2014-08-01
Today from Hiiraan Online:  _
Wararka Maanta- Axad, Feb 10, 2013
Ra’iisul Wasaaraha Soomaaliya oo sheegay in Gobollada dalka ay kusoo dabaali doonaan Ammaan iyo Xasillooni


Axad, Feberaayo 10, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) oo la hadlay saxaafadda ayaa sheegay in xaqiijinta amniga aysan ku ekaan doonin magaalada Muqdisho oo kaliya, balse ay gaarsiin doonaan dalka oo dhan.

Saacid ayaa hadalkiisa ku daray in xukuumadda uu horkacyo ay go’aan ku gaartay inay dalka oo dhan ku xasiliso muddo kooban; wuxuuna carabka ku dhuftay in qorshaha xasilinta dalka uu yahay mid si dhaqso ah ay ku billaabi doonaan.

“Xukuumaddu waxay dadaal dheer u galaysaa sidii guud ahaan dalka oo dhan ay ku gaarsiin lahayd ammaan, howsha sugidda ammaankuna kuma ekaan doonto magaalada Muqdisho oo keliya,” ayuu yiri Saacid oo hadalkiisa ku daray in dowladdiisu ay gaari doonto gobollada dalka oo dhan.

Ciidamada dowladda Somalia iyo kuwa gacanta siinaya ayuu sheegay inay si wadajir ah uga shaqeyn doonaan nabad kusoo celinta dalka oo dhan, balse ma uusan sheegin xilliga ay howshan billaaban doonto.

“Haddii aan Muqdisho wax ka qabanno maalinta ku xigta waxaan tagaynaa Jowhar si aan iyadana uga qabano howl la mid ah midda Muqdisho, sidoo kale, waxaan tegi doonnaa meel walba oo Muqdisho ku taalla,” ayuu yiri Saacid.

Dhanka kale, ra’iisul wasaaraha Soomaaliya ayaa sheegay in xukuumadda Soomaaliya ay wixii hadda ka dambeeya maamuli doonto dhaqaalaha loogu deeqo Soomaaliya, halkii ay markii hore ka maamuli jireen hay’adaha caalami ah.

Maxamed Xaaji Xuseen, Hiiraan Online
maxuseen@hiiraan.com
Muqdisho,Somaaliya





Post your comments

2013-02-10 12:32 PM EST
Axad, Feberaayo 10, 2013 (HOL) — Naadiga NBCC ayaa xalay bandhig sannadeedkiisa xog-waranka oo loogu gogol xaarayay sannad-guurada saddexaad ee naadiga. Bandhiggan oo ahaa mid in badan ka duwanaa bandhigyadii looga bartay naadiga ayaa wuxuu ka dhacay machadka culuunta sare ee BORAMA COLLEGE FOR ACADEMIC STUDIES.

2013-02-10 12:30 PM EST
Axad, Feberaayo 10, 2013 (HOL) — Kooxda ciidanka asluubta ayaa maanta ku guuleysatay koobkii dowladda hoose ee degmada Boorame kaddib ciyaar maanta ka dhacay garoonka weyn ee magalaada Boorama ee Biroole, taasoo ahayd mid aad u xiiso badan.

2013-02-10 11:07 AM EST
Axad, Feberaayo 10, 2013 (HOL) — Guddoomiyaha cusub ee gobolka Maroodi jeex Maxamed Maxamuud Jeeni Yare, ayaa maanta si rasmi ah ugala wareegay xilkii gudoomiyihii hore ee gobolka Axmed Cumar Xaaji Cabdilaahi Xamarje.

2013-02-10 6:12 AM EST
Axad, Feberaayo 10, 2013 (HOL) — Waxaa maanta magaalada Kismaayo laga dareemayaa diyaargarow ku aadan sidii dib loogu ambaqaadi lahaa shirkii maamul u sameynta Jubooyinkii, iyadoona maanta ilaa shalay ay garoonka diyaaradaha Kismaayo ka dagayeen wufuudii kala duwanayd ee shirka ka qeybqaadan lahayd.

2013-02-10 4:48 AM EST
Axad, Feberaayo 10, 2013 (HOL) — Magaalada Muqdisho ayaa waxaa laga furay hotel casri ah, iyadoo furitaankii hoteelkan ay ka qaybgaleen xubno ka socday dowaldda oo ay ka mid ahayd wasiir ku xigeenka wasaaradda khayraadka dalka, Siciido Xasan Cismaan, ganacsato, culummo, waxgarad iyo dadweyne kale.

2013-02-10 2:31 AM EST
Axad, Feberaayo 10, 2013 (HOL) — Golaha ammaanka ee Ummadaha Midoobay ayaa toddobaadka soo socda kulan ka yeelanaya arrimaha Soomaaliya, iyadoo goluhu uu sheegay inay tixgelin doonaan warbixin ku saabsan doorka ay Qaramada Midoobay ku yeelanayso Soomaaliya mustaqbalka soo socda.

2013-02-10 2:30 AM EST
Axad, Feberaayo 10, 2013 (HOL) — Iskahorimaad u dhexeeya ciidamada dowladda Soomaaliya iyo Al-shabaab ayaa ka dhacay shalay gallinkii dambe deegaan u dhexeeya degmooyinka Baardheere iyo Ceelwaaq ee gobolka Gedo, sida uu sheegay sarkaal ka tisran ciidamada dowladda Soomaaliya.