12/22/2014
Today from Hiiraan Online:  _
Wararka Maanta- Isniin, Feb 11, 2013
Ra’iisul wasaaraha Soomaaliya oo sheegay inay dadaallo ugu jiraan sidii ay wax uga qaban lahaayeen Sarifka Lacagaha



Isniin, Feberaayo 11, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa sheegay in dowladdu ay dadaal ugu jirto sidii ay wax uga qayban lahayd safirka lacagta shilling Soomaaliga ah oo hoos u dhacday tododbaadyadii lasoo dhaafay.

Mudane Saacid ayaa sheegay in dowladdu aysan adeegsan doonin inay lacag keento dalka, balse ay sameysay guddi talo-kasoo-siiya sida wax looga qaban karo sarifka lacagaha oo uu sheegay inay dhibaato weyn ku hayaan shacabka Soomaaliyeed.

“Sidan oo kale, markii sarifka lacagta shillin Soomaaliga uu hoos u dhac ku yimaado waxaa lasoo sameyn jiray shillin si wax looga bedelo halka sarifku uu joogo. Balse innagu taas ma adeegsan doonno, waxaase qorshaheennu yahay inaan si cilmiyeysan wax uga qabanno,” ayuu yiri ra’iisul wasaare Saacid.

Ra’iisul wasaaruhu wuxuu sheegay in sarifka lacagta ee aan fadhin ay u xanuunjisay si la mid ah sida ay u xanuujisay shacabka Soomaaliyeed, balse uu shacabka u sheegayo inay socdaan qorshayaashii wax looga qaban lahaa.

“Guddi aqoonyahanno ah oo inay talo naga siiyaan aan ka codsannay ayaan u saarnay inay baaritaanno ku sameeyaan sababaha keenay in shilinkii Soomaaliya uu hoos u dhacay. Waayo waxaan doonaynaa inaan si dhow u darasno dhibaatadan innagoo kaashanayna warbixinta guddiga,” ayuu yiri mudane Saacid.

Hoos u dhacaya ku yimid sarifka shillinka Soomaaliga ayaa wuxuu saameyn xooggan ku yeeshay nolosha dadka saboolka ah, iyadoo bil ka hor lagu sarifi jiray halkii dollar 22,000 oo shillin Soomaali ah, halka uu maanta marayo 17,000 oo shillin.

Dowladda Soomaaliya ayaa dhowr jeer ka hadshay isbedelkan, waxaana mas’uuliyiinta xukuumaddu ay sheegeen inay wadaan qorshayaal ay wax uga qabanayaan isbedelka sarifka, inkastoo aan la ogeyn xilliga ay tallaabo qaadi doonaan.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2/11/2013 3:53 PM EST
Isniin, Feberaayo 11, 2013(HOL):— Magaalada Mineapolis ee Gobolka Minnesota waxaa xalay ka dhacay kulan si heer sare loo soo agaasimay, kaasi oo ay ka qeybgalay Soomaalida ku nool Mareykanka, gaar ahaan Gobolkaas, waxaana kulankan uu ahaa mid lagu soo dhaweynayay Ra’iisal Wasaarihii hore ee Soomaaliya Dr. C/weli Maxamed Cali Gaas.

2/11/2013 12:41 PM EST
Isniin, Feberaayo 11, 2013 (HOL) — Guddi wadajir ah oo ka kooban AMISOM iyo dowladda Soomaaliya ayaa baaris ay ku sameeyeen kiis ku saabsanaa dil ka dhacay deegaanka Leego ee gobolka Shabeellada hoose, waxay ku heleen ciidamada AMISOM inay geysteen toogashada dadka rayidka ah ee lagu dilay deegaankaas.

2/11/2013 12:05 PM EST
Isniin, Feberaayo 11, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa cambaareeyay weerarkii ismiidaaminta ahaa ee maanta ka dhacay degmada Gaalkacyo ee gobolka Mudug, kaasoo uu ku dhintay ruuxii fuliyay, khasaare dhaawacyo ahna sababay.

2/11/2013 12:03 PM EST
Isniin, Feberaayo 11, 2013 (HOL) — Xildhibaanno ka socda dalka Burundi, ayaa maanta kula kulmay Muqdisho madaxda dowladda Somalia, ciidamada AMISOM ee ku sugan Muqdisho iyo ergayga Midowga Afrika ee Soomaaliya, Maxamed Saalix Anaadiif.

