2014-10-25
Today from Hiiraan Online:  _
Wararka Maanta- Axad, Feb 10, 2013
Kooxda kubadda cagta Ciidanka Asluubta degmada Boorame oo ku guuleysatay Koobkii Dowladda Hoose (SAWIRRO)



Axad, Feberaayo 10, 2013 (HOL) —  Kooxda ciidanka asluubta ayaa maanta ku guuleysatay koobkii dowladda hoose ee degmada Boorame kaddib ciyaar maanta ka dhacay garoonka weyn ee magalaada Boorama ee Biroole, taasoo ahayd mid aad u xiiso badan.

Garoonka ayaa waxaa ka hadlay guddoomiyaha qaban-qaabada koobka dowladda hoose, isagoo sheegay in muhiim ay tahay in dhalliyaradu ay ku ciyaaraan garoonka, isagoo sheegay inay soo jiidatay shacabka degmada ku nool oo dhan.

“Maanta waxaa la taagan yahay maalin isboortigu aad u fiican yahay, balse loo baahan yahay in kor loo sii qaado, waxaama ku baaqayaa in ciyaaraha la horumariyo dhallinyarada la ilaaliyo,” ayuu yiri mas’uulkan u hadlay qaban-qaabiyeyaashii ciyaarahan.

Waxaa kaloo goobta ka hadlay guddoomiyaha isboortiga gobolka Awdal iyo Selel ee Somaliland, isagoo sheegay inuu dadaal ugu jiro sidii kor loogu qaadi lahaa isbarootiga iyo dhalinyarada, balse loo baahan yahay in marka hore gacmaha la is-qabsado, haddii aan la isqabsanna aysan waxba hagaagi karin. Isagoo ku baaqay in ciyaarahan mar walba lagu qabto degmada.

Ciyaartii maanta dhacday oo ay ku tartamayeen kooxaha ciidanka asluubta iyo kooxda kale ee Xasan Sport Center ayaa soo bandhigay ciyaar wanaagsan, iyadoo ay u soo daawasho tageen dadweyne aad u fara badan. Waxaana1-0 ku adkaatay kooxda asluubta.

Gelinkii dambe ee ciyaarta ayaa la isku soo laabtay iyadoo kooxda Xasan Sport Center sport center ayaa lasoo laabatay ciyaar aad u wanaagsan oo iyadoo kooxuhu ay midba midda kale ku qaadaysay weerar, balse waxay guushu ku raacday kooxdii ka socotay ciidanka asluubta degmada Boorame.





Khadro Xasan Nuux, Hiiraan Online
khadra783@hotmail.com
Boorama, Somaliland





Post your comments

2013-02-10 12:32 PM EST
Axad, Feberaayo 10, 2013 (HOL) — Naadiga NBCC ayaa xalay bandhig sannadeedkiisa xog-waranka oo loogu gogol xaarayay sannad-guurada saddexaad ee naadiga. Bandhiggan oo ahaa mid in badan ka duwanaa bandhigyadii looga bartay naadiga ayaa wuxuu ka dhacay machadka culuunta sare ee BORAMA COLLEGE FOR ACADEMIC STUDIES.

2013-02-10 11:07 AM EST
Axad, Feberaayo 10, 2013 (HOL) — Guddoomiyaha cusub ee gobolka Maroodi jeex Maxamed Maxamuud Jeeni Yare, ayaa maanta si rasmi ah ugala wareegay xilkii gudoomiyihii hore ee gobolka Axmed Cumar Xaaji Cabdilaahi Xamarje.

2013-02-10 6:12 AM EST
Axad, Feberaayo 10, 2013 (HOL) — Waxaa maanta magaalada Kismaayo laga dareemayaa diyaargarow ku aadan sidii dib loogu ambaqaadi lahaa shirkii maamul u sameynta Jubooyinkii, iyadoona maanta ilaa shalay ay garoonka diyaaradaha Kismaayo ka dagayeen wufuudii kala duwanayd ee shirka ka qeybqaadan lahayd.

2013-02-10 4:49 AM EST
Axad, Feberaayo 10, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) oo la hadlay saxaafadda ayaa sheegay in xaqiijinta amniga aysan ku ekaan doonin magaalada Muqdisho oo kaliya, balse ay gaarsiin doonaan dalka oo dhan.

2013-02-10 4:48 AM EST
Axad, Feberaayo 10, 2013 (HOL) — Magaalada Muqdisho ayaa waxaa laga furay hotel casri ah, iyadoo furitaankii hoteelkan ay ka qaybgaleen xubno ka socday dowaldda oo ay ka mid ahayd wasiir ku xigeenka wasaaradda khayraadka dalka, Siciido Xasan Cismaan, ganacsato, culummo, waxgarad iyo dadweyne kale.

2013-02-10 2:31 AM EST
Axad, Feberaayo 10, 2013 (HOL) — Golaha ammaanka ee Ummadaha Midoobay ayaa toddobaadka soo socda kulan ka yeelanaya arrimaha Soomaaliya, iyadoo goluhu uu sheegay inay tixgelin doonaan warbixin ku saabsan doorka ay Qaramada Midoobay ku yeelanayso Soomaaliya mustaqbalka soo socda.

2013-02-10 2:30 AM EST
Axad, Feberaayo 10, 2013 (HOL) — Iskahorimaad u dhexeeya ciidamada dowladda Soomaaliya iyo Al-shabaab ayaa ka dhacay shalay gallinkii dambe deegaan u dhexeeya degmooyinka Baardheere iyo Ceelwaaq ee gobolka Gedo, sida uu sheegay sarkaal ka tisran ciidamada dowladda Soomaaliya.