HOL) —Magaalada Baydhabo ee gobolka Bay ayaa waxaa maanta gaaray ciidamadii ka tirsan kuwa dowladda Soomaaliya oo afdhigeedu ahaa degmada Bardaale ee gobolka Bay, kuwaasoo tiradooda ahayd 300-kasi, iyadoo shalayna ay degmadaas gaareen ciidammo saldhig ku lahaa deegaanka Gof-gaduud Shabeelow.

2/11/2013 7:44 AM EST
Isniin, Feberaayo 11, 2013 (HOL) — Urur siyaasadeedkii DALSAN ee ka midka ahaaa ururaddii hadhay, ayaa maanta la midoobay xisbiga taladda haya ee KULMIYE, isla markaana kala qortay heshiis wax wada qaybsi.

2/11/2013 7:35 AM EST
Isniin, Feberaayo 11, 2013 (HOL) — Qaramada Midoobayayaa shaacisay in dhammaan xafiisyadeeda ku yaala Magaalada Nairobi ay ugu soo rarayso sida ugu dhaqsiyaha badan gudaha Soomaaliya, gaar ahaan xarunta dalka Soomaailya ee Muqdisho oo isbedel ammaan uu ka jiro.

2/11/2013 6:58 AM EST
Isniin, Feberaayo 11, 2013 (HOL) —Nabadsugidda gobolka Banaadira ayaa maanta kusoo bandhigtay Muqdisho maydka ruux ay sheegeen inuu xalay ku dilay degmada Shibbis ee gobolka Banaadir sarkaal ka tisranaa ciidamada sirta dowladda Soomaaliya.

2/11/2013 6:31 AM EST
Isniin, Feberaayo 11, 2013 (HOL) — Ciidamada dowaldda Soomaaliya iyo kuwa AMIOSM oo isgarabsnaya ayaa howgallo ay ku qab-qabteen boqolaal qof waxay saakay ka sameeyeen xaafado ka tirsan degmooyinka Hodan iyo Dayniile ee gobolka Banaadir.

2/11/2013 6:07 AM EST
Isniin, Feberaayo 11, 2013 (HOL) — Faahfaahin dheeri ah ayaa kasoo baxaysa qaraxii ismiidaaminta ahaa ee saaka magaalada Gaalkacayo lagula beegsaday taliye ku-xigeenka ciidamada Booliska Puntland Gen. Muxiyadiin Axmed Muuse.

2/11/2013 3:38 AM EST
Isniin, Feberaayo 11, 2013 (HOL) —Waxaa saaka magaalada Gaalkacayo ee xarunta gobolka Mudug qarax lagula beegsaday taliye ku-xigeenka ciidamada Booliska Puntland Gen. Muxiyadiin Axmed Muuse.

2/11/2013 2:20 AM EST
Isniin, Feberaayo 11, 2013 (HOL) — Xulka kubadda cagta ee dalka Nigeria ayaa ku guuleysatay koobka Qaramada Afrika oo lagu soo gabgabeeyay xalay magaalada Johannesberg ee dalka Koonfur Afrika, kaddib markii ay ka adkaadeen xulka Burkino Faso oo ay ciyaarta kama dambeysta ah isugu soo baxeen.

2/11/2013 1:48 AM EST
Isniin, Feberaayo 11, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa sheegay in dowladdu ay dadaal ugu jirto sidii ay wax uga qayban lahayd safirka lacagta shilling Soomaaliga ah oo hoos u dhacday tododbaadyadii lasoo dhaafay.

2/11/2013 1:21 AM EST
Isniin, Feberaayo 11, 2013 (HOL) — Iyadoo dowladda Mareykanka ay dabada ka riixayso in Soomaaliya laga qaado cunno-qabteynta hubka ee Qaramada Midoobay ay saartay, ayaa guddiga ilaalinta cunno-qabteynta hubka ee saaran Soomaaliya iyo Eritrea waxay sheegayaan in Al-shabaab ay hub ka hesho shakabado ku xiran Yemen iyo Iiraan.

2/11/2013 12:32 AM EST
Isniin, Feberaayo 11, 2013 (HOL) — Ciidamada dowladda Somaaliya iyo kuwa AMISOM ayaa saakay howgallo lagu baarayo hub iyo waxyaabaha qarxa kawada xaafado ku yaalla degmooyinka Dayniile iyo Hodan, kaddib markii kooxo hubeysan ay xalay weerareen saldhig ciidan oo ku yaalla degmada Dayniile.