2/11/2013 7:58 AM EST
Isniin, Feberaayo 11, 2013 (HOL) —Magaalada Baydhabo ee gobolka Bay ayaa waxaa maanta gaaray ciidamadii ka tirsan kuwa dowladda Soomaaliya oo afdhigeedu ahaa degmada Bardaale ee gobolka Bay, kuwaasoo tiradooda ahayd 300-kasi, iyadoo shalayna ay degmadaas gaareen ciidammo saldhig ku lahaa deegaanka Gof-gaduud Shabeelow.

2/11/2013 7:44 AM EST
Isniin, Feberaayo 11, 2013 (HOL) — Urur siyaasadeedkii DALSAN ee ka midka ahaaa ururaddii hadhay, ayaa maanta la midoobay xisbiga taladda haya ee KULMIYE, isla markaana kala qortay heshiis wax wada qaybsi.

2/11/2013 7:35 AM EST
Isniin, Feberaayo 11, 2013 (HOL) — Qaramada Midoobayayaa shaacisay in dhammaan xafiisyadeeda ku yaala Magaalada Nairobi ay ugu soo rarayso sida ugu dhaqsiyaha badan gudaha Soomaaliya, gaar ahaan xarunta dalka Soomaailya ee Muqdisho oo isbedel ammaan uu ka jiro.

2/11/2013 7:27 AM EST
Isniin, Feberaayo 11, 2013 (HOL) — Warsaxaafadeed ay soo saartay hay’adda ICRC ayaa waxay ku sheegtay in guddiga caalamiga ee Laan-qeyrta cas (ICRC) iyo mas’uuliyiinta xanaanada xoolaha Soomaaliya ay soo gaba-gabeeyay olole ballaaran oo lagu daweeyay 700,000 oo nee foo ku nool waqooyiga Somaaliya.

2/11/2013 6:58 AM EST
Isniin, Feberaayo 11, 2013 (HOL) —Nabadsugidda gobolka Banaadira ayaa maanta kusoo bandhigtay Muqdisho maydka ruux ay sheegeen inuu xalay ku dilay degmada Shibbis ee gobolka Banaadir sarkaal ka tisranaa ciidamada sirta dowladda Soomaaliya.

2/11/2013 6:31 AM EST
Isniin, Feberaayo 11, 2013 (HOL) — Ciidamada dowaldda Soomaaliya iyo kuwa AMIOSM oo isgarabsnaya ayaa howgallo ay ku qab-qabteen boqolaal qof waxay saakay ka sameeyeen xaafado ka tirsan degmooyinka Hodan iyo Dayniile ee gobolka Banaadir.

2/11/2013 6:07 AM EST
Isniin, Feberaayo 11, 2013 (HOL) — Faahfaahin dheeri ah ayaa kasoo baxaysa qaraxii ismiidaaminta ahaa ee saaka magaalada Gaalkacayo lagula beegsaday taliye ku-xigeenka ciidamada Booliska Puntland Gen. Muxiyadiin Axmed Muuse.

2/11/2013 3:38 AM EST
Isniin, Feberaayo 11, 2013 (HOL) —Waxaa saaka magaalada Gaalkacayo ee xarunta gobolka Mudug qarax lagula beegsaday taliye ku-xigeenka ciidamada Booliska Puntland Gen. Muxiyadiin Axmed Muuse.

2/11/2013 2:20 AM EST
Isniin, Feberaayo 11, 2013 (HOL) — Xulka kubadda cagta ee dalka Nigeria ayaa ku guuleysatay koobka Qaramada Afrika oo lagu soo gabgabeeyay xalay magaalada Johannesberg ee dalka Koonfur Afrika, kaddib markii ay ka adkaadeen xulka Burkino Faso oo ay ciyaarta kama dambeysta ah isugu soo baxeen.

2/11/2013 1:21 AM EST
Isniin, Feberaayo 11, 2013 (HOL) — Iyadoo dowladda Mareykanka ay dabada ka riixayso in Soomaaliya laga qaado cunno-qabteynta hubka ee Qaramada Midoobay ay saartay, ayaa guddiga ilaalinta cunno-qabteynta hubka ee saaran Soomaaliya iyo Eritrea waxay sheegayaan in Al-shabaab ay hub ka hesho shakabado ku xiran Yemen iyo Iiraan.

2/11/2013 12:32 AM EST
Isniin, Feberaayo 11, 2013 (HOL) — Ciidamada dowladda Somaaliya iyo kuwa AMISOM ayaa saakay howgallo lagu baarayo hub iyo waxyaabaha qarxa kawada xaafado ku yaalla degmooyinka Dayniile iyo Hodan, kaddib markii kooxo hubeysan ay xalay weerareen saldhig ciidan oo ku yaalla degmada Dayniile.